Skip to main content
x
ድሮ እና ዘንድሮ

ድሮ እና ዘንድሮ

መሃል አራዳ (ፒያሳ) በሲኒማ ኢትዮጵያና ‹‹በማሕሙድ ሙዚቃ ቤት›› መሃል የሚገኘው ሕንፃ ኪዎርኮፍ ይባላል፡፡ ‹‹አንድምታ›› በሚባለው ድረ ገጽ እንደተገለጸው፣ በ1900ዎቹ መጨረሻ ማቲክ ኬዎርኮፍ በተባለ ነጋዴ ለሱቅነት የተገነባ ሕንፃ ነው፡፡ በፋሺስት ጣልያን ወረራ ዘመን (1928-1933) ‹‹ካዛ ሊቶሪያ›› ይባል ነበር፡፡ አገልግሎቱም ከ1930ዎቹ እስከ 1960ዎቹ የኢትዮጵያ የርሻ ባንክ፣ ከ1970ዎቹ እስከ 2000ዎቹ ከኤልያስ ሆቴል እስከ ሮያል ኮሌጅ ድረስ ዘልቋል፡፡ ፎቶዎቹ ከ80 ዓመታት በፊት በፋሺስቶች ዘመን የነበረውንና ያሁን ዘመኑን የሕንፃውን ገጽታ ያሳያሉ፡፡

‹‹የፒያሳ ኬዎርኮፍ ሕንፃ››

በ‹‹አንድምታ የጥበብ መጽሔት›› - ድረ ገጽ

 ሰውና ተልባ

በደስታ ቀኔ

ወዳጄና እኔ

ተልባውን በእንጀራ

ተጎራርሰን ነበር

     ፍቅር ስንሠራ

ታዲያ … ስንኖር … ስንኖር

     ስንኖር በፍቅር

የእውነት ቀን ሲመጣ

     አንዳችን ለአንዳችን

ሆን የተልባ ሥፍር፡፡

  • አንዱዓለም ጌታቸው ‹‹ዮሬካ›› (2008)

*****

ቻይናዊ ሳይንቲስት ድንች በጨረቃ ላይ ሊያበቅሉ ነው

ቻይናዊ ሳይንቲስት ወደ ጨረቃ በሚያደርጉት ጉዞ፣ ጨረቃ ላይ ድንች የማብቀል ሙከራ እንደሚያደርጉ አስታውቀዋል፡፡ የቻይና ኢንተርናሽናል ሬዲዮ እንዳሠፈረው፣ የቾንኩዊንግ ዩኒቨርሲቲው ፕሮፌሰር ዢ ጂንጉርን በቀጣዩ ዓመት ወደ ጨረቃ በሚኖራቸው የጨረቃ ላይ ጉዞ ድንች ለመትከል ያለሙት፣ ምድር ላይ ድንችን የሚያጠቁ ነፍሳትና ትሎች በጨረቃ ላይ ሲተከል ይከሰቱ እንደሆን ለማረጋገጥና ውጤቱ መልካም ከሆነ በዓለም ለምግብነት የሚለውን ድንች ዝርያ ቀጣይነት ለማረጋገጥ ነው፡፡

                        ******

ሙዚቃን በየመፀዳጃ ቤቱ

በትልልቅ ሆቴሎች በሚገኙ መፀዳጃ ቤቶች ውስጥ ለስለስ ያሉና በመሣሪያ የተቀነባበሩ ሙዚቃዎችን መስማት የተለመደ ቢሆንም፣ ይህ በትምህርት ቤቶች በሚገኙ መፀዳጃ ቤቶች ግን እምብዛም የሚጠበቅ አይደለም፡፡ የስዊድን ካውንስለር ሰሞኑን የመከሩት ግን በትምህርት ቤቶች መፀዳጃዎች ውስጥ የሙዚቃ አስፈላጊነትን ነው፡፡ ካውንስለሯ ሲሲሊያ ካቶ ለዘ ሎካል እንደገለጹት፣ በትምህርት ቤቶች መፀዳጃዎች  ክፍሎች ውስጥ ሙዚቃ ቢለቀቅ በትምህርትም ሆነ መፀዳጃ ቤት ካለ ጭንቀት ፈታ ሊሉ ይችላሉ፡፡

ተማሪዎች በመፀዳጃ ሲገቡ የሽንታቸው ወይም የፈሳቸው ድምፅ ሲሰማ እንደሚሸማቀቁ፣ ድምፅ እንዳይወጣ ሲሉም ሰውነታቸውን እንደሚያስጨንቁ ካውንሰለሯ ካቶ የገለፁ ሲሆን፣ እሳቸው ተማሪ በነበሩበት፣ በትምህርት ቤት በሠሩባቸው ዓመታትም ችግር እንደነበር አክለዋል፡፡ ካቶ ያቀረቡት ሐሳብ ላይ አካባቢያዊ ባለሥልጣናት ድምፅ እንደሚያሰጡበት ዘገባው ያሳያል፡፡

                        ******

‹‹ሩቅ አሳቢው . . . ››

ከቃሊቲ አደባባይ ወደ ሃና ማርያም በሚወስደው አውራ ጎዳና ጓዙን ሸክፎ ይሽከረከር የነበረው ባለተጎታች የጭነት መኪና፣ ካሰበው ቦታ ሳይደርስ ተጎታቹ እንዳይሆን ሆኗል፡፡

ፎቶ በመስፍን ሰሎሞን

*****