Skip to main content
x

የእነ አቶ መላኩ ፈንታና የእነ አቶ ዓለማየሁ ጉጆ ክስ እንዲቋረጥ ለፍርድ ቤት ጥያቄ ቀረበ

የፌዴራል ጠቅላይ ዓቃቤ ሕግ በአዋጅ ቁጥር 943/2008 በተሰጠው ሥልጣን መሠረት፣ በሙስና ወንጀል ክስ ተመሥርቶባቸው የነበሩት የእነ አቶ መላኩ ፈንታና የእነ አቶ ዓለማየሁ ጉጆ መዝገብ ተከሳሾች ክስ እንዲቋረጥ ለፍርድ ቤት አቀረበ፡፡ የቀድሞ የኢትዮጵያ ገቢዎችና ጉምሩክ ባለሥልጣን ዋና ዳይሬክተር አቶ መላኩ ፈንታና ምክትላቸው አቶ ገብረ ዋህድ ወልደ ጊዮርጊስ ከነባለቤታቸው፣ ከነጋዴዎች የአቶ ከተማ ከበደ፣ የእነ ነጋ ገብረ እግዚአብሔር፣ የአቶ ጌቱ ገለቴና ሌሎችም ክስ እንዲቋረጥ ለፍርድ ቤት ጥያቄ ቀርቧል፡፡

አደንዛዥ ዕፅ በማዘዋወር ወንጀል ክስ የተመሠረተበት ናይጄሪያዊ በጽኑ እስራት ተቀጣ

ልዩ ፈቃድ ከሌለ በስተቀር እንዳይዘዋወርና እንዳይሸጥ በሕግ ክልከላ የተጣለበትን የኮኬይን አደንዛዥ ዕፅ በማዘዋወር ወንጀል በኢትዮጵያ ፍርድ ቤት ክስ ተመሥርቶበት የነበረው ናይጄሪያዊ በጽኑ እስራት እንዲቀጣ ተወሰነ፡፡ ሚስተር ማክ ኡጎ ኢዜ የታባለ ናይጄሪያዊ የኮኬይን ዕፅ ለማዘዋወር በማሰብ መጋቢት 18 ቀን 2010 ዓ.ም. ከብራዚል ሳኦፖሎ ወደ አገሩ ናይጄሪያ ሌጎስ ለመሄድ ቦሌ ዓለም አቀፍ አውሮፕላን ማረፊያ ለትራንዚት ባረፈበት ወቅት፣ በፀጥታ ሠራተኞች በተደረገበት ፍተሻ መያዙ በክሱ ተገልጿል፡፡

በሽብር ወንጀል ተጠርጥረው የተከሰሱ በፍርድ ቤት ተቃውሞ አሰሙ

በአርበኞች ግንቦት ሰባትና በኦነግ አባልነት ተጠርጥረው የሽብር ወንጀል ክስ የተመሠረተባቸው ተከሳሾች ከማረሚያ ቤት ወደ ፍርድ ቤት ከመጡ በኋላ፣ በፍርድ ቤቱ ቅጥር ግቢ ውስጥ ሲደርሱ ተቃውሞአቸውን አሰሙ፡፡ በእነ ሚፍታህ ሼክ ሰሩር መዝገብ ክስ የተመሠረተባቸው 49 ተከሳሾችን ጨምሮ በእነ ክንዱ ዱቤ፣ በእነ ጎይቶም ርስቃይና በእነ አስቻለው ደሴ የክስ መዝገቦች ተካተው ክስ የተመሠረተባቸው በርካታ እስረኞች፣ ብሶታቸውን በመፈክር አሰምተዋል፡፡

የቀድሞ የጋምቤላ ክልል ፖሊስ ኮሚሽነርን ጨምሮ 29 ተከሳሾች ጥፋተኛ ተባሉ

በጋምቤላ ክልል በማዣንግ ዞን ጎደሬ ወረዳ ሜጢ ከተማ ውስጥ በተፈጠረ ግጭት ለ79 ሰዎች ሞት፣ ለ27 ሰዎች ከፍተኛና ዝቅተኛ የአካል መጉደል፣ ለ273 መኖሪያ ቤቶች መቃጠል፣ ከ13,000 በላይ ነዋሪዎች ከቤት ንብረታቸው እንዲፈናቀሉ አድርገዋል ተብለው ክስ የተመሠረተባቸው፣ የቀድሞ የክልሉ ፖሊስ ኮሚሽነርን ጨምሮ 29 ተከሳሾች ጥፋተኛ ተባሉ፡፡

የቀድሞ የአገር ውስጥ ደኅንነት ኃላፊ ከእስር ተፈቱ

በብሔራዊ መረጃና ደኅንነት አገልግሎት የአገር ውስጥ ደኅንነት ኃላፊና አማካሪ የነበሩት አቶ ወልደ ሥላሴ ወልደ ሚካኤል፣ የእስር ጊዜያቸውን አጠናቀው ተፈቱ፡፡ በሙስና ወንጀል ክስ ተመሥርቶባቸው ከ2006 ዓ.ም. ጀምሮ በእስር ላይ የነበሩት አቶ ወልደ ሥላሴ፣ ተፈርዶባቸው የነበረውን የእስራት ቅጣት አጠናቀው ከእስር የተፈቱት ከሁለት ሳምንት በፊት ነው፡፡

