Skip to main content
x
ውይይት በኢትዮጵያና ጣልያን ሁለተኛው ጦርነት ታሪክ

ውይይት በኢትዮጵያና ጣልያን ሁለተኛው ጦርነት ታሪክ

በቅርቡ በታሪክ ባለሙያው አቶ ጥላሁን ጣሰው በተዘጋጀው ‹‹የኢትዮጵያ እና የጣልያን ሁለተኛው ጦርነት ታሪክ›› መጽሐፍ ላይ ማክሰኞ ኅዳር 26 ቀን 2010 .በሀገር ፍቅር ቴአትር ቤት አዳራሽ ከቀኑ 11 ሰዓት ጀምሮ ውይይት ይደረግበታል፡፡ በቡክ ላይት አሳታሚነትና አከፋፋይነት በ82 ብር ለገበያ በቀረበው መጽሐፍ ዙርያ የተለያዩ ባለሙያዎች ለውይይት መነሻ ሐሳብ እንደሚያቀርቡ ታውቋል፡፡ አቶ ጥላሁን በ1969 ዓ.ም. ኢምፔሪያሊዝም ሥርዓቱና የማወናበጃ ስልቱ፣ የፋሺስት ጣሊያን ወረራና የአርበኞች ተጋድሎን መሠረት ያደረጉ ሁለት መጻሕፍት፡- አዳባይ ታሪካዊ ልቦለድ (በ1975 ዓ.ም.) እና Trying Times (በ2004 ዓ.ም.)፣ እንዲሁም ፍትሕና ርትዕ (በ2008 ዓ.ም.) ለንባብ አብቅተዋል፡፡

+++++++

የሎጂክ መጽሐፍ በኦሮሚፋ

የወለጋ ዩኒቨርሲቲ የፍልስፍና መምህሩ አቶ ደስታ አለማዮ በኦሮሚፋ የጻፉት  ‹‹LOOJIKII (Introduction to Logic)›› ኀዳር 17 ቀን 2010 . በኦሮሞ ባህል አዳራሽ ተመርቆ ለንባብ በቅቷል። ይህን መሰሉ የፍልስፍና መጽሐፍ በአፋን ኦሮሞ ተዘጋጅቶ ለንባብ ሲበቃ ዓይነተኛ ነው ተብሏል። ባለ አራት  ምዕራፍ መጽሐፉ፣ በውስጡ ስለ ሎጂክ ምንነት፣ ስለቋንቋና ሥነ አመክንዮ፣ ስለሕፀፅ ምንነትና ዓይነቶቹ፣ የስሎጅስት ሥነ አመክንዮወዘተ አካቶ ይዟል።  በዕለቱ ‹‹በውጭ ቋንቋዎች የተጻፉ የሎጂክ መጽሐፎች ቢኖሩም፣ በራሳችን ቋንቋ ምክንያታዊ አስተሳሰብን የሚያበረታቱ መጽሐፎች ግን እምብዛም ናቸው፤›› ያሉት የመጽሐፉ አዘጋጅ  አቶ ደስታ፣ አብዛኛው ሰው በሚረዳው የአፍ መፍቻ ቋንቋ የተጻፈ የፍልስፍና ሥራ አስፈላጊ ሆኖ መገኘቱን አስምረውበታል፡፡ በምረቃው ላይ የተገኙት የፍልስፍና መምህራኑ  ዮሴፍ ሙሉጌታ (/ር) እና  ምልኬሳ ሚዻጋ (/ር) እንደተናገሩት፣ ‹‹ሥነ አመክንዮ ለፍልስፍና ተማሪዎችና አስተማሪዎች ብቻ የተተወ ጉዳይ ሳይሆን፣ አእምሮ ላለው ለሰው ልጅ በመላ አስፈላጊ እንደሆነ›› በአጽንኦት ገልጸዋል። አያይዘውም፣ ‹‹የሰው ልጅ በተፈጥሮና በልምድ ያካበተውን ዕውቀቱን በትክክል ለመግለጽ፣ ሥነ አመክንዮ ለእያንዳንዱ ግለሰብና በማንኛውም የትምህርት ዘርፍ ውስጥ ላሉት እጅግ ወሳኝ ነው፤›› በማለት ገልጸዋል። 200 ገጽ የተመጠነው መጽሐፉ 80 ብር ለንባብ ቀርቧል። ከዚህ በፊት ‹‹መሠረታዊ ሎጂክና ሕፀፅ›› የተሰኘ መጽሐፍ በካሳሁን ዓለሙ ተጽፎ ለንባብ መብቃቱ ይታወቃል።

የሎጂክ መጽሐፍ በኦሮሚፋ