Skip to main content
x

የተመድ ሰብዓዊ መብት ኮሚሽን በወልዲያ ግጭት መንግሥትን ኮነነ

የተባበሩት መንግስታት ድርጅት (ተመድ) የስብዓዊ መብት ኮሚሽን ከቀናት በፊት በወልድያ ከተማ ለሰባት ሰወች መሞት ምክንያት የሆነውን ግጭት አስመልክቶ መንግስትን ኮነነ፡፡

 

ኮሚሽኑ ዛሬ ባወጣው መግለጫ በኦርቶዶክስ ተዋህዶ ሃይማኖት ተከታዮች በየዓመቱ በሚከበረው የጥምቀት በዓል፣ የፀጥታ ሃይሎች የበዓሉ ተሳታፊዎች ፀረ መንግስት የሆኑ ዘፈኖችን በማሰማታቸው ይህን ለማስቆም ሲሉ ተኩስ እንደከፈቱባቸው ገልጿል፡፡

የአሽከርካሪ ብቃት ማረጋገጫ ረቂቅ አዋጅ በ67 ተቃውሞና በ30 ድምፀ ተአቅቦ ፀደቀ

የሕዝብ ተወካዮች ምክር ቤት ዛሬ ጥር 15 ቀን 2010 ዓ.ም. ባካሄደው መደበኛ ስብሰባ፣ በኢሕአዴግ የሥልጣን ዘመን ታይቶ በማይታወቅ ሁኔታ በከፍተኛ ተቃውሞና ድምፀ ተአቅቦ የአሽከርካሪ ብቃት ማረጋገጫ ረቂቅ አዋጅን አፀደቀ፡፡

አዋጁ በ67 ተቃውሞና በ30 ድምፀ ተአቅቦ ፀድቋል፡፡ ኢሕአዴግ ሥልጣን ከያዘ ጊዜ ጀምሮ በነበሩት አምስት የምርጫ ጊዜያት በተመረጡ የፓርላማ አባላት ታይቶ የማይታወቅ የተቃውሞና የድምፀ ተአቅቦ ቁጥር ነው፡፡

በወልዲያ በተፈጠረው ግጭት ታስረው የነበሩ ሰዎች በሙሉ ተፈቱ

በሰሜን ወሎ ዞን ወልዲያ ከተማ የቃና ዘገሊላ በዓል ለማክበር በወጡ ሰዎችና በፀጥታ ኃይሎች መካከል በተፈጠረ ግጭት ምክንያት ታስረው የነበሩ ሰዎች ሙሉ በሙሉ መፈታታቸውን የዞኑ የፀጥታ ኃላፊ አቶ አደራው ጸዳሉ ለሪፖርተር ገለጹ፡፡

ታሳሪዎቹ ሊፈቱ የቻሉት የክልሉ ፕሬዚዳንት አቶ ገዱ አንዳርጋቸው በወልዲያ ተገኝተው ከከተማው ወጣቶች፣ የሐይማኖት አባቶችና የአገር ሽማግሌዎች ጋር ውይይት ሲያደርጉ ከወጣት ተሳታፊዎች በተነሳ ጥያቄ መሆኑን አቶ አደራው ገልጸዋል፡፡

‹‹ወጣቶች እንዲፈቱ በጠየቁት መሠረት እንዲፈቱ ተደርጓል፤›› ሲሉ የፀጥታ ኃላፊው ተናግረዋል፡፡

በወልዲያ በተከሰተው ግጭት የሞቱት ሰዎች ቁጥር ሰባት ደረሰ

በአማራ ክልል ሰሜን ወሎ ዞን ወልዲያ ከተማ ትናንት ጥር 12 ቀን 2010 ዓ.ም. እና ዛሬ ጥር 13 ቀን 2010 ዓ.ም. በፀጥታ ኃይሎችና የቃና ዘገሊላ በዓልን ለማክበር በወጡ ሰዎች መካከል በተከሰተው ግጭት እስካሁን የሰባት ሰዎች ሕይወት ማለፉን የዞኑ ፖሊስ መምሪያ ኃላፊ ኮማንደር አማረ ጎሹ ለአማራ ቴሌቪዥን በሰጡት የስልክ ማብራሪያ ገለጹ፡፡

