Skip to main content
x

ለሕዝብ ፍላጎት መታዘዝ ያስከብራል!

ጠቅላይ ሚኒስትር ኃይለ ማርያም ደሳለኝ በገዛ ፈቃዳቸው ሥልጣናቸውን ለመልቀቅ መወሰናቸው ከመሰማቱ በፊት  በእስር ላይ የነበሩ በርካታ ፖለቲከኞች ተፈተዋል፡፡ ጠቅላይ ሚኒስትሩም ሰላማዊ የሥልጣን ሽግግር እንዲደረግ በማሰብ ራሳቸውን ለማግለል መወሰናቸው፣ አገሪቱ ያለችበትን አሳሳቢ ችግር ያመለክታል፡፡ ላለፉት 27 ዓመታት በሥልጣን ላይ የቆየው ኢሕአዴግ ከፊቱ ሁለት መሠረታዊ ጉዳዮች ተደቅነውበታል፡፡ አንደኛው ጠቅላይ ሚኒስትሩን ሁሉንም ወገኖች በሚያግባባ ሰው መተካትና የተሻለ ምኅዳር መፍጠር ሲሆን፣ ሁለተኛው ደግሞ እንደካሁን ቀደሙ በነበረው ሁኔታ የሚያስቀጥል አምጥቶ ቀውሱን ማባባስ ነው፡፡

ከእስር ተፈቺዎች ብሔር ተኮር ጥቃትና የንብረት ውድመት ያለምንም ቅድመ ሁኔታ እንዲቆም አሳሰቡ

በኢትዮጵያ እየታየ ያለው ብሔር ተኮር ጥቃትና የንብረት ውድመት ያለምንም ቅድመ ሁኔታ መቆም እንዳለበት፣ ሰሞኑን በይቅርታና ክስ በማቋረጥ ከእስር የተለቀቁ የፖለቲካ ፓርቲ አመራሮች አሳሰቡ፡፡ በኦሮሚያና በአማራ ክልሎች ከተከሰቱ ግጭቶችና ሁከቶች ጋር በተገናኘ ብሔር ተኮር ዕርምጃ በመውሰድ ሕይወት እንዲያልፍ፣ የአካል ጉዳት እንዲደርስና ንብረት በቃጠሎና በተለያዩ ምክንያቶች እንዲወድም ማድረግ ኢትዮጵያዊነትን የማይገልጽና የሚያመጣውም አመርቂ ውጤት ስለማይኖር፣ መወገዝ ያለበት ድርጊት መሆኑን አክለዋል፡፡

ሰሞኑን የተቀሰቀሰው ተቃውሞና እያስከተለ ያለው ጉዳት

ወጣት ሌንሳ ገመቹ ተወልዳ ያደገችው በኦሮሚያ ክልል ፊኒፊኔ ልዩ ዞን ሱሉልታ ከተማ ሲሆን፣ ወላጆቿ ሁለት ልጆች ብቻ መውለዳቸውንና እሷ የመጨረሻ ልጅ እንደሆነች ትናገራለች፡፡፡ በ1994 ዓ.ም. የአሥረኛ ክፍል ብሔራዊ ፈተና ብትወስድም ውጤት እንዳልመጣላት ታስታውሳለች፡፡

አዳዲስ ውሳኔዎችን ያካተተው የኦሕዴድ ማዕከላዊ ኮሚቴ መግለጫ አንድምታ

የኦሮሚያ ክልል ከዘጠኝ ክልሎችና ከሁለት የከተማ አስተዳደሮች ሰፊ የቆዳ ስፋትና ከፍተኛ የሕዝብ ቁጥር አለው፡፡ የክልሉ የቆዳ ስፋት 284,538 ካሬ ኪሎ ሜትር ይሸፍናል፡፡ እ.ኤ.አ. በ2017 መረጃ መሠረት የክልሉ የሕዝብ ቁጥር 36 ሚሊዮን ነው፡፡ ክልሉ ከአገሪቱ ክልሎች የበለጠ ሰፊ የቆዳ ስፋት ያለው ከመሆኑ ባሻገር፣ ከጎረቤት አገሮች ጋር በቀጥታ በድንበር ይዋሰናል፡፡ በደቡብ አቅጣጫ ከኬንያና በምዕራብ በኩል ደግሞ ከሱዳን ጋር ወሰንተኛ ነው፡፡

ለብሔራዊ መግባባትና አንድነት የሚረዱ ዕርምጃዎች ይፋጠኑ!

ከቅርብ ጊዜ ወዲህ የተጀመረው እስረኞችን የመፍታትና ክስ የማቋረጥ ዕርምጃ ሰሞኑን ቀጥሎ፣ 746 እስረኞችና ተጠርጣሪዎች እንዲለቀቁ እንደተወሰነ ሰሞኑን ተሰምቷል፡፡ ከዚህ ቀደም ሲል በፌዴራል 115፣ በደቡብ ክልል 413፣ በኦሮሚያ ክልል 2,345፣ እንዲሁም በአማራ ክልል 2,905 ታሳሪዎች መፈታታቸው አይዘነጋም፡፡  በተገባው ቃል መሠረት የእስረኞች መፈታት እንደ አንድ ትልቅ ዕርምጃ ሊቆጠር ይገባል፡፡ በተለያዩ ምክንያቶች ተፈርዶባቸው የታሰሩና ክስ የተመሠረተባቸው ዜጎች ከእስር መለቀቃቸው ለአገር ዕፎይታ ነው፡፡ ጅምሩ ተጠናክሮ በመቀጠል ሌሎች ታሳሪዎችና ተከሳሾችም ይለቀቁ ዘንድ መንግሥት በብርቱ ሊያስብበት ይገባል፡፡

