የሕፃናት መብቶች ኮንቬንሽን አራቱ መሠረታዊ አጠቃላይ መርሆዎች

ፃናትን ከአድሏዊ አሰራርና ድርጊት መጠበቅ

የእኩልነት መብት እንዲሁም አድልዎ ያለማድረግ በተለያዩ ዓለም አቀፍና አህጉራዊ የሰብዓዊ መብቶች ቃልኪዳኖች ላይ ሰፍሮ የሚገኝ መብት ነው፡፡ አድልዎ ያለማድረግ መርህ በሕፃናት መብቶች ኮንቬንሽን አንቀፅ 2 ላይ እንዲሁም በአፍሪካ የሕፃናት መብቶችና ደህንነት ቻርተር አንቀፅ 3 ላይ የተጠቀሰ መሰረታዊ መርህ ነው፡፡ መድልዎ ማለት ዘርን፣ ቀለምን፣ ፆታን፣ ቋንቋን፣ ሃይማኖትን፣ ፖለቲካዊም ሆነ ሌላ ዓይነት አመለካከትን፣ ብሔራዊ ወይንም ማህበራዊ መነሻን፣ ንብረትን፣ ውልደትን ወይንም ሌላ አቋምን መሠረት ያደረገና የመብቶችን እና ነፃነቶችን እውቅናን፣ መጠቀምንና እና መተግበርን የሚቃረንና የሚከለክል ማንኛውም ዓይነት ልዩነት እና ገደብ ማለት ነው፡፡