Skip to main content
x
የኢትዮጵያ እግር ኳስ ፌዴሬሽን ፕሬዚዳንታዊና የሥራ አስፈጻሚ ምርጫ ለአንድ ወር ተራዘመ

የኢትዮጵያ እግር ኳስ ፌዴሬሽን ፕሬዚዳንታዊና የሥራ አስፈጻሚ ምርጫ ለአንድ ወር ተራዘመ

የኢትዮጵያ እግር ኳስ ፌዴሬሽን  ፕሬዚዳንታዊና የሥራ አስፈጻሚ በተፈጠሩ አለመግባባቶች ምክንያት ለአንድ ወር ተራዘመ፡፡

ምርጫው ፊፋ ለፌዴሬሽኑ በምርጫው ሂደት ላይ ችግር ስላለ እንዲራዘም በማለት በጻፈው ደብዳቤ ምክንያት ይራዘም ወይስ ይካሄድ የሚሉ ክርክሮች ከተለያዩ ወገኖች ሲሰሙ ቆይተው ዛሬ ጥቅምት 30 ቀን 2010 ዓ.ም. በኢንተርኮንቲነንታል ሆቴል በተደረገው ጉባዔ በድምፅ ብልጫ እንዲራዘም ተወስኗል፡፡

ምርጫው ይራዘም የሚለውን ሐሳብ የአማራና የኦሮሚያ ክልል ፌዴሬሽኖች ሲደግፉ፣ የአዲስ አበባና የደቡብ ክልሎች ምርጫው ይካሄድ ሲሉ ክርክር ገጥመው እስከ ቀኑ ሰባት ሰዓት ቆይተው ነበር፡፡ በመጨረሻም በድምፅ ብልጫ እንዲራዘም ተወስኗል፡፡

ከዚህ በተጨማሪ ይኼ ጉባዔና ምርጫ እንዲያዘጋጅ ለአፋር ክልል ተሰጥቶ የነበረ ቢሆንም ባልታወቀ ምክንያት ከአፋር ተነጥቆ ለአዲስ አበባ ተሰጥቶ በኢንተርኮንቲኔንታል ሆቴል እየተካሄደ ነው፡፡ የአፋር ክልል ግን ዝግጅቱን በመቀማቱ ተቃውሞውን በጉባዔው ላይ አሰምቷል፡፡ በዚህም ሳቢያ በቀጣይ የሚደረገው ምርጫ በአፋር ሊደረግ ይችላል የሚሉ መላምቶች እንዲኖሩ አድርጓል፡፡

በጉባኤው ለሥራ አስፈጻሚነት ከ11 ክልሎች 11 ተወካዮች መጥተው አንዱ ብቻ ወድቆ ሌሎቹ የሚያልፉበት አሠራር ውክልና ነው እንጂ ምርጫ ስላልሆነ፣ ውድድር ያለበት እንዲሆን ተወካዮቹ በዛ ይበሉና በፉክክር ይመረጡ በሚለው ጉዳይ ላይ ሰፊ ውይይት እየተደረገ ነው፡፡