Skip to main content
x
በመንግሥት ላይ 904 ሚሊዮን ብር ጉዳት አድርሰዋል የተባሉ ተከሰሱ

በመንግሥት ላይ 904 ሚሊዮን ብር ጉዳት አድርሰዋል የተባሉ ተከሰሱ

ከኢትዮጵያ መንገዶች ባለሥልጣን ተጠርጥረው በተከሰሱት በአነ አቶ ዛይድ ወልደገብርኤል መዝገብ ላይ በተለያዩ ፕሮጀክቶች በመንግሥት ላይ 904 ሚሊዮን ብር ጉዳት በማድረስ አቃቤ ሕግ ክስ መሰረተ፡፡ ነገር ግን በአቶ በቀለ ባልቻ፣ አቶ ሳምሶን ወንድሙና አቶ የኔነህ አሰፋ ላይ አቃቤ ህግ ከገቢያቸው በላይ አከማችተዋል በሚል ለምርመራ ጊዜ ያስፈልገኛል መማለት ክሱን ሳይቀርብ ቀርቷል፡፡ ፍርድ ቤቱ በተመሳሳይ መዝገብ የተከሰሱትን አቶ ካሳዬ ካቻን በ20 ሺህ ብር ዋስትና እንዲለቀቁ ወስኗል፡፡

ከስኳር ኮርፖሬሽን የተጠረጠሩ የሥራ ኃላፊዎች ላይም በሁለት መዝገብ ክስ ተመስርቷል፡፡ በእነ ፈለቀ ዘነበ ላይ ከ57 ሚልዮን ብር በላይ ጉዳት በማድረስ በሚልና በእነ አበበ ተስፋዬ ላይ የ4.2 ሚልዮን ብር ጉዳት በማድረስ ክስ ተመሥርቷል፡፡

ከኦሞ ኩራዝ 5 ተጠርጥረው ታስረው የነበሩት ኮሎኔል ኤፍሬም ባንጌና ከገንዘብና ኢኮኖሚ ትብብር ሚኒስቴር ተጠርጥረው ታስረው የነበሩት አቶ ቲጃን አባጎጃም ዓቃቤ ሕግ ለምስክርነት ስለፈለጋቸው እንዲለቀቁ ተደርገዋል፡፡ ነገር ግን እዲታሰሩ ማሰሪያ ፈቃድ የሰጠው ፍርድ ቤት ሳያውቅ ስለተለቀቁ በአቃቤ ግና በፍርድ ቤቱ መካከል ውዝግብ ፈጥሯል፡፡