Skip to main content
x

ዩኒቨርሲቲዎችን ወደ መማር ማስተማር ሥራቸው የመመለስ ፈተና

ማዕረግ ሞላ (ሙሉ ስሟ ተቀይሯል) ተወልዳ ያደገችው በአማራ ክልል ሰሜን ሸዋ ዞን ውስጥ ካሉ ወረዳዎች አንዱ እንደሆነ ትናገራለች፡፡ እናቷ ጠላ እየጠመቁና እየሸጡ በሚያገኙት ገቢ እንዳሳደጓት፣ አባቷ በሕይወት ቢኖሩም ከእናቷ ጋር ከመለያየታቸው ባሻገር ምንም ዓይነት ድጋፍ እንደማያደርጉላት ታስረዳለች፡፡ የእናቷን ውለታ ለመክፈል በማሰብም ለትምህርቷ ትኩረት በመስጠቷና በማጥናቷ ጥሩ ውጤት በማምጣት ዩኒቨርሲቲ የመግቢያ ነጥብ አግኝታለች፡፡ ዘንድሮ በመቱ ዩኒቨርሲቲ የሁለተኛ ዓመት የአካውንቲንግ ተማሪ መሆኗንም ትገልጻለች፡፡

በተቃውሞ መፈክሮች ታጅቦ በሰላም የተጠናቀቀው የኢሬቻ በዓል

እሑድ መስከረም 21 ቀን 2010 ዓ.ም. በቢሾፍቱ ከተማ በሆራ አርሰዴ ሐይቅ የተከበረው የኢሬቻ በዓል በሰላም ተጠናቆ፣ በበዓሉ ላይ ተሳታፊ የነበሩትም በሰላም ወደ መጡበት መመለሳቸው ይታወሳል፡፡ ከዋዜማው ጀምሮ በሥፍራው በመገኘት የበዓሉን ሒደት የተቃኘ ሲሆን፣ በተለይ አባ ገዳዎች በማለዳ ሥነ ሥርዓቱን አስጀምረው በጊዜ ከተመለሱ በኋላ በተቃውሞ መፈክሮች የታጀቡ ድምፆች ሲስተጋቡም ተሰምቷል፡፡ የኦሮሚያ ክልል መንግሥት ፕሬዚዳንት አቶ ለማ መገርሳ የተሞገሡበትና ያለምንም ረብሻና ሁከት በድምፅ ብቻ የቀረበው ተቃውሞ ለሰዓታት ከተሰማ በኋላ ሥነ ሥርዓቱ ተጠናቋል፡፡ በምሥሉ ላይ እንደሚታየው በሥነ ሥርዓቱ ላይ የተሳተፉ ታዳሚዎች ተቃውሞአቸውን ሲገልጹ ነበር፡፡

‹‹በቀን ሰላማዊ ንግግር በሌሊት ሰላማዊ ዜጋ ላይ የሚተኩሱና ግጭት የሚቀሰቅሱ በዚህ ሁኔታ መቀጠል እንደማይችሉ መንግሥት አቅጣጫ አስቀምጧል››

የመንግሥት ኮሙዩኒኬሽን ጉዳዮች ሚኒስትር የመንግሥት ኮሙዩኒኬሽን ጉዳዮች ጽሕፈት ቤት ኃላፊ ሚኒስትር ነገሪ ሌንጮ (ዶ/ር)፣ ሰኞ መስከረም 15 ቀን 2010 ዓ.ም. ከቀትር በኃላ በወቅታዊ ጉዳዮች ላይ መግለጫ ሰጥተዋል፡፡ ሚኒስትሩ ከቀናት በኋላ ስለሚከበረው የኢሬቻ በዓል፣ በኦሮሚያና በሶማሌ ክልሎች መካከል ተፈጥሮ የነበረውን ግጭት፣ ወጣቶችን ወደ ሥራ ለማሰማራት መንግሥት የበጀተውን አሥር ቢሊዮን ብር ተዘዋዋሪ ፈንድና ሌሎች ጉዳዮችን አንስተዋል፡፡