የኢሕአዴግ ብሔራዊ ድርጅቶች ስብሰባና የሚጠበቁ ውሳኔዎች

ኢትዮጵያ አንድ መቶ ሚሊዮን ሕዝብ ያላት አገር እንደሆነች መረጃዎች ያመለክታሉ፡፡ በቆዳ ስፋትም ሆነ በሕዝብ ብዛት በግንባር ቀደምትነት ከሚጠሩ የአፍሪካ አገሮች መካከል አንዷ ነች፡፡ የአገሪቱ የሕዝብ ቁጥር ባለፉት 50 ዓመታት በእጥፍ እንዳደገ መረጃዎች ያመለክታሉ፡፡ የአገሪቱ የሕዝብ ቁጥር እያደገ ከመምጣቱ ጋር በተያያዘ የከፍተኛ ትምህርት ተቋማት ሲስፋፉና ሲገነቡ ይታያል፡፡ በዚህም ከቅርብ ጊዜ ወዲህ በዓመት በመቶ ሺሕ የሚቆጠሩ ወጣቶች ከከፍተኛ ትምህርት እንደሚመረቁ ከትምህርት ሚኒስቴር የተገኘ መረጃ ያመለክታል፡፡ መንግሥት በየዓመቱ በመቶ ሺሕ የሚቆጠሩ ዜጎችን እያስመረቀ ቢገኝም፣ ተመርቀው በግላቸውም ሆነ በመንግሥት መሥሪያ ቤቶች ተቀጥረው ወደ ሥራ የሚገቡ ወጣቶች ቁጥር እጅግ አነስተኛ ነው፡፡ አገሪቱም ካላት የሕዝብ ቁጥር ጋር የሚመጣጠን የኢኮኖሚ ዕድገት እያስመዘገበች እንዳልሆነ ይነገራል፡፡

ኦሕዴድ አራት የማዕከላዊ ኮሚቴ አባላትን አገደ

ኦሮሞ ሕዝብ ዴሞክራሲያዊ ድርጅት (ኦሕዴድ) ማዕከላዊ ኮሚቴ ለአሥር ቀናት በአዳማ ከተማ ያካሄደውን ስብሰባ ሲያጠናቅቅ፣ አራት የማዕከላዊ ኮሚቴ አባላትን ማገዱን አስታወቀ፡፡ ማክሰኞ ጥር 29 ቀን 2010 ዓ.ም. ምሽት ላይ ማዕከላዊ ኮሚቴው ባወጣው መግለጫ፣ ስማቸው ያልተገለጸ አራት የማዕከላዊ ኮሚቴ አባላት የሚቀጥለው የድርጅቱ ጠቅላላ ጉባዔ ድረስ ታግደው እንዲቆዩ ውሳኔ መተላለፉን አስታውቋል፡፡

የኦሕዴድ ሥራ አስፈጻሚ ኮሚቴ የዶ/ር ነጋሶን የሕክምና ወጪ ለመሸፈን ወሰነ

የቀድሞው የኢፌዴሪ ፕሬዚዳንት የነበሩት ነጋሶ ጊዳዳ (ዶ/ር)፣ የኦሮሞ ሕዝብ ዴሞክራሲያዊ ድርጅት (ኦሕዴድ) በአገር ውስጥም ሆነ ከአገር ውጭ የሕክምና ወጪያቸውን ሲሸፍንላቸውና መኪና ሊገዛላቸው እንደሆነ ለሪፖርተር ገለጹ፡፡ ‹‹የድርጅቱ ሥራ አስፈጻሚ ኮሚቴ ድጋፍ እንዲሆነኝ የተወሰነ ገንዘብ ሰጥቶኛል፡፡ በተረፈ መኪና ይገዛልሀል ተብዬ እርሱን እየጠበቅኩ ሲሆን፣ የሕክምና ወጪዬን በተመለከተ ደግሞ በምፈልግበት ጊዜ በአገር ውስጥም ሆነ ከአገር ውጭ ወጪው እንደሚሽፈን ተገልጾልኛል፤›› ብለዋል፡፡

ለውጥን መሸሽ አያዋጣም!

በማያቋርጥ የለውጥ ሒደት ውስጥ በሚገኝ ዓለም መንቀርፈፍ መገኘት ካለበት ጥቅም ጋር ያቆራርጣል፡፡ በ21ኛው ክፍለ ዘመን ለውጥ በፍጥነት ስለሚከናወን ከበረከቱ መቋደስ የሚቻለው ራስን ከፍጥነቱ ጋር ማስተካከል ሲቻል ብቻ ነው፡፡ የቴክኖሎጂ በረከቶች በየቀኑ በአራቱም የዓለም ማዕዘናት በብርሃን ፍጥነት ከአንዱ ወደ ሌላው መሸጋገር የቻሉት፣ በማያቋርጠው የለውጥ ሒደት ውስጥ በማለፍ ነው፡፡ በሥልጣኔ እየገፋ ያለው የሰው ልጅም ዘመናትን ተሻግሮ እዚህ የደረሰው፣ ዓለምን እንድትመቸው አድርጎ መለወጥ በመቻሉ ነው፡፡