በኢትዮጵያ በፍሎራይድ በተበከለ የከርሰ ምድር ውኃ ምክንያት 10 ሚሊዮን የሚጠጋ ሕዝብ ለችግር የተጋለጠ መሆኑን የውኃና ኢነርጂ ሚኒስቴር ማስታወቁን ኤዜአ ዘግቧል፡፡

በሰሜን ምስራቅ ፓኪስታን በምትገኘው ጋህላናይ ከተማ በአጥፍቶ ጠፊዎች በደረሰ የቦምብ ጥቃት 50 ሰዎች መገደላቸውን ሎስ አንጀለስ ታይምስ ያሰራጨው ዘገባ አመልክቷል፡፡

ፆታዊ ጥቃትን ለመከላከል የሚደረገውን ጥረት ለማገዝ ከከተማ እስከ ገጠር ቀበሌዎች ድረስ በመዝለቅ ኅብረተሰቡን ለማስተማር መዘጋጀቱን የኢትዮጵያ ሰብዓዊ መብት ኮሚሽን አስታወቀ፡፡

በአውሮፓ እየወረደ ያለው በረዶና ከፍተኛ ቅዝቃዜ የአውሮፕላንና የባቡር የትራንስፖርት እንቅስቃሴን መግታቱን ብሉምበርግ ዘግቧል፡፡

የሚኒስትሮች ምክር ቤት ኢትዮ ቴሌኮምን ለማቋቋም በቀረበ ረቂቅ ደንብ ላይ ተወያይቶ በሥራ ላይ እንዲውል በሙሉ ድምፅ መወሰኑን አዲስ ዘመን ዘግቧል፡፡

የኢራን የኒውክሌር ሳይንቲስት በተሽከርካሪያቸው ላይ በተጠመደ ቦምብ ቴህራን ውስጥ ተገደሉ፡፡

አስቸኳይ የምግብ ዕርዳታ የሚያስፈልጋቸው ዜጎች ቁጥር በተያዘው የአውሮፓውያን ዓመት ቅናሽ ማሳየቱን የግብርና ሚኒስቴርን ጠቅሶ አዲስ ዘመን ዘግቧል፡፡

የቡርኪናፋሶ ፕሬዚዳንት ብሌዝ ኮምፓወሬ በድጋሚ መመረጣቸውን ኤኤፍፒ የአገሪቱን መገናኛ ብዙኅን በመጥቀስ ዘግቧል፡፡

ለኢንቨስትመንት የተሰጠን ቦታ ለልማት ሳያውሉ ለበርካታ ዓመታት አጥረው ያስቀመጡ 52 ባለሀብቶችን መሬት መልሶ መውሰዱን፣ በኦሮሚያ ክልል የቢሾፍቱ ከተማ አስተዳደር ማስታወቁን አዲስ ዘመን ዘግቧል፡፡

በማዳጋስካር የተደረገው የመፈንቅለ መንግሥት ሙከራ ያለምንም ደም መፋሰስ መክሸፉን አሶሼትድ ፕሬስ ያሠራጨው ዘገባ አመልክቷል፡፡