Skip to main content
x

የየካቲቱ አብዮት 44ኛ ዓመት

ዘውዳዊውን ሥርዓት፣ የኢትዮጵያ ንጉሠ ነገሥት መንግሥት መንበርን ያነቃነቀውና በመስከረም 2 ቀን 1967 ዓ.ም. እንዲወገድ ያደረገው አብዮት በግብታዊነት የፈነዳው በየካቲት 1966 ዓ.ም. ነበር፡፡ ዘንድሮ 44ኛ ዓመቱ ላይ ደርሷል፡፡ በተለይ በአዲስ አበባ ከተማ ዋና ዋና መንገዶችና አደባባዮች ዘውዳዊ ሥርዓቱን በመቃወም የተለያየ ትዕይንተ ሕዝብ ተካሂዷል፡፡

ተጠርጣሪዎችን መለየት የሚችለው የቻይና መነጽር

የቻይና ፖሊስ መኰንኖች አንድን ተጠርጣሪ መለየት የሚችል የዓይን መነጽር አድርገው መንቀሳቀስ ጀምረዋል፡፡ ሲሲቲቪን ተክቶ መሥራት የሚችለው መነጽሩ ገጽታን በሚለይ (ፊሻል ሪኮግኒሽን) ቴክኖሎጂ በመታገዝ የሚሠራ መሆኑን የዘገበው ቢቢሲ ነው፡፡ መነጽሩ በቻይና መንግሥት የመረጃ ቋቶች ጋር የተገናኘ ሲሆን፣ ተጠርጣሪዎችን ለይቶ የሚያወጣው ገጽታን በሚለየው ቴክኖሎጂው በመታገዝ ነው፡፡ አንድ ፖሊስ ከሕዝቡ መካከል አንድን ተጠርጣሪ ሲያገኝ የተጠርጣሪውን ምስል ለይቶ በማውጣት በመረጃ ቋቱ ጋር ካለው መረጃ ጋር ያስተያያል፡፡

ምግብ አስተዋዋቂው የ18 ወር ሕፃን

የኦቲዝም ተጠቂ የሆነው የ18 ወር ዕድሜ ያለው ሕፃን ምግብ የሚያመርተው የገርበር ኩባንያ አዲስ ፊት ሆኖ እንዲያስተዋውቅ ተመረጠ፡፡ ሕፃኑ ሉቃስ ዋርን ከ140 ሺሕ ሕፃናት መካከል የተመረጠው የኦቲዝም እክል ተጠቂዎች በማኅበረሰቡ ዘንድ የሚኖራቸውን ተቀባይነት እንደሚጨምር ታምኗል፡፡ 50 የሉቃስ ቤተሰቦች 50,000 ዶላር የሚከፈላቸው ሲሆን፣ ፎቶውም በገርበር ማኅበራዊ ሚዲያ ገጽና በተለያዩ የድርጅቱ ማስታወቂያዎች ላይ ይሠራጫል፡፡

‹‹ነብር ሳይገድሉ ቆዳውን ለመሸጥ ያስማማሉ››

ሰውዬው ጀብደኛነቱን ሲገልጥ ‘‘ጥንቸልዋ ስትሮጥ የኋላና የፊት እግርዋን ጆሮዋን ጭምር በአንድ ጥይት አቦነንኩት፤’’ አለ፡፡ ጓደኛው ግን ‘‘ኧረ እንደሚመስል አድርገህ አውራ! የኋላና የፊት እግርን ከጆሮ ጋር ምን አገናኝቷቸው ነው ይህን ሁሉ የአካል ክፍል በአንዲት ጥይት መምታት የምትችል?’’ አለው፡፡ ተኳሹም ሲመልስ ‘‘በኋላ እግሮችዋ ጆሮዋን ስታክ ነው፤’’ ብሎ ነበር፡፡

1.2 ሚሊዮን ዶላር ዋጋ ያላቸው መኪኖች በቡልዶዘር ተጨፈለቁ

የፊሊፒንስ መንግሥት 1.2 ሚሊዮን ዶላር የሚገመቱ 20 ቅንጡ መኪኖች በቡልዶዘርና በኤክስካቫተር እንዲጨፈለቁ አደረገ፡፡ መኪኖቹ እንዲጨፈለቁ የተደረገው በሕገወጥ መንገድ ወደ አገሪቱ የገቡ በመሆናቸው ነው፡፡ እንዲጨፈለቁ ትዕዛዙን ያስተላለፉት በፕሬዚዳንት የድሪጎ ትዕዛዝ ሲሆን፣ ዓላማውም ቀረጥ ለማይከፍሉ ሕገወጦች መልዕክት ማስተላለፍ ነው፡፡

ሐምሌና ጥቅምት ጥርና ኅዳር የሕገ መንግሥት ወራት

የኢትዮጵያ ዘውዳዊ መንግሥት የመጨረሻው ንጉሠ ነገሥት (1923-1967) ቀዳማዊ ኃይለ ሥላሴ፣ የመጀመርያውን ዘመናዊ ሕገ መንግሥት ሐሙስ ሐምሌ 16 ቀን 1923 ዓ.ም. ሲያወጡ፣ ከሩብ ምዕት ዓመት በኋላ ሐሙስ ጥቅምት 1948 ዓ.ም. እንዲከለስ አድርገዋል፡፡ የ1966 ዓ.ም. አብዮት ሲፈነዳ ያልተተገበረና በረቂቅነት የቀረ ‹‹የብሔረ ኢትዮጵያ›› ሕገ መንግሥትም ለውይይት ቀርቦ ነበር፡፡

ስለሰላም

በአመጽ አንድ ችግር ልትፈታ ትችላለህ ነገር ግን በዚህ የሌላ አመጽ ዘር ትዘራለህ ለነፃነት በምናደርገው ትግል እውነት ያለን ብቸኛው መሣሪያ ነው፡፡

አንበሳን ማን ይቀድማል?

ስኮትላንዳዊውና እንግሊዛዊው ዱር ውስጥ እየተንሸራሸሩ ሳሉ አንበሳ ከፊት ለፊታቸው ሲመጣ አዩ፡፡ ይኼኔ ስኮትላንዳዊው ያደረገውን ትልቅ የቦት ጫማ በፍጥነት አውልቆ ቀለል ያለ ሸራ ጫማ ማጥለቅ ጀመረ፡፡