Skip to main content
x
በዶ/ር መረራና በአቶ በቀለ ገርባ ላይ ቀጠሮ ተሰጠ

በዶ/ር መረራና በአቶ በቀለ ገርባ ላይ ቀጠሮ ተሰጠ

ክሳቸው በፌዴራል ከፍተኛ ፍርድ ቤት ልደታ ምድብ 19ኛ ወንጀል ችሎት የሚታየው የመድረክና የኦፌኮ ፖለቲካ ፓርቲዎች አመራሮች ዶ/ር መረራ ጉዲና፣ እንዲሁም በአራተኛ ወንጀል ችሎት የኦፌኮ ምክትል ሊቀመንበር አቶ በቀለ ገርባ ቀጠሮ ተሰጣቸው፡፡

ዓቃቤ ሕግ በዶ/ር መረራ ላይ የደረጃ ምስክሮቹን አሰምቶ ጨርሷል፡፡ የሰነድ ማስረጃውን ማለትም የድምፅ፣ የቪዲዮና የፎቶግራፍ ማስረጃዎቹን እንዲያሰማና እንዲያሳይ ፍርድ ቤቱን ጠይቆ ተፈቅዶለታል፡፡ የሰነድ ማስረጃው ለዶ/ር መረራ እንዳይደርሳቸው ተቃውሞ የተከራከረ ቢሆንም፣ ፍርድ ቤቱ እንዲደርሳቸው ፈቅዷል፡፡ ከአንድ ሲዲ በስተቀር ሰባት ሲዲ ደርሷቸዋል፡፡ ተከሳሹ የሰነድ ማስረጃዎቹን ተመልክተው አስተያየታቸውን በጽሕፈት ቤት በኩል እንዲያቀርቡ ፍርድ ቤቱ ትዕዛዝ ሰጥቶ፣ ፍርድ ቤቱም የሰነድ ማስረጃዎቹን ተመልክቶ ብይን ለመስጠት ለጥር 24 ቀን 2010 ዓ.ም. ቀጠሮ ሰጥቷል፡፡

ፍርድ ቤቱ ታኅሳስ 27 ቀን 2010 ዓ.ም. ተሰይሞ በአቶ አያና ጉርሜሳ መዝገብ የተካተቱት አቶ በቀለ ገርባ፣ አቶ ደጀኔ ጣፋና አቶ አዲሱ ቡላ ባቀረቡት አቤቱታ ላይ ትዕዛዝ ለመስጠት ቀጠሮ የያዘ መሆኑን አስታውሶ፣ ስላልደረሰለት ለጥር 3 ቀን 2010 ዓ.ም. ቀጠሮ ሰጥቷል፡፡