Skip to main content
x

ከእስር ተፈቺዎች ብሔር ተኮር ጥቃትና የንብረት ውድመት ያለምንም ቅድመ ሁኔታ እንዲቆም አሳሰቡ

በኢትዮጵያ እየታየ ያለው ብሔር ተኮር ጥቃትና የንብረት ውድመት ያለምንም ቅድመ ሁኔታ መቆም እንዳለበት፣ ሰሞኑን በይቅርታና ክስ በማቋረጥ ከእስር የተለቀቁ የፖለቲካ ፓርቲ አመራሮች አሳሰቡ፡፡ በኦሮሚያና በአማራ ክልሎች ከተከሰቱ ግጭቶችና ሁከቶች ጋር በተገናኘ ብሔር ተኮር ዕርምጃ በመውሰድ ሕይወት እንዲያልፍ፣ የአካል ጉዳት እንዲደርስና ንብረት በቃጠሎና በተለያዩ ምክንያቶች እንዲወድም ማድረግ ኢትዮጵያዊነትን የማይገልጽና የሚያመጣውም አመርቂ ውጤት ስለማይኖር፣ መወገዝ ያለበት ድርጊት መሆኑን አክለዋል፡፡

አቶ በቀለ ገርባ ለሠላማዊ የሥልጣን ሽግግር እታገላለሁ አሉ

አቶ በቀለ ገርባ በሌሎች አገሮች እንደሚታየው ዓይነት ሠላማዊ የሥልጣን ሽግግርን በኢትዮጵያ ለማምጣት እታገላለሁ አሉ፡፡ የኦሮሞ ፌዴራሊስት ኮንግረስ ምክትል ሊቀመንበር አቶ በቀለ ገርባ ይህንን ያሉት ሪፖርተር ከእስር ከተፈቱ በኋላ ረቡዕ የካቲት 7 ቀን 2010 ዓ.ም. በመኖሪያ ቤታቸው ተገኝቶ ባነጋገራቸው ወቅት ነበር፡፡

ክሳቸው የተቋረጠው እነ አቶ በቀለ ገርባ ከእስር ተለቀቁ

የፌዴራል ጠቅላይ ዓቃቤ ሕግ ከየካቲት 1 ቀን 2010 ዓ.ም. ጀምሮ ክሳቸው እንዲቋረጥ ያደረገላቸው አቶ በቀለ ገርባን ጨምሮ ሰባት ተጠርጣሪዎች፣ ማክሰኞ የካቲት 6 ቀን 2010 ዓ.ም. ከእስር ተለቀቁ፡፡ በተጨማሪም ከ340 በላይ ተጠርጣሪዎች ረቡዕ የካቲት 7 ቀን 2010 ዓ.ም. እንደሚፈቱ ታውቋል፡፡

እነ አቶ በቀለ ገርባ በፍርድ ቤት መኖራቸውን በድምፅ አላረጋገጡም  ተብለው ችሎት የመድፈር ቅጣት ተጣለባቸው

በተከሰሱበት ወንጀል ጥፋተኛ መሆናቸውን ወይም ጥፋተኛ ሳይሆኑ በነፃ መሰናበታቸውን ለመንገር በፌዴራል ከፍተኛ ፍርድ ቤት ልደታ ምድብ አራተኛ ወንጀል ችሎት ለፍርድ ተቀጥረው የነበሩት እነ አቶ በቀለ ገርባ፣ የስድስት ወራት እስር ቅጣት ተጣለባቸው፡፡ ተከሳሾቹ የእስር ቅጣቱ የተጣለባቸው በችሎት መገኘታቸውን ለማረጋገጥ ፍርድ ቤቱ በስም ሲጠራቸው ምላሽ ባለመስጠታቸው፣ ‹‹ፍርድ ቤት የመድፈር ወንጀል ፈጽመዋል›› በማለት ነው፡፡

እነ አቶ በቀለ ገርባን ማረሚያ ቤት ሳያቀርባቸው በመቅረቱ ፍርድ ሳይሰጥ ቀረ

በመከላከያ ምስክርነት የቆጠሯቸው ምስክሮች እንደማይጠሩ ፍርድ ቤት ብይን ከሰጠ በኋላ፣ ለሐሙስ ጥር 10 ቀን 2010 ዓ.ም. ለፍርድ ተቀጥረው የነበሩት እነ አቶ በቀለ ገርባ (አራት ተከሳሾች)፣ የአዲስ አበባ ማረሚያ ቤት አስተዳደር ሳያቀርባቸው በመቅረቱ ፍርድ ሳይሰጥ ቀረ፡፡

ከፍተኛ የመንግሥት ባለሥልጣናት በምስክርነት እንዳይቀርቡ የተሰጠው ውሳኔ ተቃውሞ አስነሳ

በእነ ጉርሜሳ አያኖ የክስ መዝገብ አቶ በቀለ ገርባን ጨምሮ ለተከሰሱ አራት ተጠርጣሪዎች ከፍተኛ የፌዴራልና የክልል የመንግሥት የሥራ ኃላፊዎች የመከላከያ ምስክር ሆነው እንዲቀርቡ የተጠየቀውን፣ ፍርድ ቤት ሐሙስ ጥር 3 ቀን 2010 ዓ.ም. ሙሉ በሙሉ ውድቅ በማድረጉ ተከሳሾች ተቃውሞ አሰሙ፡፡

በዶ/ር መረራና በአቶ በቀለ ገርባ ላይ ቀጠሮ ተሰጠ

ክሳቸው በፌዴራል ከፍተኛ ፍርድ ቤት ልደታ ምድብ 19ኛ ወንጀል ችሎት የሚታየው የመድረክና የኦፌኮ ፖለቲካ ፓርቲዎች አመራሮች ዶ/ር መረራ ጉዲና፣ እንዲሁም በአራተኛ ወንጀል ችሎት የኦፌኮ ምክትል ሊቀመንበር አቶ በቀለ ገርባ ቀጠሮ ተሰጣቸው፡፡

በእስር ላይ የሚገኙ የፖለቲካ ፓርቲ አባላትና አመራሮች በሁለት ቀናት ውስጥ ሊፈቱ ይችላሉ ተባለ

በምሕረትና የክስ ሂደታቸው ተቋርጦ ይፈታሉ የተባሉ የፖለቲካ ፓርቲ አመራር እስረኞች፣ ዓርብ ታኅሳስ 27 ቀን 2010 ዓ.ም. ወይም ቅዳሜ ታኅሳስ 28 ቀን 2010 ዓ.ም. ሊፈቱ ይችላሉ ሲሉ የሪፖርተር ምንጮች ገለጹ፡፡

በእነ አቶ በቀለ ገርባ የመከላከያ ምስክሮች ላይ ትዕዛዝ ለመስጠት ቀጠሮ ተሰጠ

በአቶ ጉርሜሳ አያኖ የክስ መዝገብ የተካተቱት እነ አቶ በቀለ ገርባ (አራት ተከሳሾች) በመከላከያ ምስክርነት የቆጠሯቸው ከፍተኛ ባለሥልጣናት ለፍርድ ቤት በሰጡት ምላሽ ላይ ትዕዛዝ ለመስጠት፣ ለታኅሳስ 27 ቀን 2010 ዓ.ም. ቀጠሮ ተሰጠ፡፡