(በበሪሁን ተሻለ)

የኢትዮጵያ የውስጥና የውጪ ሰላም እጅግ በጣም የተጠላለፉ ናቸው፡፡ በኢህአዴግ የምትመራው ኢትዮጵያ ሁለት ጊዜም ወደ ሶማሊያ የገባችበት ጣጣ ከሻዕቢያ ሴራ ጋር የተያያዘ ነው፡፡ ኢትዮጵያ ከሶማሊያ ጋር የተያያዘ ጣጣዋን በድል ተወጣሁ ማለት የምትችለውም በሶማሊያ ህዝብ ላይ አበልጅ መንግስት የመጫን ፍላጎት እንዳሌላት ለማስመስከር ከበቃችና ሶማሌዎች የአገራቸውን መፃኢ እድል ራሳቸው እንዲወስኑ በፅናት ከታገለች ነው፡፡ ሶማሊያውያን ኢትዮጵያውያንን የማያማርሩት በዚህ አቅጣጫ ከተሄደ ብቻ ነው፡፡

የመፍትሄ አቅጣጫዎች

በበሪሁን ተሻለ

ህብረብሄራዊ አደረጃጀት

የብሄረተኝንት ድጦችና የትምክህት ችግሮች በኢትዮጵያ ውስጥ በተግባር ታይተዋል፡፡ ዛሬም በተለያየ ደረጃ ይንፃባረቃሉ፡፡ ክልልተኞች፣ ወገንተኞችና ትምክህተኞች በሚፈጥሯቸው ቅራኔዎችና ፍርሃቶች ውስጥ መኖር የሚስማማው ህዝብ የለም፡፡ የ1997 ምርጫ ተሞክሮም ይህንኑ ያስገነዘበ ነበር፡፡