ኢትዮጵያ ከህዳሴ ይልቅ ግምገማ ያስፈልጋታል

ያለፈው ረቡዕ ጋዜጣችሁ በፖለቲካ አምድ የተፃፈው የኘሮፌሰር ባህሩ ዘውዴ ጥናታዊ ፅሁፍ የሚበረታታ ነው፡፡

ኘሮፌሰሩ እንዳሉት የአሁኑ ትውልድ ያለፈውን የአባቶቹን ታሪክ በመገምገም መበረታታት የሚገባውን ማሳደግ፣ መቅረትና መወገድ የሚገባውን በማስወገድ የሀገሪቱን የታሪክ ሰንሰለት እንዲቀጥል ማድረግ ይጠበቅበታል፡፡ ህዳሴ ግን በአብዛኛው የሚያመለክተው ነገሮችን በአዲስ መልኩ መገንባት ነውና ከህዳሴ ይልቅ ኢትዮጵያ ግምገማ የሚያሻት ይመስለኛል፡፡ ምክንያቱም መጣል ወይም መወገድ የሌለባቸው በርካታ ማህበራዊ እሴቶች በዘመናት የሀገሪቱ ታሪክ ተገንብተዋል፡፡ የአሁኑ ትውልድ ሊጠቀምባቸው ይገባል፡፡ በአጠቃላይ ግን የኘሮፌሰር ባህሩ ዘውዴ እይታ የሚያስማማ ይመስለኛል፡፡

(አሸናፊ፣ ከሳሪስ)