Skip to main content
x
የኢትዮጵያ አየር መንገድ አዲሱን ድሪምላይነር አውሮፕላን ተረከበ

የኢትዮጵያ አየር መንገድ አዲሱን ድሪምላይነር አውሮፕላን ተረከበ

የኢትዮጵያ አየር መንገድ ቦይንግ 787-9 ድሪምላይነር አውሮፕላን ተረከበ፡፡ ለአፍሪካ የመጀመርያው የሆነው ግዙፍና ዘመናዊ አውሮፕላን አዲስ አበባ ቦሌ ዓለም አቀፍ ኤርፖርት ዓርብ ጥቅምት 17 ቀን 2010 ዓ.ም. አመሻሽ ላይ ሲደርስ የመንግሥት ባለሥልጣናት፣ ዲፕሎማቶች፣ የአየር መንገዱ ከፍተኛ የማኔጅመንት አካላትና ጥሪ የተደረገላቸው እንግዶች አቀባበል አድርገዋል፡፡ አውሮፕላኑን አሜሪካ ሲያትል ኤቨሬት ከሚገኘው የቦይንግ ማምረቻ ያለማቋረጥ ለ15 ሰዓታት እያበረሩ ያመጡት ካፒቴን ዮሐንስ ኃይለ ማርያም ወደ ማረፊያው ሲቃረቡ የአየር ላይ ትዕይንት አሳይተዋል፡፡ ሁለት የሮልስ ሮይስ ትሬንት 1000K ሞተሮች የተገጠሙለት ቦይንግ 787-9 አውሮፕላን 315 መንገደኞችን (30 ቢዝነስ 285 ኢኮኖሚ) ማሳፈር ይችላል፡፡ አዲሱ አውሮፕላን ‹‹ቤጂንግ›› ተብሎ ተሰይሟል፡፡ በምሥሉ ላይ አውሮፕላኑን ከአሜሪካ እያበረሩ ያመጡ የአየር መንገዱ አብራሪዎች ይታያሉ፡፡