Skip to main content
x

ሩዝ በተጠበሰ አትክልት

ጥሬ ዕቃዎች

250 ግራም (ሩብ ኪሎ) ሩዝ

1 ፍሬ ካሮት

10 ፍሬ ፎሶሊያ

(½) ግማሽ ጣሳ የቆርቆሮ በቆሎ

2 እንቁላል

(½) ግማሽ የሻይ ማንኪያ ስኳር

2 የሾርባ ማንኪያ ጥቁር ሶያ ሶስ

4 የሾርባ ማንኪያ ላይት ሶያ ሶስ (

7 የሾርባ ማንኪያ ዘይት

ጨው

አዘገጃጀት

  • ሩዙን አጥቦ 10 የቡና ስኒ ውኃ አድርጎ ለ25 ደቂቃ መቀቀልና ማቀዝቀዝ፣
  • ካሮትና ፎሶሊያ ለየብቻው በደቃቁ ከትፎ ማስቀመጥ፣
  • በትልቅ መጥበሻ ዘይቱን አግሎ ካሮትና ፎሶሊያውን መጨመር፣
  • ፎሶሊያና ካሮቱ በደንብ ከተጠበሰ በኋላ የቆርቆሮውን በቆሎ ውኃውን አጥልሎ መጨመር፣
  • በጐድጓዳ ሰሀን እንቁላሉን በደንብ መምታት፣
  • መጥበሻ ላይ እንዳለ የተጠበሰውን አትክልት ወደ ዳር አድርጐ እንቁላሉን በአንድ በኩል መጥበሻው ላይ ጨምሮ መጥበስ፣
  • እንቁላሉ በደንብ ከተጠበሰ በኋላ መጥበሻው ዳር ከሚገኙት አትክልቶች ጋር መደበላለቅ፣
  • በመቀጠል ተቀቅሎና ቀዝቅዞ የሚገኘውን ሩዝ መጥበሻ ላይ ካሉት አትክልቶች ጋር መደበለቅ፣
  • ስኳር፣ ጥቁር ሶያና ላይት ሶያ ሶስ ሩዙ ውስጥ ጨምሮ በደንብ አዋህዶ ለአምስት ደቂቃ ያህል እያማሰሉ መጥበስ፣
  • አስፈላጊ ከሆነ ጨው ጨምሮ አቀላቅሎ ማውረድ፡፡
  • ጆርዳና ኩሽና ‹‹የምግብ አዘገጃጀት›› (2007)