"ለሁላችን አስፈላጊ የኾነ ጉባኤ ነው፡፡ ደዌያችን መለያየት ነው፤ መንቀፍ፣ ማቃለል ከክርስትና ውጭ የኾነ ነገር ነው፤ መስመሩን ጠብቀን መሄድ አለብን፡፡ በፍቅር፣ በመከባበር ሳይሆን፤ መነቃቀፍና ጥላቻ ያለበት ነገር ብዙ አልፏል፡፡ ተፋቀሩ፤ ተዋደዱ፤ እንላለን፡፡"

"ኢትዮጵያ በወረቀት ምዕራብ አውሮፓን፣ በተግባር ደግሞ ቻይናን ሆናለች"

"የመንግሥት ሥልጣን መሠረቱ በምርጫ የሚገለጽ የሕዝብ ፈቃድ መሆን ይኖርበታል"

"ዕድሜና ደረጃ ሳይገድበው በሁሉም ልብ ውስጥ የነገሠ የጋራ ንጉሥ አለን፤ እርሱም ጥላሁን ገሠሠ ነው፡፡

"የኢትዮጵያ አርሶ አደር ጥቅሙ ወደ ሌላ አልፎ እንዳይሄድ በሕገ መንግሥት መብቱ ተገድቧል፡፡ በዚሁ ሕገ መንግሥት፣ ሕዝቦች የመገንጠል መብታቸው ሲከበር መገንጠል ረስለማይፈልጉሪ ሕጉን አካተነዋል ትላላችሁ፡፡

" . . በየነ ጴጥሮስ ተሳስቷል እንበል፤ ስዬ ተሳስቷል እንበል፤ ቡልቻ ተሳሳቱ እንበል፤ መረራ ተሳስቷል እንበል፡፡ መድረክ ቢያሸንፍ፤ በየነ ጠቅላይ ሚኒስትር፣ ስዬ መከላከያ ሚኒስትር፣ መረራ የውጭ ጉዳይ ሚኒስትር፣ ቡልቻ ፕሬዚዳንት ቢሆኑ፤  እነዚህን ሰዎች እንዴት ትጠይቃቸዋለህ?"

"እናንተ ዛሬ እናት አገራችሁን ወክላችሁ፣ በጣም እሩቅ አገር በመሄድ ወታደራዊ ግዳጃችሁን እንድትወጡ የተደረገው፣ በአገራችን እንደምናውቀው ለነጻነታችን ባደረግነው ተጋድሎ ብቻ ተወስነን የምንቀር ሳይሆን፤ የእያንዳንዱን ሰው ነጻነት ሊያስከብር፣ በጣም ለተቀደሰ ዘመናዊና ዓለም አቀፋዊ ፕሪን ስፕል የምንደግፍ በመሆኑ፣ አገራችሁንና ሕዝባችሁን ወክላችሁ እንድትዘምቱ ተደርጓል፡፡"

"... በኢትዮጵያ ምርጫ በመጣ ቁጥር፣ አገራችንን በቀለም አብዮት ለማተራመስ የሚደረገው ሙከራም ሆነ፣ ኢትዮጵያን ለውጭ ኃይሎች ባደሩ ተላላኪዎች እንደልብ የማሽከርከር ዕድል ከቶውንም አይሰምርም፡፡"
የመንግሥት ኮሙዩኒኬሽን ጉዳዮች ጽሕፈት ቤት፣ ለሂውማን ራይትስ ዎች ሪፖርት ምላሽ በትናትናው ዕለት ካወጣው መግለጫ የተወሰደ፡፡

"በምርጫውና በውድድሩ ሂደት ሰዶ ማሳደድ ውስጥ መግባት አንፈልግም፡፡ ይኽን ወንጀል ፈጽመሃል፤ ይኽን ሕግ ጥሰሃል፤ ይኽን አድርገሃል፤ ብለን ሰዶ ማሳደድ ውስጥ መግባት አንፈልግም፡፡ የምርጫውን ገጽታ ያበላሻልና፡፡ በተቻለ መጠን አሁን ታግሰን፣ ማስረጃውን ሰብስበን፣ በማስረጃው ላይ በመመሥረት ከምርጫው በኋላ ክስ ለመመሥረት እንሞክራለን"

ጠቅላይ ሚኒስትር መለስ ዜናዊ፣ መጋቢት 9 ቀን 2002 ዓ.ም ስለወቅታዊ ጉዳዮች ለሀገር ውስጥ ጋዜጠኞች ከተናገሩት

"ሕዝባችንን አስርበን የጦር መሣሪያ መግዛት ራስን እንደማጥፋት ይቆጠራል"
ጠቅላይ ሚኒስትር መለስ ዜናዊ፣
የቢቢሲን ዘገባ ሲያስተባብሉ