Skip to main content
x

ፍሬ ከናፍር

​​​​​​​‹‹ኢትዮጵያ በሕዳሴ ግድብ ላይ የሚደረገው ውይይት እንዲተላለፍላት እንድትጠይቅ ያስገደዳትን ሁኔታ እንረዳለን፡፡››

‹‹አፍሪካ በየዓመቱ በሙስና የምታጣው ከ50 ቢሊዮን ዶላር በላይ ልማቱ ላይ ቢውል የሌሎች ድጋፍ ላያስፈልገን ይችላል፡፡››

የአፍሪካ ኅብረት ኮሚሽን ሊቀመንበር ሙሳ ፈቂ ማሃማት፣ 30ኛው የአፍሪካ መሪዎች ጉባዔ ከመከፈቱ በፊት በተካሄደው የሥራ አስፈጻሚ ምክር ቤት ስብሰባ ላይ የተናገሩት፡፡

‹‹መንግሥት ሰፊ ድጋፍ ካላቸው የፖለቲካ ኃይሎች ጋር ሐቀኛ ድርድር በማድረግ ሁላችንንም በእኩል የምታስተናግድ ዴሞክራሲያዊት ኢትዮጵያ እንድትፈጠር ቢያደርግ መልካም ነው፡፡››

በቅርቡ ከ14 ወራት እስር በኋላ የተለቀቁት ታዋቂው ፖለቲከኛና የተቃዋሚ ፓርቲ መሪ መረራ ጉዲና (ዶ/ር) ከእስር መፈታታቸው ያሳደረባቸውን ስሜት ለጋዜጠኞች ከተናገሩት የተወሰደ፡፡

‹‹እስካሁን ውጤታማ ጉዞ ያሳየው የአፍሪካ ነፃ የንግድ ቀጣና ስምምነት ዘንድሮ ተፈጻሚነት እንደሚኖረው ተስፋ አለኝ፡፡››

 የአፍሪካ ኅብረት ኮሚሽን ሊቀመንበር ሙሳ ፋኪ ማሐማት ከአፍሪካ ሪፖርት   መጽሔት ጋር ባደረጉት ቆይታ፣ አብዛኞቹ አገሮች የውዴታ ግዴታ የፈረሙበት የንግድ ቀጣና ስምምነት ተግባራዊነትን በተመለከተ ከተናገሩት የተወሰደ፡፡

‹‹እግዚአብሔር ካፒቴን ዓለማየሁ አበበን ለአገራችን ለአህጉራችንና ለዓለማችን ስለ ሰጠን እናመሰግነዋለን፡፡ ኢትዮጵያ ከምትኮራባቸው ውድ ልጆቿ መካከል አንዱ ነበሩ፡፡››

ዶ/ር አባ ኃይለገብርኤል መለቁ ዘካቶሊካውያን፣ የመጀመርያው አፍሪካዊ ጄት አውሮፕላን አብራሪ ካፒቴን ዓለማየሁ አበበ ሥርዓተ ቀብር ታኅሣሥ 28 ቀን 2010 ዓ.ም. በጴጥሮስ ወጳውሎስ መካነ መቃብር ሲፈጸም ካሰሙት ቃል የተወሰደ፡፡

ለአገሬ ያለኝ ፍቅር ለሥልጣን ካለኝ ፍላጎት የላቀና የጠነከረ ነው።

የቀድሞው የላይቤርያ ምክትል ፕሬዝዳንትና ሰሞኑን በተካሄደው ፕሬዚዳንታዊ ምርጫ በጆርጅ ዊሃ የተሸነፉት ጆሴፍ ቦዓካይ የተናገሩት፡፡ በዳግም ምርጫ ፉክክር ጊዜ ባሰሙት ቅስቀሳዊ ዲስኩር  ‹‹ከአሸናፊነቴ የሚገታኝ አንዳችም አይኖርም›› ያሉት ቦዓካይ  መሸነፋቸውን አሜን ብለው ለመቀበል አላቅማሙም፡፡

‹‹የምንኖረው ያልታሰበ ነገር በተደጋጋሚ በሚያጋጥመን ጊዜ ላይ ነው፡፡ እኛ እንደ ሕዝብ ካልጎበዝን እና ያልተጠበቁትን ነገሮች በግልጽ ካልተጋፈጥን የቤተልሔም እረኞች ከተልዕኳቸው ሳይደርሱ ይለያያሉ፡፡››

የጀርመን ፕሬዝዳንት ፍራንክ ቫልተር ሽታይንማየር የገና በዓልን ምክንያት በማድረግ ካስተላለፉት መልዕክት የተወሰደ ነው፡፡ ፕሬዚዳንቱ ለሦስት ወራት የመንግሥት ምሥረታ የዘገየባቸው ጀርመናውያን በትዕግስት እንዲጠብቁ ያሳሰቡት ማጣቀሻቸውን የኢየሱስ ክርስቶስን የልደት ታሪክ በማድረግና ዜጎቻቸው ተስፋ ማድረጋቸውን እንዳይተዉ በመምከር ነው፡፡

‹‹የመታህን በመምታት ችግሩን መፍታት አይቻልም፡፡››

አዲሱ የሕወሓት ሊቀመንበርና የመገናኛና ኢንፎርሜሽን ቴክኖሎጂ ሚኒስትር ደብረ ጽዮን ገብረ ሚካኤል (ዶ/ር)፣ ሰሞኑን ለመገናኛ ብዙኃን የተናገሩት፡፡ ዶ/ር ደብረ ጽዮን በትግራይ ከሚገኙ መገናኛ ብዙኃን ጋር ባደረጉት ቃለ ምልልስ በአገሪቱ በወቅቱ የተከሰተውን ግጭትና ያከተለውን ጥፋት በተመለከተ ተመሳሳይ ጥፋት ሌላ ጊዜ እንዳይደገምና ያጠፋው አካል ለማስተማር በሕግ እንዲቀጣ ማድረግ ይገባል ሲሉም አስምረውበታል፡፡