መነሻ ገጽ - ሌሎች አምዶች - ማህበራዊ ጉዳዮች - ጠለስ - የመጀመርያው ጊዜ
Buy Valtrex Online Buy Albuterol inhaler Online Buy Prinivil Online

በታዳጊ አገሮች የሚገኙ ሕዝቦች ስለ ኤችአይቪ የተሻለ ግንዛቤ እያገኙ ቢሔዱም፣ በጤናማነታቸው ጊዜ ወደ ሕክምና ጣቢያ በመሔድ በቋሚነት የኤችአይቪ ኤድስ ምርመራ የማድረግ ልምዳቸው አልዳበረም፡፡

በኢትዮጵያም አብዛኛው ሕዝብ የኤችአይቪ ኤድስ ምርመራ የሚያደርገው ጋብቻ ለመመሥረት፣ በጓደኝነት ለመዝለቅ፣ ከእርግዝና በፊት ወይም በእርግዝና ጊዜ፣ ለሌላ ሕክምና ወደ ጤና ማዕከላት በሚሔድበት ጊዜ ባለሙያዎች በሚያደርጉት ግፊት እንጂ በራሱ ተነሳሽነትና በቋሚነት አይደለም፡፡

በዓለም አቀፍ ደረጃ የተሠሩ ጥናቶች የሚያሳዩትም አብዛኞቹ የኤድስ ቫይረስ የሚገኝባቸው ሰዎች ቫይረሱ በደማቸው እንደሚገኝ ያወቁት ለሌላ ሕመም ለመታከም ሔደው በሚያደርጉት ምርመራ ነው፡፡ በሠለጠነችው እንግሊዝ እንኳን ከኤችአይቪ ኤድስ ጋር ከሚኖሩ ዜጎቿ ግማሽ ያህሉ ቫይረሱ በደማቸው መኖሩን ያወቁት አምስት ዓመት ያህል አብረው ከኖሩ በኋላ ነው፡፡ 

በቅርቡ በፈረንሣይ ተመራማሪዎች የተሠራው ጥናት የሚያሳየው ግን ሰዎች የኤችአይቪ ቫይረስ በደማቸው በገባ በ10 ሳምንታት ውስጥ በምርመራ ቢያረጋግጡ፤ ፀረ ኤችአይቪ ወስደው የመዳን ዕድላቸው ሰፊ መሆኑን ነው፡፡ ሆኖም ሰዎች የሚመረመሩት በቫይረሱ የመከላከል አቅማቸው ከተዳከመና ለተለያዩ በሽታዎች ከተጋለጡ በኋላ በመሆኑ ከመድኃኒቱ ተጠቃሚ እንዳይሆኑና እስከ ዕድሜ ልካቸው መድኃኒቱን እንዲወስዱ አድርጓቸዋል፡፡

በመቅድም ኢትዮጵያ ናሽናል አሶስየሽን የሕዝብ ግንኙነትና የአድቮኬሲ ኃላፊ አቶ መኮንን ዓለሙ እንደሚሉትም፣ በዓለም አቀፍም ሆነ በአገር አቀፍ ደረጃ ያለው ሁኔታ የሚያሳየው ሰዎች ለቫይረሱ ተጋላጭ ነኝ ብለው እስካላመኑ ድረስ እንደማይመረመሩ ነው፡፡

10 ሺሕ የሚደርሱ አባላት ያሉት የማኅበሩ መረጃ የሚያሳየውም ከፍተኛውን ቁጥር የሚይዙት አባላቱ ቫይረሱ በደማቸው እንደሚገኝ ያወቁት፣ ሌላ የሕመም ስሜት አጋጥሟቸው ሕክምና ለማግኘት ወደ ሕክምና ጣቢያ ሔደው በባለሙያ ግፊት ምክንያት የኤድስ ምርመራ ባደረጉበት ወቅት ነው፡፡

ኤችአይቪ ልመርመር ብሎ በቋሚነት ወደ ሕክምና ተቋም የሚሄደው ቁጥር ዜሮ ነው ማለት ይቻላል የሚሉት አቶ መኮንን፣ ለዚህም በዓመት ወይም በግማሽ ዓመት አጠቃላይ ምርመራ የማድረግ ልምድ አለመዳበር አስተዋጽኦ አድርጓል ብለዋል፡፡

