Skip to main content
x

የጠቅላይ ሚኒስትር ኃይለ ማርያም ደሳለኝ የስንብት ጥያቄ

ጠቅላይ ሚኒስትር ኃይለ ማርያም ደሳለኝ ሐሙስ የካቲት 8 ቀን 2010 ዓ.ም. ከኢሕአዴግ ሊቀመንበርነትና ከመንግሥት ኃላፊነት በራሳቸው ፈቃድ ለመልቀቅ ጥያቄ ማቅረባቸውን ማስታወቃቸው፣ የሰሞኑ አንዱ የአገሪቱ መነጋገሪያ አጀንዳ ሆኖ ሰንብቷል፡፡ የጠቅላይ ሚኒስትሩ ከሥልጣን የመሰናበት ጥያቄ አገሪቱ በገጠማት የፖለቲካ ቀውስ ምክንያት በመሆኑ፣ በሕዝቡ ውስጥ የተደበላለቁ ስሜቶች ተንፀባርቀዋል፡፡ ላለፉት ስድስት ዓመታት ያህል በኢሕአዴግ ሊቀመንበርነትና በጠቅላይ ሚኒስትርነት የሠሩት አቶ ኃይለ ማርያም፣ ለሦስት ዓመታት ያህል መቆም ባልቻለው የፖለቲካ ቀውስ ምክንያት በደረሰ ጉዳት በርካቶች በመሞታቸው፣ በመጎዳታቸውና ከቀዬአቸው በመፈናቀላቸው ሳቢያ ሥልጣን ለማስረከብ መገደዳቸው ታውቋል፡፡ 

በሐረር ከተማ ሐማሬሳ በተፈጠረ ግጭት አራት ሰዎች ሕወታቸውን አጡ

በሐረር ከተማ ከሶማሌ ክልል የተፈናቀሉ ዜጎችን አስጠልሎ በሚገኘው የማሬሳ መጠለያ ጣቢያ ትናንት የካቲት 4 ቀን 2010 ዓ.ም. በወጣቶችና በፀጥታ አካላት መካከል በተፈጠረ ግጭት አራት ግለሰቦች መሞታቸውና አሥር ሰዎች ጉዳት እንደደረሰባቸው ታወቀ፡፡

ከሞቱት ውስጥ ሦስቱ በመጠለያ ጣቢያ ውስጥ ይኖሩ የነበሩ ሲሆን አንዱ ደግሞ የኦሮሚያ ፖሊስ አባል መሆኑ ታውቋል፡፡

የችግሮችን ምንጭ ያለመረዳት እያስከፈለ ያለው ዋጋ

የኢሕአዴግ ሥራ አስፈጻሚ ኮሚቴ ከአንድ ወር በፊት ለአሥራ ሰባት ቀናት አድርጎት የነበረውን ዝግ ስብሰባ ሲያጠናቅቅ ባወጣው መግለጫ፣ በአገሪቱ ለተከሰቱ ግጭቶችና በግጭቶቹ ምክንያት ለጠፋው የሰው ሕይወትና ለወደመው ንብረት ሙሉ ኃላፊነት እንደሚወስድ መግለጹ ይታወሳል፡፡ በዚህም የአገሪቱን ሕዝብ በይፋ ይቅርታ ጠይቋል፡፡ በአገሪቱ እየተከሰተ ያለውን ግጭት ለማስቆምና አገራዊ መግባባት ለመፍጠር ሲባልም፣ በወንጀል ተጠርጥረውና ተፈርዶባቸው በእስር ላይ የሚገኙ ዜጎች ከእስር እንደሚፈቱ ቃል ተገብቷል፡፡ በተገባው ቃል መሠረት በፌዴራልና በክልል ደረጃ እስካሁን በሺዎች የሚቆጠሩ ዜጎች ከእስር መለቀቃቸውን የመንግሥት ኮሙዩኒኬሽን ጉዳዮች ጽሕፈት ቤት ኃላፊ ሚኒስትር ነገሪ ሌንጮ (ዶ/ር) ዓርብ ጥር 25 ቀን 2010 ዓ.ም. በሰጡት ጋዜጣዊ መግለጫ ተናግረዋል፡፡

የሚኒስትሮች ምክር ቤት 14 ቢሊዮን ብር ተጨማሪ በጀት አፀደቀ

ረቡዕ ጥር 9 ቀን 2010 ዓ.ም. የተሰበሰበው የሚኒስትሮች ምክር ቤት፣ በሚቀጥሉት ስድስት ወራት ተግባራዊ የሚደረግ 14 ቢሊዮን ብር ተጨማሪ በጀት አፀደቀ፡፡ የሕዝብ ተወካዮች ምክር ቤት ግንቦት 25 ቀን 2010 ዓ.ም. ተሰብስቦ የ2010 በጀት 320 ቢሊዮን ብር እንዲሆን ማፅደቁ ይታወሳል፡፡ የሚኒስትሮች ምክር ቤት በዚህ ግዙፍ በጀት ላይ 14 ቢሊዮን ብር እንዲጨመር በመወሰኑ፣ የበጀት ዓመቱ በአጠቃላይ በ334 ቢሊዮን ብር የሚከናወኑ ሥራዎች ይኖሩታል፡፡

