Skip to main content
x
የኦሮሚያ የኦሮሚያ የኅብረት ሥራ ባለ 18 ፎቅ ጊዜያዊ የዋና መሥሪያ ቤት  ለመገንባት ስምምነት ተፈራረመ

የኦሮሚያ ኅብረት ሥራ ባንክ ባለ 18 ፎቅ ጊዜያዊ የዋና መሥሪያ ቤት ለመገንባት ስምምነት ተፈራረመ

የኦሮሚያ ኅብረት ሥራ ባንክ ባለ 18 ፎቅ ጊዜያዊ የዋና መሥሪያ ቤት ሕንፃ ለማስገንባት፣ ቻይና ውይ ከተባለ የቻይና ኮንስትራክሽን ኩባንያ ጋር ስምምነት ተፈራረመ፡፡ ሕንፃው የሚገነባው ቦሌ ሩዋንዳ አካባቢ መሆኑ ታውቋል፡፡

 

ከ390 ሚሊዮን በላይ በሆነ ወጪ ይገነባል የተባለው ዘመናዊ ሕንፃ ለመሸጋገሪያ ወይም በጊዜያዊነት የባንኩ ዋና መሥሪያ ቤት ሆኖ እንደሚያገለግል፣ ረቡዕ ታኅሳስ 11 ቀን 2010 ዓ.ም. ስምምነቱ በተፈረመበት ወቅት ተገልጿል፡፡

 

ሕንፃው ኦቶማቲክ ፓርኪንግ ኖሮት የሚገነባ መሆኑንና በአዲስ አበባም የመጀመሪያው ይሆናል ተብሏል፡፡ ከኮንትራክተሩ ጋር በተረደገው ውል መሠረት ዲዛይኑን የሚሠራው ቻይና ውይ ኮንስትራክሽን ኩባንያ መሆኑን ከባንኩ የተገኘው መረጃ ያስረዳል፡፡

ቦሌ ሩዋንዳ አካባቢ የሚገነባው አዲሱ ሕንፃ አጠቃላይ ግንባታው በአንድ ዓመት ተኩል ጊዜ ውስጥ እንደሚያልቅ ተገልጿል፡፡

የሕንፃውን ዲዛይንና የግንባታ ሥራውን በጥቅል የሚገነባው የቻይና ኩባንያ፣ በአሁኑ ወቅት የዘመን ባንክን የዋና መሥሪያ ቤት ሕንፃ በመገንባት ላይ ነው፡፡