 

አንድ የፀጥታ ኃይል አባልና ሌሎች ስድስት ሰዎች ሞተዋል ያሉት ኮማንደሩ፣ ሁለት የፖሊስ አባላት ከፍተኛ የአካል ጉዳት እንደደረሰባቸው ገልጸዋል፡፡ በአጠቃላይ የአካል ጉዳት የደረሰባቸው 15 ሰዎች መሆናቸውንም ኮማንደሩ አስታውቀዋል፡፡

 

በወልዲያ ከተማ በተከሰተ ግጭት የበርካታ ሰዎች ሕይወት አለፈ

ትናንት ጥር 12 ቀን 2010 ዓ.ም. የቃና ዘገሊላ በዓልን ለማክበር በወጡ ወጣቶችና በፀጥታ ኃይሎች መካከል በተፈጠረ ግጭት የበርካታ ሰዎች ሕይወት ማለፉ ታወቀ፡፡ የአማራ ክልል የመንግሥት ኮሙዩኒኬሽን ጉዳዮች ጽሕፈት ቤት ኃላፊ አቶ ንጉሱ ጥላሁን በፌስቡክ ገጻቸው ላይ እንዳስታወቁት፣ የሞቱት ሰዎች ቁጥርና ምክንያቱ ምን እንደነበር ገና ይጣራል፡፡

የሪፖርተር ምንጮች ከስፍራው እንዳስታወቁት፣ በዓሉን ለማክበር የወጡ ወጣቶች ፖለቲካዊ መልዕክት ያላቸውን ዘፈኖች ሲዘፍኑ እንደነበርና በፀጥታ ኃይሎች እንዲያቆሙ ቢነገራቸውም ለማቆም ፈቃደኛ ሳይሆኑ በመቅረታቸው ግጭቱ ተቀስቅሷል፡፡

ዶ/ር መረራ ጉዲና በኢትዮጵያ አዲስ የዴሞክራሲ ምዕራፍ መጀመር አለበት አሉ

ለ14 ወራት በእስር ከቆዩ በኋላ ሐሙስ ጥር 9 ቀን 2010 ዓ.ም. በፌዴራል ደረጃ ክሳቸው እንዲቋረጥ ተደርጎ ከእስር ከተፈቱ 115 ተጠርጣሪዎች መካከል አንዱ የሆኑት ዶ/ር መረራ ጉዲና፣ በኢትዮጵያ አዲስ የዴሞክራሲ ምዕራፍ መጀመር አለበት አሉ፡፡ ዶ/ር መረራ ከእስር ከተፈቱ በኋላ ሪፖርተር አነጋግሯቸው በሰጡት ምላሽ፣ ‹‹ጃንሆይ ሁለተኛው የዓለም ጦርነት ሲጀመርና ፋሽስት ጣሊያን ኢትዮጵያን ለቆ ሲወጣ ለሚመሩት ሕዝባቸው ባደረጉት ንግግር ‹አዲስ ዘመን ጀምረናል ብለው ነበር፡፡ አሁንም የኢሕአዴግ አራቱ ድርጀቶች ሊቃነ መናብርት በነካ እጃቸው ሌሎቹንም እስረኞች ፈትተው አዲስ የዴሞክራሲ ምዕራፍ መጀመር አለባቸው፤›› ሲሉ አሳስበዋል፡፡  

አወዛጋቢው የኤርትራ ፕሬዚዳንት መግለጫና የኢትዮጵያ ወቅታዊ ሁኔታ

አክብረት ጎይቶም (ስሟ ሙሉ በሙሉ ተቀይሯል) ተወልዳ ያደገችው በኤርትራ ዋና ከተማ አስመራ ነው፡፡ በ1988 ዓ.ም. የስምንተኛ ክፍል ተማሪ እንደነበረች ታስታውሳለች፡፡ አባቷ በአስመራ ከተማ በመንግሥት ትምህርት ቤት መምህር፣ እናቷ ደግሞ የቤት እመቤት እንደነበሩ ትገልጻለች፡፡ ከአንደኛ እስከ ስምንተኛ ክፍል ድረስ ጎበዝ ተማሪ እንደነበረችና ዶክተር ሆና አገሯን የማገልገል ሕልም እንደነበራት ትናገራለች፡፡

