በአገሪቱ ባለፉት አምስት ዓመታት በ60 ሚሊዮን ዶላር የተካሄደው የመጀመሪያው ምዕራፍ የአርብቶ አደሩ ማህበረሰብ የልማት ፕሮጀክት ተጠናቀቀ፡፡

በናታን ዳዊት

በአገራችን ትላልቅ አገልግሎት ሰጪዎች ከሚባሉት መንግሥታዊ ተቋማት መካከል የኢትዮጵያ ኤሌክትሪክ ኃይል ኮርፖሬሽን፣ የአዲስ አበባና የክልል የውሃና ፍሳሽ አገልግሎት መሥሪያ ቤቶች እና የኢትዮጵያ ቴሌኮሙኒኬሽን ኮርፖሬሽን ተጠቃሽ ናቸው፡፡

በሔኖክ ያሬድ

"ያ ልጅነት በጊዜያቱ ደስ ማለቱ" አንጎራጉር ነበር ያኔ ስሰማ የነበረው የድምፃዊው ዜማ ዛሬ የተከሰተልኝ ከሪደርስ መጻሕፍት መደብር ስወጣ ነበር፡፡ ልጅነትን የሚያስታውስ በተለይም የእኔን የልጅነት ዘመን በ1950ዎቹ መካተቻና በ1960ዎቹ መጀመሪያ ዘመን መቼቱን ያደረገ በልብ ወለድ መልክ የቀረበ መጽሐፍ መመልከቴ ነበር፡፡

ኦቫሪ ተተክቶላት መውለድ የቻለች የመጀመሪያዋ እናት

የሴቴ እንቁላል ማምረቻ አካል (ኦቫሪ) በቀዶ ሕክምና የተተካላት በዓለም ላይ የመጀመሪያዋ የሆነችው እናት በሰላም መገላገሏ ሴት ልጅ ተዓምር ማሰኘቱን ቢቢሲ ዘገበ፡፡

በምሕረት አስቻለው

ጠባቡ ቢዝነስ ሴንተር ዲቪ በሚሞሉ ሰዎችና እነሱን ለማስተናገድ ወዲያ ወዲህ በሚሉ ሠራተኞቹ ተጨናንቋል፡፡ ከቀኑ አምስት ሰዓት ገደማ ላይ ሃያ ሁለት አካባቢ ከሚገኘው አለም ቢዝነስ ሴንተር ስንደርስ፣ ፎርም የተቀበሉና መቀመጫ ያገኙ ተስተናጋጆች ቁጭ ብለው የዲቪ ፎርም ሲሞሉ መቀመጫ ያላገኙት ደግሞ ቆመው በመጠባበቅ ላይ ነበሩ፡፡ ወደ ውስጥ ለመግባት ሞከርን፡፡ የዲቪ ፎርም በመሙላት ላይ የነበሩት (ሁሉም ማለት ይቻላል) ወጣቶች ነበሩ፡፡ ጠጋ ብለን ልናናግራቸው እንደምንፈልግ የጠየቅናቸው ፎርሙን ሞልተው ከጨረሱ በኋላ እንደሚያነጋግሩን ቃል ገቡልን፡፡ እኛም ቢዝነስ ሴንተሩ ደጃፍ ላይ ቆመን መጠባበቅ ጀመርን፡፡

በድህነታችን ላይ ነጻ ያልሆነ ሚዲያ መደረብ አንችልም
ከበደ ፍሬው

የፕሬስ ነጻነት የሰብአዊ መብት መሆኑ የታወቀ ነው፡፡ የእውቀትና የመታወቅ ጉዳይ ብቻ ሳይሆን ማንም በዚህ ላይ የተለየ ሃሳብ፣ ሌላ ግኝት አለኝ የሚለው የለውም፡፡ የፕሬስ ነጻነት ራሱ የተለየ ብቻ ሳይሆን ያልተለመደ፣ የማይወደድ፣ የሚያስደነግጥ፣ የሚያስፈራ ሃሳብ የሚፈቅድ፣ የማይከለክል ሆኖ እያለም ጭምር ነው፡፡ ከዚህም የተነሳ ነው ኢትዮጵያ በንጉሠ ነገሥቱም በወታደራዊው መንግሥትም ዘመን በነበሩት ሕገመንግሥቶች ጨምሮ በመላው ዓለም ዙሪያ ያሉና የነበሩ መንግሥታት ሕገመንግሥቶች ወይም አቻ ህጎች ከዚህ ጉዳይ ፈቀቅ ወይም ፈንገጥ የሚል የተለየ ወይም የተቃረነ ነገር የሌላቸው ከአንድ ወር ባነሰ ጊዜ ውስጥ በኢትዮጵያም ጨምሮ በመላው ዓለም ዙሪያ 60ኛ ዓመቱን የሚያከብረው የዩኒቨርሳል ዲክላሬሽን ኦፍ ሂውማን ራይትስ መሰረታዊ ድንጋጌዎች ባጠቃለለ እና አንቀጽ 19 በተለይ የብዙ አገሮች ሕገመንግስቶች የቋንቋ የቃል አግባብ እና የይዘት ቅድመ መሰረት የሆኑት ከዚህ የተነሳ ነው፡፡ ይህንኑ በምስክርነት የሚያረጋግጥ ነው፡፡