Skip to main content
x

የበሬ ሥጋ በአትክልትና በቅንጬ

ጥሬ ዕቃዎች

ግማሽ ኪሎ ግራም የበሬ ሥጋ (የእግሩ ቢሆን ይመረጣል)

1 ራስ ቀይ ሽንኩርት

2 ፍሬ ነጭ ሽንኩርት

2 ራስ ካሮት

5 ፍሬ ቲማቲም

200 ግራም ብሮኮሊ

6 ጭልፋ የአትክልት ማጣፈጫ ሾርባ

50 ሚሊ ሊትር ወይን ጠጅ (1 ቡና ሲኒ)

1 የሾርባ ማንኪያ ደረቅ የጥብስ ቅጠል

(1/2) ግማሽ ብርጭቆ ቅንጬ

(1/2) ግማሽ የሻይ ማንኪያ ሚጥሚጣ

5 የሾርባ ማንኪያ ዘይት

ጨውና ቁንዶበርበሬ

አዘገጃጀት

  • ሥጋውን በመካከለኛ መጠንና በአራት ማዕዘን መቆራረጥ፤
  • ቀይና ነጭ ሽንኩርቱን በደቃቁ መክተፍ፤
  • ካሮቱንና ቲማቲሙን በደቃቁ መክተፍ፤
  • ብሮኮሊውን ገነጣጥሎ መክተፍ፤
  • ቅንጬውን በደንብ ማጠብ፤
  • ተለቅ ባለ ድስት ዘይት ማጋልና ሥጋውን መጥበስ፤
  • ከድስት ውስጥ ሥጋውን አውጥቶ ሥጋው በተጠበሰበት ዘይት ቀይ ሽንኩርት፣ ነጭ ሽንኩርት፣ ካሮትና የጥብስ ቅጠል በደንብ ማቁላላት፤
  • ቲማቲሙን ጨምሮ ለአምስት ደቂቃ አብስሎ የተጠበሰውን ሥጋ እንደገና ወደ ድስት መጨመር፤
  • ቅንጬውንና ወይን ጠጁን ወደ ሥጋ ጨምሮ እንደገና ማብሰል፤
  • የሾርባ ማጣፈጫውን ጨምሮ ለ20 ደቂቃ ማብሰል፤
  • ብሮኮሊውን ጨምሮ ለሌላ አምስት ደቂቃ ማብሰል፤
  • ሚጥሚጣ፣ ጨውና ቁንዶበርበሬ ጨምሮ ማውረድ፡፡
  • ጆርዳና ኩሽና ‹‹የምግብ አዘገጃጀት›› (2007)