Skip to main content
x
በአዲግራት ዩኒቨርሲቲ በተነሳ ግጭት አንድ ሰው ሞተ
የአዲግራት ዩኒቨርሲቲ ተማሪዎች

በአዲግራት ዩኒቨርሲቲ በተነሳ ግጭት አንድ ሰው ሞተ

በአዲግራት ዩኒቨርሲቲ አርብ ኅዳር 29 ቀን 2010 ዓ.ም. በተነሳ ግጭት የአንድ ተማሪ ሕይወት ሲጠፋ ቁጥራቸው ለጊዜው ያልታወቁ ተማሪዎች እንደተጎዱ ታውቋል፡፡ የግጭቱ መነሻ በሁለት ተማሪዎች መካከል የነበረ ጥል እንደሆነና ይህም ወደ ብሔር ግጭት እንዳደገ ታውቋል፡፡

 

የትግራይ ክልል የመንግሥት ኮሙዩኒኬሽን ጉዳዮች ቢሮ ኃላፊ አቶ ገብረሚካኤል መለስ አንድ ተማሪ መሞቱን ለሪፖርተር ያረጋገጡ ሲሆን፣ ምን ያህል ተማሪዎች እንደተጎዱ ግን እርሳቸውም የተሟላ መረጃ እንዳልደረሳቸው አስታውቀዋል፡፡

 

የዩንቨርሲቲው ግቢ በመከላከያ ኃይል ቁጥጥር ሥር እንዳለ ሪፖርተር በሥፍራው ተገኝቶ ተመልክቷል፡፡

የክልሉ የመንግሥት ኮሙዩኒኬሽን ጉዳዮች ኃላፊ የዩኒቨርሲቲው ቦርድ አባላት ወደ ግቢው ገብተው ተማሪዎችን ለማረጋጋት ጥረት እያደረጉ መሆኑን አስታውቀወል፡፡

አቶ ገብረሚካኤል ሟቹ ተማሪ የየትኛው ክልል ተማሪ እንደሆነ አልገለጹም፡፡