Skip to main content
x
አገሪቱ ከምታመርተው የኤሌክትሪክ ኃይል ከ1000 ሜጋ ዋት በላይ በየዓመቱ በመባከን ላይ መሆኑ ተገለጸ

አገሪቱ ከምታመርተው የኤሌክትሪክ ኃይል ከ1000 ሜጋ ዋት በላይ በየዓመቱ በመባከን ላይ መሆኑ ተገለጸ

አገሪቱ በአሁኑ ወቅት ከምታመርተው አጠቃላይ የኤሌክትሪክ ኃይል ውስጥ በየዓመቱ 1000 ሜጋ ዋት በላይ ኃይል ጥቅም ላይ ሳይውል እየባከነ መሆኑን፣ የኢትዮጵያ ኢነርጂ ባለሥልጣን አስታወቀ።

ባለሥልጣኑ ይህንን ያስታወቀው ያለፉት ዘጠኝ ወራት የሥራ አፈጻጸም ሪፖርቱን ሰኞ ሚያዝያ 8 ቀን 2010 ዓ.ም. ለፓርላማው የተፈጥሮብት ጉዳዮች ቋሚ ኮሚቴ ባቀረበበት ወቅት ነው። የባለሥልጠኑ ዋና ዳይሬክትር አቶ ጌታሁን ሞገስ፣ በአገሪቱ ከሚታየው ጥንቃቄ የጎደለው የኃይል አጠቃቀም የተነሳ ከአጠቃላይ የኤሌክትሪክ ኃይል በየዓመቱ 26 በመቶ እንደሚባክን ይፋ አድርገዋል።

ኃይል ሊባክንባቸው የሚችሉ ሁኔታዎች መለየታቸውን፣ የማስተካከያና ማሻሻያ ሥራና ዝርዝርኢነርጂ ኦዲት መከናወኑን፣ ድንገተኛ የሆኑ የኢንስፔክሽን ሥራዎችና የኃይል አጠቃቀም በሚመለከትልጠናዎች መሰጠታቸውን ዳይሬክተሩ ተናግረዋል። የኤሌትሪክ ምጣድ ደረጃ የወጣለት መሆኑንና የተሻሻሉቴክኖሎጂ ሥራዎች መከናወናቸውን፣ በ22 ኢንዱስትሪዎች ላይ የቅኝት ኦዲት መደረጉንና በሦስት ፋብሪካዎች ዝርዝርኢነርጂ ኦዲት መከናወኑን አስረድተዋል።

ይሁን እንጂ የኢነርጂ አዋጁ በፓርላማ ከፀደቀ በኋላ የሚኒስትሮች ምክር ቤት የአዋጁን ማስፈጸሚያ ደንብ በፍጥነት ማፅደቅ ቢጠበቅበትም፣ ከአራትመታት በኋላ እንኳን አለመድረሱን ገልጸዋል፡፡ በዚህም ሳቢያ ባለሥልጣኑ አስገዳጅርምጃዎች መውሰድ እንዳይችል አድርጎታል ብለዋል።

በተለይ ከፍተኛ ኃይል የሚጠቀሙ ኢንዱስትሪዎች፣ ሆቴሎች፣ ዩኒቨርሲቲዎችና ሌሎች ተቋማት የሚያባክኑትንይል መቆጣጣር አለመቻሉን ጠቁመዋል።

መረጃዎች እንደሚያመለክቱት 1,800 ሜጋ ዋት ኃይል የሚያመነጨው የጊቤ ሦስት ኤሌክትሪክ ኃይል ማመንጫ ሥርጭት በመጀመሩ፣ የአገሪቱን አጠቃላይ የኃይል አቅርቦት 4000 ሜጋ ዋት በላይ አድርሶታል። ከዚህ የኃይል አቅርቦት መጠን እየባከነ የሚገኘው 26 በመቶ ሲሆን፣ ይህም ማለት 1,000 ሜጋ ዋት በላይ ነው።

ኢትዮጵያ ጎረቤት አገሮች ለሆኑት ጂቡቲና ሱዳንኤሌክትሪክ ኃይል ኤክስፖርት በማድረግ ላይ መሆኗ ይታወቃል። እ... 2017 ለሁለቱ አገሮች በድምሩ 180 ሜጋ ዋት ኤክስፖርት ተደርጎ 80 ሚሊዮን ዶላር ገቢ መገኘቱን መረጃዎች ያመለክታሉ።

ይህንን መሠረት በማድረግ በየዓመቱ በመባከን ላይ የሚገኘው የኃይል መጠን በገንዘብ ቢሰላ 440 ሚሊዮን ዶላር የሚገመት ሲሆን፣ በአገር ውስጥ ጥቅም ላይ እንዲውል ማድረግ ከተቻለም የኤሌክትሪክ ኃይል ተጠቃሚነትን በማስፋት ተጠቃሚ መሆን ያልቻለው 65 በመቶ የአገሪቱ ማኅበረሰብ መጠን መቀነስ እንደሚቻል ቁጥሮቹ ያሳያሉ።

የቋሚ ኮሚቴው ሰብሳቢ / አስቴር አማረ የሚባክነው የኤሌክትሪክ ኃይል መጠን ከፍተኛ ከመሆኑ አንፃር ባለሥልጣኑ ኃላፊነቱን ተወጥቷል ማለት እንደማይቻል በመግለጽ፣ ብክነቱን ለመቀነስ ከሚመለከታቸው አካላት ጋር በቅንጅት መሥራት እንዳለበት አሳስበዋል።

የኢነርጂ ብቃትና ቁጠባ መመርያ በሚኒስትሮች ምክር ቤት በፍጥነት እንዲያፀድቅ፣ የተሰጠውን ሥልጣንናላፊነት በመወጣት ለምክር ቤቱ ሪፖርት እንዲያደርግም ማሳሰቢያ ሰጥተዋል፡፡