Skip to main content
x

ፊፋ የአስመራጭ ኮሚቴውን ክስ ውድቅ አደረገው

የዓለም አቀፍ እግር ኳስ ማኅበር (ፊፋ)፣ የኢትዮጵያ እግር ኳስ ፌዴሬሽን ያላፀደቀው የፊፋ የምርጫ ሕግ ተግባራዊ ሊሆን እንደማይችል በማረጋገጥ፣ የብሔራዊ ፌዴሬሽን አስመራጭ ኮሚቴ ሰብሳቢ ያቀረቡለትን አቤቱታ ውድቅ ማድረጉ ጥር 23 ቀን 2010 ዓ.ም. ለፌዴሬሽኑ በጻፈው ደብዳቤ አሳውቋል፡፡ ምርጫውንም ፌዴሬሽኑ በራሱ ደንብ እንዲያከናውን አሳስቧል፡፡

መራጭ ተመራጭና አስመራጭ ሆድና ጀርባ የሆኑበት የኢትዮጵያ እግር ኳስ

የኢትዮጵያ እግር ኳስ ፌዴሬሽን አመራሮችን ለመምረጥ የሚደረገው ሽኩቻ ከፖለቲካዊ ቅስቀሳና እንቅስቃሴ ባልተናነሰ አጣብቂኝ ውስጥ ገብቶ ይገኛል፡፡ በአንድም ሆነ በሌላ ይህ ተጋግሎ የቀጠለው ሽኩቻ፣ በቅርበት እየተከታተሉ የሚገኙት የአህጉራዊም ሆነ የዓለም አቀፍ እግር ኳስ አስተዳዳሪዎች፣ ኢትዮጵያ እ.ኤ.አ. በ2020 እንደምታስተናግደው የሚጠበቀውን የቻን ውድድር አገሪቱ በገባችበት የምርጫ አተካሮ ምክንያት፣ ለሌላ አገር አሳልፈው ሊሰጡ የሚችሉበት ዕድል ሊፈጠር የሚችልበት ዕድሉ ሰፊ መሆኑን የሚናገሩ አሉ፡፡

‹‹አገር መቀጣት የለበትም›› ሰሞነኛው የአገሪቱ እግር ኳስ የምርጫ ሒደትና ቀልዱ

የኢትዮጵያ እግር ኳስ ፌዴሬሽንን ቀጣይ ፕሬዚዳንትና የሥራ አስፈጻሚ ኮሚቴ ምርጫ፣ የዓለም አቀፍ እግር ኳስ ማኅበር (ፊፋ) በጠየቀው የግልጸኝነትና የአካሄድ ሥርዓት በተነሳ ምርጫው በታቀደለት ጊዜ መከናወን ሳይችል ቀርቶ እንዲራዘም ተደርጎ ነበር፡፡ ይህንኑ መነሻ በማድረግ ፌዴሬሽኑ ለሁለተኛ ጊዜ ኅዳር 14 ቀን 2010 ዓ.ም. በጠራው አስቸኳይ ጠቅላላ ጉባዔ፣ በፊፋ የምርጫ ሥርዓት ‹‹ገለልተኛና ብቃት›› ከሚለው በተቃራኒ ‹‹ውክልናን›› መነሻ ያደረገ የአስመራጭ ኮሚቴ ምርጫ መደረጉ አይዘነጋም፡፡

የኦሮሚያ ዕጩ ተወዳዳሪዎችና ዕቅዶቻቸው

ከአጨቃጫቂው የኢትዮጵያ እግር ኳስ ፌዴሬሽን የፕሬዚዳንታዊና የሥራ አስፈጻሚ ምርጫ በተጓዳኝ ከኦሮሚያ ክልል ተወክለው በዕጩነት የቀረቡት ተወዳዳሪዎች፣ ቢመረጡ በቀጣይ የሚሠሩዋቸውን ሥራዎችና ዕቅዶቻቸውን በባለድርሻ አካላት አስገመገሙ፡፡ ዕጩ ተወዳዳሪዎች ለስምንት ዓመት የሚያገለግል ስትራቴጂካዊ ዕቅድ አቅርበዋል፡፡

የእግር ኳስ ፌዴሬሽን ምርጫ እንደገና ተራዘመ

ጥር 5 ቀን 2010 ዓ.ም. በአፋር ሰመራ ሊካሄድ ታቅዶ የነበረው የኢትዮጵያ እግር ኳስ ፌዴሬሽን የሥራ አስፈጻሚና የፕሬዚዳንት ምርጫ በድጋሚ ለአንድ ወር ተራዘመ፡፡

