Skip to main content
x
ዝክረ ሪቻርድ ፓንክረስት

ዝክረ ሪቻርድ ፓንክረስት

በቅርቡ በ89 ዓመታቸው ከዚህ ዓለም በሞት የተለዩት የፕሮፌሰር ሪቻርድ ፓንክረስት ዝክር በልጃቸው በአሉላ ፓንክረስት ይከናወናል፡፡ ዝክሩ አሊያንስ ኢትዮ ፍራንሴዝ ያዘጋጀው የሁለት ቀናት የመጻሕፍት ፌስቲቫል አንዱ ገጽታ ሲሆን፣ ዓርብ ሚያዝያ 13 ቀን 2009 ዓ.ም. ከ8 ሰዓት ጀምሮ ይካሄዳል፡፡

በዕለቱ የክብር እንግዳ የሚሆኑት ዶ/ር አሉላ ፓንክረስት፣ አባታቸውን ከመዘከር በተጨማሪ ‹‹ዘ ቡክ ፍሮም ፐብሊሺንግ ቱ ሪዲንግ›› በሚል ስለመጻሕፍት ኅትመትና ንባብ፣ ‹‹ትራንስሌሽን ኢን ኢትዮጵያ›› በሚል ስለ ኢትዮጵያ የትርጉም ሥራዎች ውይይት ይደረጋል፡፡ ሚያዝያ 14 ቀን በሚጠናቀቀው ፌስቲቫል የዳግማዊ ምኒልክ ዘመነ መንግሥት በፈረንሣይ ሚዲያዎች ዕይታ የሚያሳይ ዐውደ ርዕይም ይቀርባል፡፡