ኢትዮጵያ ተግባራዊ እያደረገችው ያለችውን የዕድገትና ትራንስፎርሜሽን ዕቅድ ለማሳካት የኮሪያ ሪፐብሊክ ትብብር እንድታደርግላት ጠቅላይ ሚኒስትር መለስ ዜናዊ መጠየቃቸውን ኢዜአ ዘግቧል፡፡

ባለፈው ሐሙስ ብራዚል ሪዮ ዴጄኔሮ በሚገኝ የመጀመርያ ደረጃ ትምህርት ቤት ውስጥ አንድ የታጠቀ ግለሰብ በከፈተው ተኩስ 12 ተማሪዎችን ገደለ፡፡

በሚቀጥሉት አምስት ዓመታት ውስጥ የአገሪቱን የጐማ ዛፍ ምርት ከሦስት ሺሕ ቶን በላይ ለማሳደግ የሚያስችል እንቅስቃሴ እያደረገ መሆኑን የኢትዮጵያ የጐማ ዛፍ ልማት ናሽናል ኒኩለስ ፕሮጀክት ማስታወቁን ዋልታ ዘገበ፡፡ የኢትዮጵያ የጐማ ዛፍ ልማት ናሽናል ኒኩለስ ፕሮጀክት በ2009 ዓ.ም. 3,275 ቶን የጐማ ዛፍ ምርት ለገበያ ያቀርባል፡፡

በዲሞክራሲያዊት ሪፐብሊክ ኮንጎ የተባበሩት መንግሥታት ድርጅት (ተመድ) አውሮፕላን ተከስክሶ በውስጡ ከነበሩት 33 ሰዎች 32ቱ ሲሞቱ አንዱ ብቻ መትረፉን የዘገበው ሲኤንኤን ነው፡፡

ኢትዮጵያ ለምታስተናግደው ዓለም አቀፍ የኤችአይቪ ኤድስና በግብረ ሥጋ ለሚተላለፉ በሽታዎች 16ኛ ጉባዔ ስድስት ሚሊዮን ዶላር እንደሚያስፈልግ ኢዜአ ዘገበ፡፡

ኔቶ የሊቢያ አማፅያን በንጹኅን ዜጎች ላይ ምንም ዓይነት ጥቃት እንዳያደርሱ ማስጠንቀቂያ መስጠቱን የዘገበው ኒው ዮርክ ታይምስ ነው፡፡

የፕራይቬታይዜሽንና የመንግሥት የልማት ድርጅቶች ተቆጣጣሪ ኤጀንሲ በተያዘው የበጀት ዓመት ለሁለተኛ ጊዜ ወደግል ለማዞር ያቀረባቸው ሰባት የልማት ድርጅቶችና አክሲዮን ማኅበራት ጨረታ በይፋ መከፈቱን አዲስ ዘመን ዘገበ፡፡

ጣሊያን በመካከለኛው ምሥራቅ አገሮች በተነሳው ብጥብጥ ሳቢያ የስደተኞች ቁጥር ከአቅሟ በላይ ስለሆነባት ወደቧን መዝጋቷን አልጄዚራ ዘግቧል፡፡

የኢትዮጵያ መንግሥት ሊቢያ የሚኖሩ ዜጐቹን ደኅንነት ለመጠበቅ እያደረገ ባለው ጥረት 93 ዜጐቹን ከሊቢያ ወደ ቱኒዚያ ማስወጣቱን የውጭ ጉዳይ ሚኒስቴር በላከው መግለጫ አስታወቀ፡፡

በማይናማር በደረሰ የመሬት መንቀጥቀጥ አደጋ ከ65 በላይ ሰዎች መሞታቸውንና ከ110 በላይ መቁሰላቸውን የዘገበው ሲኤንኤን ነው፡፡