Skip to main content
x
አራት ዓይና አሳ

አራት ዓይና አሳ

ባለአራት ዓይን የሚባል የአሳ ዝርያ አለ፡፡ ይህ አሳ ከሌሎቹ የተለየ ዓይን ያለው ነው፡፡ ይኸውም አራት ዓይን ሳይሆን እያንዳንዱ ዓይን ሁለት ዓይነት ዓይን ያለው በመሆኑ ነው፡፡ አሳዎቹም ጥንድ ዓይና ይባላሉ፡፡ ይህም እያንዳንዱ ዓይን በጥቁር መስመር የላይኛውና የታችኛው በመባል የተከፈለ ሲሆን በሚዋኙበትም ጊዜ ጭንቅላታቸውን ከውኃው በላይ አድርገው ስለሚዋኙ በዛን ጊዜ የላይኛው የዓይን ክፍል ከውኃው በላይ ያለውን ነገር ለማየት ሲያገለግል የታችኛው የዓይን ክፍል ደግሞ ከውኃው ሥር ያለውን ነገር ለማየት እንደሚረዳው በጥናት ተረጋግጧል፡፡ በዚህም ምክንያት ጥንድ ዕይታ እንዳላቸው ይታወቃሉ፡፡ ጥንድ ዓይና የሚለው ስያሜ ባለ አራት ዓይን ክሚለው በተሻለ ይገልጻቸዋል፡፡ እነዚህ ዝርያዎች በመካከለኛው ደቡብ አሜሪካ ይገኛሉ፡፡

  • ማንይንገረው ሸንቁጥ ‹‹ባለአከርካሪዎች›› (2004)