የዕውቁ የወንጀል ምርመራ ደራሲ ይልማ ሀብተየስ ሥርዓተ ቀብፈጸማልር ዛሬ ይ

ዕውቁ የወንጀል ምርመራ ደራሲ ይልማ ሀብተየስ በ79 ዓመታቸው አረፉ፡፡  ታዋቂው ደራሲ ይልማ በግማሽ ምታመት የድርሰት ሕይወታቸው 16 ልቦለዶችንና ሰባት የቴሌቪዥን ድራማዎችን ደርሰዋል፡፡ አዘጋጅተዋል፡፡ በተለይ በወንጀል ምርመራ ድርሰት ዘርፍ በኢትዮጵያ ሥነ ጽሑፍ ዓይነተኛ ቦታ እንዳላቸው ይወሳል፡፡

በኢትዮጵያ ቴሌቪዥን ከሠላሳ ዓመታት በፊት ለእይታ የበቃው ‹‹ያልተከፈለ ዕዳ›› ቀዳሚው ተጠቃሽ ነው፡፡ የአበቅየለሽ ኑዛዜ፣ ደላላው፣ ሳይናገር ሞተ፣ ደም የነካው እጅ፣ ሌላው እጅ፣ ከቀብር መልስ፣ የቤቱ መዘዝ ከብዙው በጥቂቱ የሚጠቀስላቸው ድርሰቶቻቸው ናቸው፡፡ ‹‹ያልታደለች በሰው ሠርግ ተዳረች›› የመጀመሪያው ልቦለዳቸው ነው፡፡

በ1930 ዓ.ም. በአዲስ አበባ ከተማ ተወልደው ያደጉት አቶ ይልማ፣ ከቄስ ትምህርት ቤት በኋላ ትምህርታቸውን በሊሴ ገብረማርያም ተከታትለዋል፡፡ በፓስተር ኢንስቲትዩት ላቦራቶሪ ሳይንስ ያጠኑ ሲሆን በራስ ደስታ ሆስፒታል በሙያቸው ሠርተዋል፡፡ ተጨማሪ ትምህርታቸውን በጎንደር ጤና ኢንስቲትዩትና በስዊዲን ተከታትለዋል፡፡

የደራሲው ሕይወትና ሥራዎች ከተገለፁባቸው መጻሕፍት መካከል፣ “Black lions the Creative lives of modern Ethiopia’s literary Giants and Pioneers”፣ “Encyclopedia of African literature” የተባሉት ይጠቀሳሉ፡፡

ባለትዳርና የአንዲት ሴት ልጅ አባት የነበሩት አቶ ይልማ ሀብተየስ ሥርዓተ ቀብር፣ ዛሬ ሚያዝያ 11 ቀን 2009 ዓ.ም. በአስኮ ቅዱስ ገብርኤል ቤተክርስቲያን ከቀኑ በዘጠኝ ሰዓት እንደሚፈፀም ታውቋል፡፡