Skip to main content
x
የኢትዮጵያ ምርት ገበያ አዲስ ዋና ሥራ አስፈጻሚ ተሾመለት
አቶ ወንድማገኝ ነገራ

የኢትዮጵያ ምርት ገበያ አዲስ ዋና ሥራ አስፈጻሚ ተሾመለት

የኢትዮጵያ ምርት ገበያ የዳይሬክተሮች ቦርድ አቶ ወንድማገኝ ነገራን የምርት ገበያው ዋና ሥራ አስፈጻሚ ሆነው እንዲያገለግሉ ሾመ፡፡ አዲሱ ተሿሚ ሰኞ ጥቅምት 27 ቀን 2010 ዓ.ም. አዲሱ ቢሯቸውን ተረክበው ሥራቸውን ጀምረዋል፡፡

የምርት ገበያው የቀድሞው ዋና ሥራ አስፈጻሚ አቶ ኤርሚያስ እሸቱ በፈቃዳቸው ኃላፊነታቸውን ከለቀቁ በኋላ፣ የምርት ገበያው ቦርድ አቶ በላይ ጎርፉን ተጠባባቂ ሥራ አስፈጻሚ አድርጎ በመሾም አዲስ ሥራ አስፈጻሚ በማፈላለግ ላይ እንደነበር ይታወሳል፡፡ በዚሁ መሠረት ለኃላፊነት ቦታው ካጫቸው ተሿሚዎች መካከል አቶ ወንድማገኝን በመምረጥ፣ ባለፈው ሳምንት ሹመቱን ማፅደቁ ለማወቅ ተችሏል፡፡

አቶ ወንድማገኝ የምርት ገበያው ዋና ሥራ አስፈጻሚ ሆነው ከመሾማቸው በፊት በአቶ ለማ መገርሳ በተዋቀረው የኦሮሚያ ብሔራዊ ክልል ካቢኔ አባልና የንግድና ግብይት ልማት ቢሮ ኃላፊ ሆነው ሲሠሩ ቆይተዋል፡፡ አቶ ወንድማገኝ ይበልጥ የሚታወቁት ግን የኢትዮጵያ ብሔራዊ ባንክ እስካገዳቸው ጊዜ ድረስ፣ የኦሮሚያ ኅብረት ሥራ ባንክ ፕሬዚዳንት በመሆን ማገልገላቸው ነው፡፡ በኦሮሚያ ብሔራዊ ክልል የነበራቸውን ኃላፊነት ያገኙትም ከኦሮሚያ የኅብረት ሥራ ባንክ ኃላፊነታቸው ከተነሱ በኋላ እንደነበር ይታወሳል፡፡

በኦሮሚያ ኅብረት ሥራ ባንክ ፕሬዚዳንትነታቸው ወቅት የባንኩን ትርፋማነት በማሳደግ፣ ባንኩ ያለበትን ደረጃ ከፍ በማድረግ፣ የደንበኞችን ቁጥር በከፍተኛ መጠን በመጨመርና የመሳሰሉትን ውጤት በማስገኘት ተጠቃሽ ሥራ ማከናወናቸውን አዲሱ ሹመትን በተመለከተ ምርት ገበያው ያሠራጨው መግለጫ ያመለክታል፡፡

እንዲሁም የኢትዮጵያ ንግድ ባንክ ምክትል ፕሬዚዳንት ሆነው በሠሩበት ወቅት የቅርንጫፎችን ብዛት በማስፋፋት፣ የባንኩ የቴክኖሎጂ አጠቃቀም እንዲያድግ፣ የገበያ ድርሻው እንዲጨምርና የለውጥ ሥራ አመራር እንዲስፋፋ ተጠቃሽ አስተዋጽኦ እንዳበረከቱ ምርት ገበያው አስረድቷል፡፡ የኢትዮጵያ ንግድ ባንክ የጂማስትሪክት ሥራ አስኪያጅ በነበሩበት ወቅት ዲስትሪክቱ ከነበረበት ደካ አሠራር አላቀው ባመጡትውጥ ባንኩ ካሉት ጠንካራ ቅርንጫፎች አንዱ እንዲሆን በማስቻላቸው፣ በዚህ ስኬታቸውም ምርጥ የዲስትሪክት ሥራ አስኪያጅ ተብለ ዕውቅና የተሰጣቸው መሆኑንና በቀጥታ የባንኩ ምክትል ፕሬዚዳንት ሆነው ለመሾም በቅተው እንደነበር ምርት ገበያው ገልጿል፡፡

አቶ ወንድማገኝ በቢዝነስ አመራር ከደቡብ አፍሪካ ዩኒቨርሲቲ፣ እንዲሁም ከአሜሪካ በማኅበራዊ ሳይንስ ሁለ የማስተርስ ዲግሪዎች እንዳላቸው፣ የመጀመርያ ዲግሪያቸውን በአካውንቲንግ ከአዲስ አበባ ዩኒቨርሲቲ ማግኘታቸው ይታወቃል፡፡ ከእነዚህ በተጨማሪ ከሥራቸው ጋር የተያያዙ ከሃያ በላይ አጫጭር ሥልጠናዎች ላይ መሳተፋቸው ተገልጿል፡፡

መግለጫው አዲሱ ዋና ሥራ አስፈጻሚ ከምርት ገበያው አባላት፣ ተገበያዮችና ሠራተኞች ጋር ሰኞ ጥቅምት 27 ቀን 2010 .. መተዋወቃቸውንና በግብይት መድረኩ ላይ ተገኝተው ውል በማዋዋ ግብይት ማስጀመራቸውንም ጠቁሟል፡፡

የሥራ አመራር ቦርዱ ከዋና ሥራ አስፈጻሚ ሹመት በተጨማሪ ሁለ ምክትል ዋና ሥራ አስፈጻሚዎችን ሾሟል፡፡ በዚህ መሠረት ተጠባባቂ ዋና ሥራ አስፈጻሚ በመሆን ሲሠሩ የቆዩትን አቶ በላይ ጎርፉ በቀድሞው ኃላፊነታቸው የግብይትና ገበያ ዘርፍ ምክትል ዋና ሥራ አስፈጻሚ፣ አቶ መርጊያ ባይሳ የመጋዘንና የጥራት ኦፕሬሽን ምክትል ዋና ሥራ አስፈጻሚ ሆነው እንዲያገለግሉ ተሹመዋል፡፡