Skip to main content
x

የኮሎኔል ደመቀ ዘውዱና የንግሥት ይርጋ ክስ ተቋረጠ

በወልቃይት ምክንያት በተፈጠረ ውዝግብና ግጭት የሽብር ወንጀል ክስ ተመሥርቶባቸው በሒደት ላይ የነበሩት ኮሎኔል ደመቀ ዘውዱና ንግሥት ይርጋ ክሳቸው ተቋረጠ፡፡ ከስምንት ዓመታት በፊት የዕድሜ ልክ እስራት ተፈርዶባቸው በማረሚያ ቤት የሚገኙት ብርጋዴር ጄኔራል ተፈራ ማሞ፣ ብርጋዴር ጄኔራል አሳምነው ጽጌ፣ ኮሎኔል ደምሰው አንተነህና ሌሎች ፍርደኞች በይቅርታ እንዲፈቱ፣ የፌዴራል ይቅርታ ቦርድ ወስኖ ለአገሪቱ ርዕሰ ብሔር ተላለፈ፡፡

የብሔራዊ መረጃና ደኅንነት ሠራተኛ ከግብረ አበሮቹ ጋር በከባድ የማታለል ሙስና ወንጀል ተከሰሰ

የማይገባ ብልፅግና ለማግኘት በማሰብና የብሔራዊ መረጃና ደኅንነት አገልግሎት ሠራተኛነቱን በመቀጠም፣ ከግብረ አበሮቹ ጋር በመሆን ከባድ የማታለል የሙስና ወንጀል ፈጽሟል የተባለው የብሔራዊ መረጃና ደኅንነት አገልግሎት ሠራተኛ ክስ ተመሠረተበት፡፡

ክሳቸው የተቋረጠው እነ አቶ በቀለ ገርባ ከእስር ተለቀቁ

የፌዴራል ጠቅላይ ዓቃቤ ሕግ ከየካቲት 1 ቀን 2010 ዓ.ም. ጀምሮ ክሳቸው እንዲቋረጥ ያደረገላቸው አቶ በቀለ ገርባን ጨምሮ ሰባት ተጠርጣሪዎች፣ ማክሰኞ የካቲት 6 ቀን 2010 ዓ.ም. ከእስር ተለቀቁ፡፡ በተጨማሪም ከ340 በላይ ተጠርጣሪዎች ረቡዕ የካቲት 7 ቀን 2010 ዓ.ም. እንደሚፈቱ ታውቋል፡፡

የአማራ ክልል ፕሬዚዳንትን ጨምሮ የክልሉ ከፍተኛ ባለሥልጣናት በመከላከያ ምስክርነት ተቆጠሩ

በአማራ ክልል በጎንደር ከተማና ሰሜን ጎንደር በተለያዩ ወረዳዎች ከሐምሌ 5 ቀን 2008 ዓ.ም. ጀምሮ ከግንቦት ሰባት አመራሮች ጋር ግንኙነት በመፍጠር፣ አመፅ በማስነሳትና በመምራት በግልና በመንግሥት ንብረት ላይ ጉዳት አድርሰዋል ተብለው ክስ የተመሠረተባቸው እነ ንግሥት ይርጋ፣ የክልሉን ፕሬዚዳንት ጨምሮ በርካታ ባለሥልጣናትን በመከላከያ ምስክርነት ቆጠሩ፡፡

በጉራፈርዳ 55 ሰዎች መግደላቸው የተረጋገጠባቸው ተከሳሾች የዕድሜ ልክ ጽኑ እስራት ተወሰነባቸው

በደቡብ ክልል በቤንቺ ማጂ ዞን በጉራፈርዳ ወረዳ መለያ፣ ኮመታ፣ ጋቢቃ፣ ኩኪ፣ ኡይቃ፣ ቢቢታ፣ ስመርታና ከነዓን ቀበሌዎች በሚኖሩ የአማራ ብሔር ተወላጆችና በፌዴራል ፖሊሶች ላይ በድምሩ የ55 ሰዎችን ሕይወት ማጥፋታቸው የተረጋገጠባቸው 18 ተከሳሾች፣ በዕድሜ ልክና ከሦስት ዓመታት ከሦስት ወራት እስከ 22 ዓመታት በሚደርስ ጽኑ እስራት እንዲቀጡ ውሳኔ ተሰጠ፡፡