በሠለጠነው ዓለም ሰዎች በየዓመቱ ወይም በየሦስት ወሩ ቋሚ አጠቃላይ የጤና ምርመራ የማድረግ ልምድ አላቸው፡፡ በመሆኑም የኤድስ ቫይረስ ካለባቸው፣ ቫይረሱ ነጭ የደም ሴላቸውን ሳይጐዳና አጠቃላይ የመከላከል አቅማቸውን ሳያዳክመው ሕክምና ይጀምራሉ፤ ፀረ ኤችአይቪውንም ይወስዳሉ፡፡

እንደ አቶ መኮንን፣ በኢትዮጵያ ይህ አልተለመደም፡፡ ተጨባጭ ሁኔታዎችና የማኅበሩም ልምድ የሚያሳዩት፣ ቫይረሱ ያለባቸው ሰዎች ራሳቸውን ያወቁት ከፍተኛ የጤና መቃወስ ገጥሟቸው ለሕክምና ወደ ጣቢያ በሔዱበት ጊዜ ነው፡፡

ከዚህ ጐን ለጐን ለመመርመር ወደ ጣቢያ የሚሔዱት ባል ወይም ሚስት የሞተባቸው፣ የተጋላጭነት ዕድላቸው ሰፊ የሆነ፣ በመታመማቸው ምክንያት እንዲመረመሩ የማኅበረሰቡ አባላት ጫና የፈጠሩባቸው እንዲሁም ለማንኛውም ሕክምና ወደ ጤና ጣቢያ ሲሔዱ በሕክምና ባለሙያ ምክር የተሰጣቸው ናቸው፡፡

የፈረንሣያውያኑ ጥናት የሚመክረው፣ ሰዎች በየጊዜው ምርመራ በማድረግ ራሳቸውን እንዲያውቁና ቫይረሱ ከተገኘባቸው ወዲያውኑ ፀረ ኤችአይቪውን እንዲጀምሩ ነው፡፡ ይህን በማድረጋቸውም ቫይረሱ በሰውነታቸው የመሠራጨት አቅሙ ይዳከማል፤ ብሎም ይቆማል፡፡ ሥርጭቱ ሲገታ መድኃኒቱን ቢያቋርጡት ደግሞ የሚፈጠርባቸው ችግር የለም፡፡ በቅርቡ በአሜሪካ ከኤድስ የተፈወሰችው ሕፃን ደኅንነትም ምስጢር ፀረ ኤድስ መድኃኒቱ ቫይረሱ ሰውነቷን ከመጉዳቱ በፊት ስለተጀመረላት ነው፡፡

አጥኚዎቹ ቫይረሱ በደማቸው ከገባ 10 ሳምንት ያልሞላቸው 14 ሰዎች ላይ ምርመራ አድርገዋል፡፡ በምርመራቸው ሒደትም 14ቱም መድኃኒቱን ወዲያው እንዲጀምሩ፣ ከተወሰነ ጊዜ በኋላ ደግሞ እንዲያቋርጡ አድርገዋል፡፡ በቀጣይ ባደረጉት ምርመራም ቫይረሱ መልሶ አለማንሰራራቱን አረጋግጠዋል፡፡

ጥናቱን ያደረጉት ባለሙያዎች፣ ሰዎች የኤድስ ቫይረስ በደማቸው እንደሚገኝና እንደማይገኝ በቋሚነት በአጭር የጊዜ ገደብ እንዲመረመሩ ይመክራሉ፡፡ ቫይረሱ በደማቸው በተገኘ በመጀመርያው ጊዜም መድኃኒቱን እንዲጀምሩ ይመከራሉ፡፡ ከኤችአይቪ ለመፈወስ መፍትሔ ብለው ያስቀመጡትም፣ ቫይረሱ በደም እንደገባ መድኃኒቱን መጀመር ነው፡፡ መድኃኒቱን ቀድሞ በመጀመርም ከ10 አንድ ሰው ማዳን ይቻላል፡፡