Skip to main content
x

‹‹የግብፅን የዓባይ የውኃ ድርሻ ማንም እንደማይነካው ለግብፃዊያን ላረጋግጥላችሁ እወዳለሁ›› አብዱልፈታህ አልሲሲ፣ የግብፅ ፕሬዚዳንት

በህዳሴ ግድቡ ላይ ስምምነት መፍጠር እንዳልተቻለ ግብፅ ለአሜሪካ ማሳወቋ ተጠቁሟል የግብፅን የዓባይ የውኃ ‹‹ለአገሪቱ የሞትና የሽረት ጉዳይ ነው›› ያሉት የግብፅ ፕሬዚዳንት አብደልፈታህ አልሲሲ በመካከለኛው ምሥራቅ ትልቁ ነው የተባለው የዓሳ ማምረቻ ከቀናት በፊት በተመረቀበትና በቴሌቪዥን በተላለፈ ንግግራቸው፣ ‹‹የግብፅን የዓባይ የውኃ ድርሻ ማንም እንደማይነካው ለግብፃዊያን ላረጋግጥላችሁ እወዳለሁ፤›› ብለዋል፡፡

‹‹በስም ማጥፋት ተግባር ውስጥም ሆነ በሌሎች አላስፈላጊ ጉዳዮች እየተሳተፉ የሚገኙ ዕድሜያቸውን ለማሳጠር እየጣሩ ያሉ አካላት ናቸው››

ነገሪ ሌንጮ (ዶ/ር)፣ የመንግሥት ኮሙዩኒኬሽን ጉዳዮች ጽሕፈት ቤት ኃላፊ በመንግሥት ኮሙዩኒኬሽን ጉዳዮች ጽሕፈት ቤትና በሚኒስትሩ ላይ የስም ማጥፋት ዘመቻ የከፈቱ ባለሥልጣናትም ሆኑ ግለሰቦች፣ ዕድሜያቸውን ማሳጠር የፈለጉ ናቸው ሲሉ ሚኒስትሩ ነገሪ ሌንጮ (ዶ/ር) ተናገሩ። ሚኒስትሩ ይህንን የተናገሩት ሰኞ ኅዳር 11 ቀን 2010 ዓ.ም. የበጀት ዓመቱን የሩብ ዓመት የሥራ አፈጻጸምና ቀጣይ ዕቅድ ለምክር ቤቱ የባህል፣ ቱሪዝምና መገናኛ ብዙኃን ጉዳዮች ቋሚ ኮሚቴ ሲያቀርቡ ነው።

የ150 ሚሊዮን ዶላር ብድር የተገኘለት የሞጆ ደረቅ ወደብ ማስፋፊያ የግል ሎጂስቲክስ ኩባንያዎችን እንዲያካትት ተጠየቀ

ከዓለም ባንክ በተገኘ 150 ሚሊዮን ዶላር ብድር በ138 ሔክታር መሬት ላይ የማስፋፊያ ግንባታዎች እንደሚካሄዱበት የሚጠበቀው የሞጆ ደረቅ ወደብ፣ የግል የሎጂስቲክስ የዕቃ አስተላላፊዎችን ማሳተፍ የሚያስችሉ ግንባታዎች እንዲያካትት ተጠየቀ፡፡

ክስ የተመሠረተባቸው የወልቃይት ሕዝብ ማንነት አፈላላጊ ኮሚቴ አባላት በዳኛ ላይ ተቃውሞአቸውን አሰሙ

ፍርድ ቤቱ ተቃውሞአቸውን በጽሑፍ እንዲያቀርቡ ትዕዛዝ ሰጥቷል በሽብር ተግባር ወንጀል ክስ የተመሠረተባቸው የወልቃይት ሕዝብ የማንነት ጥያቄ ወይም ፍትሕ አፈላላጊ ኮሚቴ አባላት፣ ሰኞ ኅዳር 11 ቀን 2010 ዓ.ም. በፌዴራል ከፍተኛ ፍርድ ቤት ጉዳያቸውን ለማየት ከተሰየሙት ሦስት ዳኞች መካከል በአንደኛው ዳኛ ላይ ተቃውሞአቸውን አሰሙ፡፡

ከአገር ሲወጣና ሲገባ በሚያዝ የብርና የውጭ ምንዛሪ መጠን ላይ ማስተካከያ ተደረገ

የኢትዮጵያ ብሔራዊ ባንክ ማንኛውም ግለሰብ ወደ አገር ውስጥ ሲገባ ወይም ሲወጣ መያዝ የሚችለው የኢትዮጵያ ብርና የውጭ ምንዛሪ መጠን ላይ ማስተካከያ ማድረጉ ታወቀ፡፡ ከሳምንታት በፊት ባወጣው የማሻሻያ መመርያው መሠረት ወደ አገር ውስጥ የሚገቡም ሆነ የሚወጡ ተጓዦች፣ በእጃቸው እንዲይዙ የሚፈቀድላቸው የኢትዮጵያ ብርም ሆነ የውጭ ምንዛሪ መጠን ላይ ጭማሪ አድርጓል፡፡ ከዚህ ቀደም የነበረው ተመሳሳይ መመርያ የወጣው በ1999 ዓ.ም. ነበር፡፡

የአዲስ አበባ አስተዳደር በድምፅ ብክለት ምክንያት 12 ብሎኬት ፋብሪካዎችን ዘጋ

የአዲስ አበባ ከተማ አስተዳደር የአካባቢ ጥበቃ ባለሥልጣን በነዋሪዎች ላይ ከፍተኛ የድምፅ ብክለት እያደረሱ ነው ያላቸውን 12 የብሎኬት ፋብሪካዎች ዘጋ፡፡ ባለሥልጣኑ ዓርብ ኅዳር 8 ቀን 2010 ዓ.ም. በቦሌ ክፍለ ከተማ ወረዳ 6 እግዚአብሔር አብ ቤተ ክርስቲያን አካባቢ የሚገኙ ብሎኬት ፋብሪካዎችን መዝጋቱን አስታውቋል፡፡