ምርጫው የተራዘመው ፊፋ በምርጫው ሒደት ላይ እየተነሱ ያሉ ቅሬታዎች ሳይፈቱና መግባባት ላይ ሳይደረስ ምርጫው እንዳይካሄድ ትዕዛዝ በማስተላለፉ መሆኑ ታውቋል፡፡

ካሁን ቀደም በአውሮፓውያን የገና በዓልና በምርጫው ላይ የሚሳተፉ ዕጩዎች ተሳትፎ ላይ በተነሳ ቅሬታ ምክንያት ምርጫው ስለተራዘመ ሳይካሄድ መቅረቱ ይታወሳል፡፡

በውዝግብ የሰነበተው የፌዴሬሽኑ ምርጫ ቅዳሜ ይደረጋል

በኢትዮጵያ እግር ኳስ ፌዴሬሽን በየአራት ዓመቱ አንድ ጊዜ የሚደረገውን ፕሬዚዳንታዊና የሥራ አስፈጻሚ ኮሚቴ ምርጫ ተከትሎ የሚደመጠው ውዝግብና እሰጣ ገባ የተቋሙ ልዩ መለያ ከሆነ ዓመታት ተቆጥረዋል፡፡ ላለፉት አራት ዓመታት የፌዴሬሽኑን የአመራርነት ኃላፊነት ተቀብሎ ሲያስተዳድር የቆየው የአቶ ጁነዲን ባሻ ካቢኔ የአገልግሎት ጊዜው ቢጠናቀቅም፣ እስካሁም በሥልጣን ላይ ይገኛል፡፡ ቅዳሜ ጥር 5 ቀን 2010 ዓ.ም. በአንድ የውድድር ዓመት ለሦስተኛ ጊዜ በሚካሄደው ጠቅላላ ጉባዔ አዲስ ለሚመጠረው አመራር ኃላፊነቱን እንደሚያስረክብ ይጠበቃል፡፡

የፖለቲካ ፓርቲዎች በፀረ ሽብርተኝነት አዋጁ ላይ ድርድር ጀመሩ

በአገሪቱ የምርጫ ማዕቀፍ ሕጎች፣ ተያያዥ ሕጎችና አዋጆች ላይ ከገዥው ፓርቲ ኢሕአዴግ ጋር ድርድር በማድረግ ላይ የሚገኙት 15 አገር አቀፍ ተቃዋሚ የፖለቲካ ፓርቲዎች፣ በፀረ ሽብርተኝነት አዋጅ ቁጥር 652/2001 ላይ የሚያደርጉትን ድርድር ዓርብ ታኅሳስ 13 ቀን 2010 ዓ.ም. ማካሄድ ጀመሩ፡፡

የፌዴሬሽኑ የምርጫ ጊዜ ዳግመኛ ተራዘመ

በኢትዮጵያ እግር ኳስ ፌዴሬሽን አሁን ያለው አመራር የአገልግሎት ዘመኑን ካጠናቀቀ ወራት አስቆጥሯል፡፡ የዓለም አቀፍ እግር ኳስ ማኅበር (ፊፋ) ከምርጫ ሥርዓት ጋር አያይዞ ለፌዴሬሽኑ ያስተላለፈውን የምርጫ ሥነ ምግባር ኮድ ተከትሎ ምርጫው ተራዝሞ ሒደቱን የሚከታተልና የሚያስፈጽም አስመራጭ ኮሚቴ እንዲሰየም መደረጉ አይዘነጋም፡፡ በዚሁ መሠረት ታኅሣሥ 16 ቀን 2010 ዓ.ም. ሊደረግ ታቅዶ የነበረው ምርጫ ለሁለተኛ ጊዜ እንዲራዘም ተደርጓል፡፡

ለችግሩም ለመፍትሔውም መልስ የሌለው የአስመራጭ ኮሚቴው መግለጫ

‹‹መቻቻል›› የኢትዮጵያ እግር ኳስ ቀጣይ ዕጣ ፈንታ? የኢትዮጵያ እግር ኳስ ፌዴሬሽንን ቀጣይ ፕሬዚዳንታዊና የሥራ አስፈጻሚ ኮሚቴ ምርጫ፣ የዓለም አቀፍ እግር ኳስ ፌዴሬሽን ማኅበር (ፊፋ) በጠየቀው የግልጸኝነት የአካሄድ ሥርዓት በተነሳ በታቀደለት ጊዜ መከናወን ሳይችል ቀርቶ እንዲራዘም ተደርጓል፡፡ ፌዴሬሽኑ ለሁለተኛ ጊዜ ኅዳር 14 ቀን 2010 ዓ.ም. በጠራው አስቸኳይ ጠቅላላ ጉባዔ የአስመራጭ ኮሚቴ ምርጫ አከናውኖ መበተኑም አይዘነጋም፡፡