በቂሊንጦ ቃጠሎ ምክንያት ተከሰው የነበሩትን ጨምሮ የ62 ተከሳሾች ክስ ተቋረጠ

ነሐሴ 8 ቀን 2008 ዓ.ም. በቂሊንጦ የእስረኞች ማቆያ በደረሰ የእሳት ቃጠሎ ምክንያት ተጠርጥረው ክስ ተመሥርቶባቸው ከነበሩት ከ100 በላይ ተጠርጣሪዎች መካከል፣ የልብ ሕክምና ስፔሻሊስቱ ዶ/ር ፍቅሩ ማሩን ጨምሮ የ62 ተከሳሾች ክስ ዓርብ ግንቦት 3 ቀን 2010 ዓ.ም. ተቋረጠ፡፡ ክሱን ያቋረጠው የፌዴራል ጠቅላይ ዓቃቤ ሕግ ሲሆን፣ ክሱ እንዲቋረጥ ትዕዛዝ የሰጡት በቅርቡ ጠቅላይ ዓቃቤ ሕግ ሆነው የተሾሙት አቶ ብርሃኑ ፀጋዬ መሆናቸው ታውቋል፡፡

የፍትሕ አካላት ነፃነትና ገለልተኝነት ከፍተኛ ትግል ያስፈልገዋል!

የፍትሕ መለያ የሆነችው ዓርማ ዓይኗ በጨርቅ መሸፈኗ የገለልተኝነት ተምሳሌት ነው፡፡ ይህ ተምሳሌት የፍትሕ አካላትን ነፃነትና ገለልተኝነት ይወክላል፡፡ እንዳለመታደል ሆኖ ግን ኢትዮጵያ የጎደላት ከየትኛውም የተቋም ግንባታ ይበልጥ፣ ከየትኛውም ፓርቲ ወይም ቡድን ርዕዮተ ዓለም ጭምር ገለልተኛ የሆነ የፍትሕ ተቋም ነው፡፡ የኢትዮጵያ የፍትሕ ተቋማት ቋንቋ፣ አደረጃጀትና መፈክር ከሕገ መንግሥት ይልቅ ለፓርቲ ‹‹መስመር›› ይበልጥ የገበረ ነው፡፡

የኢትዮጵያ መንገዶች ባለሥልጣን እናት ባንክን በስድስት ሚሊዮን ብር ዕዳ ከሰሰ

እናት ባንክ አክሲዮን ማኅበር ሳትኮን ኮንስትራክሽን ለተባለ የሥራ ተቋራጭ የገባውን ዋስትና በተደጋጋሚ እንዲከፍል ሲጠየቅ ሊከፍል ባለመቻሉ፣ የኢትዮጵያ መንገዶች ባለሥልጣን የስድስት ሚሊዮን ብር የፍትሐ ብሔር ክስ መሠረተበት፡፡ ባለሥልጣኑ በእናት ባንክ አክሲዮን ማኅበር ላይ ክሱን ሊመሠርት የቻለው፣ ከሰመራ-ዲዲግሳ ከሚያሠራው የመንገድ ግንባታ ጋር በተገናኘ በገባው ዋስትና ምክንያት ነው፡፡

ማረሚያ ቤት የፍርድ ቤት ቅጣታቸውን የጨረሱ ፍርደኞችን ከተደጋጋሚ ትዕዛዝ በኋላ ፈታ

በተከሰሱበት ከገቢ ግብር ጋር በተያያዘ የወንጀል ድርጊትና የንግድ ፈቃድ ሳይኖራቸው ለኢትዮጵያውን ብቻ በተፈቀደ ሥራ ላይ ተሠማርቶ መገኘት ወንጀል የቅጣት ውሳኔ የተጣለባቸው አንድ ኢትዮጵያዊና ሁለት የሴሪላንካ ዜጎችን፣ ማረሚያ ቤት ከተደጋጋሚ የፍርድ ቤት ትዕዛዝ በኋላ ፈታ፡፡

ምስክሮች ለመስማት የቀጠሩትን መዝገብ ሳይሰሙ ውሳኔ ሰጥተዋል የተባሉ ዳኛ ከሥራቸው ተሰናበቱ

ከሳሽና ተከሳሽ የሚከራከሩበትን የክስ መዝገብ በመመርመር ላይ የነበሩ የአዲስ አበባ ከተማ ፍርድ ቤት ዳኛ፣ የግራ ቀኙን ተከራካሪ ወገኖች ምስክሮች ለመስማት የሰጡትን ቀጠሮ ምስክሮች እንደተሰሙ አድርገው ውሳኔ መስጠታቸው በመረጋገጡ ከዳኝነት ሥራቸው ተሰናበቱ፡፡