ፍርደኞችና ክሳቸው የተቋረጠ እስረኞች የተሃድሶ ሥልጠና ወስደው እንዲፈቱ ተወሰነ

በተከሰሱበት ወንጀል የተፈረደባቸውና ክሳቸው ተቋርጦ እንዲፈቱ በመንግሥት የተወሰነላቸው 746 እስረኞች የሚፈቱት፣ ለአገሪቱ ርዕሰ ብሔር ቀርቦ ከፀና በኋላ የተሃድሶ ሥልጠና ወስደው ነው፡፡ የፌዴራል ጠቅላይ ዓቃቤ ሕግ ሐሙስ የካቲት 1 ቀን 2010 ዓ.ም. እንዳስታወቀው፣ በተከሰሱበት ወንጀል ጥፋተኛ ተብለው ከተፈረደባቸው ውስጥ ጋዜጠኛ እስክንድር ነጋና አቶ አንዱዓለም አራጌን ጨምሮ 417 ፍርደኞች ይቅርታ እንዲደረግላቸው በፌዴራል ይቅርታ ቦርድ ተወስኖ ለአገሪቱ ርዕሰ ብሔር ቀርቧል፡፡ ጠቅላይ ዓቃቤ ሕጉ በአዋጅ በተሰጠው ሥልጣን መሠረትም ጉዳያቸው በመታየት ላይ የነበረ የ329 ተጠርጣሪዎችን ክስ ይቋረጣል፡፡

የፍርድ ቤት ዕግድ የጣሱ የሥራ ኃላፊዎች ወንጀል መፈጸማቸውን ፍርድ ቤት አስታወቀ

በአዲስ አበባ ከተማ አስተዳደር የአዲስ ከተማ ክፍለ ከተማ ወረዳ ሦስት አስተዳደር የሥራ ኃላፊዎች ፍርድ ቤት የሰጠውን የዕግድ ትዕዛዝ በመተላለፍ የግል ይዞታን ‹‹የመንግሥት ይዞታ ነው›› በማለት የባለይዞታዎችን ቤት በማፍረሳቸው ‹‹ወንጀል ፈጽመዋል›› ሲል፣ የፌዴራል ከፍተኛ ፍርድ ቤት ልደታ ምድብ 13ኛ ይግባኝ ሰሚ ፍትሐ ብሔር ችሎት ውሳኔ  ሰጠ፡፡

በእነ አቶ መላኩ ፈንታ መዝገብ በሙስና የተከሰሱት አቶ ከተማ ከበደ ለፍርድ ተቀጠሩ

በተጠረጠሩበት የሙስና ወንጀል በመዝገብ ቁጥር 131452 ከእነ አቶ መላኩ ፈንታ ጋር በ2006 ዓ.ም. ክስ ተመሥርቶባቸው ሲከራከሩ የከረሙት፣ የኬኬ ኃላፊነቱ የተወሰነ የግል ማኅበር ከፍተኛ ባለድርሻና ዋና ሥራ አስኪያጅ አቶ ከተማ ከበደ ለፍርድ ተቀጠሩ፡፡ ድርጅቱና ሥራ አስኪያጁ ላለፉት አምስት ዓመታት ሲያደርጉት የነበረው ክርክር የተጠናቀቀው፣ ዓርብ ጥር 25 ቀን 2010 ዓ.ም ከሳሽ ዓቃቤ ሕግ ተከሳሾቹ በመከላከያ ምስክርነት ላቀረቧቸው ምስክር መስቀለኛ ጥያቄ አቅርቦ ካጠናቀቀ በኋላ ነው፡፡

የውኃና ፍሳሽ ባለሥልጣን ንብረት ወደ መጋዘን አሽሽተዋል የተባሉ ተከሳሽ በእስራት እንዲቀጡ ተወሰነባቸው

ከአዲስ አበባ ከተማ ውኃና ፍሳሽ ባለሥልጣን በአቃቂ ቃሊቲ ዕቃ ማከማቻ መጋዘን ውስጥ ከስምንት ሚሊዮን ብር በላይ ግምት ያላቸውን ንብረቶች በአንድ አይሱዙ በመጫን በመጋዘን ውስጥ መደበቃቸው የተረጋገጠባቸው ተከሳሽ፣ በአንድ ዓመት ከአራት ወራት እስራት እንዲቀጡ ፍርድ ቤት ውሳኔ ሰጠ፡፡ ቅጣት የተጣለባቸው ተከሳሽ አቶ አብዮት ከድር የሚባሉ ሲሆን፣ ያጓጓዙትን ንብረት በመጋዘናቸው ውስጥ ደብቀዋል ተብለው እንዲከላከሉ ብይን የተሰጠባቸው አቶ ጥላሁን ታደሰ ደግሞ፣ የ100 ሺሕ ብር ዋስ አስይዘው በውጭ ሆነው እንዲከራከሩ ትዕዛዝ ተሰጥቷል፡፡

በወንጀል ተጠርጥረው የተከሰሱት ቻይናዊ ክሳቸው እንዲቋረጥላቸው ለመንግሥት አቤቱታ አቀረቡ

ሕግን በመጣስ ከ2003 ዓ.ም. እስከ 2007 ዓ.ም. ድረስ ባሉት የግብር ዘመናት አሳውቆ መክፈል የነበረበትን 4,013,586 ብር የትርፍ ገቢ ግብርን ባለመክፈሉ ክስ ከተመሠረተበት ሲሲኤስ ኮም ሰርቪስ ሶሉዩሽን ኃላፊነቱ የተወሰነ የግል ማኅበር ጋር ክስ የመሠረተባቸው ቻይናዊ፣ ክሳቸው እንዲቋረጥላቸው ለመንግሥት አቤቱታ አቀረቡ፡፡