ከፀረ ሽብር ሕጉ ውስጥ ስድስት አንቀጾች እንዲሰረዙ የቀረበለትን ጥያቄ ኢሕአዴግ ውደቅ አደረገ

በአገር አቀፍ ተደራዳሪ የፖለቲካ ፓርቲዎች ከፀረ ሽብር ሕጉ ስድስት አንቀጾች እንዲሰረዙ የቀረበለትን ጥያቄ ኢሕአዴግ ሙሉ በሙሉ ውድቅ አደረገው፡፡ ኢሕአዴግን ጨምሮ አሥራ ስድስት አገር አቀፍ የፖለቲካ ፓርቲዎች በፀረ ሽብር ሕጉ ላይ ሐሙስ ጥር 10 ቀን 2010 ዓ.ም. በፌዴሬሽን ምክር ቤት ለአራተኛ ጊዜ ድርድር ያደረጉ ሲሆን፣ ተቃዋሚዎች ከፀረ ሽብር ሕጉ ሊሰረዙ ይገባል ብለው ያቀረቧቸውን ስድስት አንቀጾች ኢሕአዴግ ሙሉ በሙሉ ውድቅ አድርጓቸዋል፡፡በአገር አቀፍ ተደራዳሪ የፖለቲካ ፓርቲዎች ከፀረ ሽብር ሕጉ ስድስት አንቀጾች እንዲሰረዙ የቀረበለትን ጥያቄ ኢሕአዴግ ሙሉ በሙሉ ውድቅ አደረገው፡፡ ኢሕአዴግን ጨምሮ አሥራ ስድስት አገር አቀፍ የፖለቲካ ፓርቲዎች በፀረ ሽብር ሕጉ ላይ ሐሙስ ጥር 10 ቀን 2010 ዓ.ም. በፌዴሬሽን ምክር ቤት ለአራተኛ ጊዜ ድርድር ያደረጉ ሲሆን፣ ተቃዋሚዎች ከፀረ ሽብር ሕጉ ሊሰረዙ ይገባል ብለው ያቀረቧቸውን ስድስት አንቀጾች ኢሕአዴግ ሙሉ በሙሉ ውድቅ አድርጓቸዋል፡፡

የኤርትራ ፕሬዚዳንትን መግለጫ መንግሥት አጣጣለው

የኤርትራ ፕሬዚዳንት ኢሳያስ አፈወርቂ ሰሞኑን ለመገናኛ ብዙኃን የሰጡትን መግለጫ መንግሥት አጣጣለው፡፡ ፕሬዚዳንት ኢሳያስ ኢትዮጵያ ውስጥ ለተፈጠረው ቀውስ የሕገ መንግሥቱ አንቀጽ 39 ምክንያት መሆኑን ገልጸው፣ የሻዕቢያ መንግሥት የኢትዮጵያን መንግሥት አፍርሶ የሽግግር መንግሥት እንደሚያቋቁም ገልጸዋል፡፡ የውጭ ጉዳይ ሚኒስቴር ቃል አቀባይ አቶ መለስ ዓለም የፕሬዚዳንቱ መግለጫ ፍሬ አልባና ትኩረትን ከመፈለግ የመጣ ነው ብለው፣ ፕሬዚዳንቱ አልሞትኩም ብዬ አልዋሽም ለማለት ፈልገው መሆኑን ለሪፖርተር ገልጸዋል፡፡

እነ አቶ በቀለ ገርባን ማረሚያ ቤት ሳያቀርባቸው በመቅረቱ ፍርድ ሳይሰጥ ቀረ

በመከላከያ ምስክርነት የቆጠሯቸው ምስክሮች እንደማይጠሩ ፍርድ ቤት ብይን ከሰጠ በኋላ፣ ለሐሙስ ጥር 10 ቀን 2010 ዓ.ም. ለፍርድ ተቀጥረው የነበሩት እነ አቶ በቀለ ገርባ (አራት ተከሳሾች)፣ የአዲስ አበባ ማረሚያ ቤት አስተዳደር ሳያቀርባቸው በመቅረቱ ፍርድ ሳይሰጥ ቀረ፡፡