Skip to main content
x

መጻሕፍት ምረቃ

የአፋን ኦሮሞ - እንግሊዝኛ - አማርኛ መዝገበ ቃላት ለኅትመት በቃ፡፡ ‹‹ኦዳ›› በሚል መጠሪያ የተዘገጀውን ባለ ሦስት ልሳናት መዝገበ ቃላት ያዘጋጀው ኩራዝ ኢንተርናሽናል አሳታሚ ድርጅት ነው፡፡ በኦሮሞ ባህል ማዕከል ታኅሣሥ 7 ቀን 2010 ዓ.ም. የተመረቀው ኦዳ የኦሮሞን ባህልና እሴትን አካቶ ይዟል፡፡ በ180 ብር ለሽያጭ ቀርቧል፡፡

በሌላ በኩል ከ75 ዓመታት በፊት በተካሄደው የትግራይ የመጀመሪያው ወያኔ ላይ ትኩረት ያደረገ መጽሐፍ ታኅሣሥ 7 ቀን በአክሱም ሆቴል ተመርቋል፡፡ በቀዳማይ ወያኔ መሪ በብላታ ኃይለማርያም ቃለ መጠየቅና ማስታወሻ ዋቢነት የተመረኮዘው መጽሐፍ ‹‹ገረብ ዓረና ወያኔ ትግራይ›› ይሰኛል፡፡ መጽሐፉን ያዘጋጀው የብላታ ኃይለማርያም ልጅ፣ ካሳ ኃይለማርያም ነው፡፡

                              *****

የኦዳ የኪነ ጥበብ ሽልማት

በአፋን ኦሮሞ ቋንቋ የተሠሩ የኪነ ጥበብ ሥራዎች ተወዳድረው አሸናፊዎቹ ዕውቅና የሚያገኙበትና የሚሸለሙበት ዓመታዊ መድረክ ተዘጋጀ፡፡ በሻቱ ቶለማርያም መልቲ ሚዲያ ለሪፖርተር በላከው መግለጫ እንዳስታወቀው፣ መድረኩ በ2009 ዓ.ም. በሙዚቃ፣ በፊልምና በተከታታይ ድራማ ዘርፎች ስኬታማ የሚሆኑ የሚሸለሙበት ይሆናል፡፡  የኦዳ የኪነ ጥበብ ሽልማት የሚከናወነው ከኦሮሚያ ባህልና ቱሪዝም ቢሮ ጋር በመተባበር ነው፡፡