ከሶማሌ ክልል ለተፈናቀሉ 86 ሺሕ ዜጎች የመኖሪያ ቤቶች ሊሠሩ ነው

በኦሮሚያና በሶማሌ ክልሎች አዋሳኝ አካባቢዎች በተፈጠረው ግጭት ምክንያት ተፈናቅለው የነበሩ ዜጎችን በዘላቂነት ለማቋቋም እየተደረገ ባለው ጥረት፣ የኦሮሚያ ክልል 86 ሺሕ ለሚሆኑ ዜጎች መኖሪያ ቤቶች ሊሠራ መሆኑን የመንግሥት ኮሙዩኒኬሽን ጉዳዮች ጽሕፈት ቤት አስታወቀ፡፡

‹‹በታሪካችን በየትኛውም ጊዜ ዓይተነው የማናውቀው ተማሪ ሌላ ተማሪን የሚገድልበት ሁኔታ ተፈጥሯል››

የኢትዮጵያ ሕዝቦች አብዮታዊ ዴሞክራሲ ግንባር (ኢሕአዴግ) ኢትዮጵያን መምራት ከጀመረ ከሃያ ስድስት ዓመታት በላይ ተቆጥሯል፡፡ ፓርቲው አገሪቱን በመምራት ከሩብ ክፍለ ዘመን በላይ ባስቆጠረበት ጊዜ ውስጥ አንፃራዊ ሰላምና መረጋጋት ሰፍኖ ቆይቷል፡፡ ይሁን እንጂ ካለፉት ሁለት ዓመታት ወዲህ እየተከሰቱ ባሉ ሕዝባዊ ተቃውሞዎችና ግጭቶች፣ የአገሪቱ ሰላምና መረጋጋት ከመታወኩም በላይ የዜጎች ሕይወት ጠፍቷል፣ ከመኖሪያ ቀዬአቸው ተፈናቅለዋል፡፡

የተጠረጠሩ ዜጎችን ወደ ሕግ ለማቅረብ የኦሮሚያና የሶማሌ ክልሎች አመራሮች ዳተኝነት እንዳለባቸው ተገለጸ

ከወራት በፊት በኦሮሚያና በሶማሌ ክልሎች አዋሳኝ አካባቢዎች ተቀስቅሶ የበርካቶችን ሕይወት ለቀጠፈውና በመቶ ሺሕ ለሚቆጠሩት መፈናቀል ምክንያት በሆነው ግጭት እጃቸው አለበት ተብለው የተጠረጠሩ ሰዎች ወደ ሕግ ከማቅረብ አኳያ፣ በኦሮሚያና በሶማሌ ክልሎች አመራሮች ዘንድ ዳተኝነት እንዳለ ተነገረ፡፡

አገር በመክዳትና በሽብር ወንጀል ውስጥ ተሳትፈዋል የተባሉ የመከላከያ ሠራዊት አባላት ተከሰሱ

ሕገ መንግሥታዊ ሥርዓቱን ለመጠበቅ የተጣለባቸውን አደራ በመተው፣ የኦነግን የሽብር ተልዕኮ ለመፈጸም አባል ሆነውና ሌሎችንም ሲመለምሉ ነበር የተባሉ አምስት የመከላከያ ሠራዊት ባልደረቦች፣ የሽብር ተግባር ወንጀል በመፈጸም ተጠርጥረው ክስ ተመሠረተባቸው፡፡

የፓርላማ አባላትን በቁጭት ያንገበገበው የኦሮሚያና የሶማሌ ግጭት ሪፖርት

በሕዝብ ተወካዮች ምክር ቤት የኦሮሚያና የሶማሌ ክልል አዋሳኝ አካባቢዎችን ግጭት እንዲያጣራ የተዋቀረው የሱፐርቪዥን ቡድን ሪፖርቱን ያቀረበው ሐሙስ ታኅሳስ 26 ቀን 2010 ዓ.ም. ነበር፡፡ በሁለቱ ክልሎች የተሰማራው የሱፐርቪዥን ቡድን በአካል ተገኝቶ እስከ ኅዳር 2010 ዓ.ም. ድረስ ከተፈናቃዮችና ከአካባቢ አመራሮች የሰበሰበውን መረጃ በዝርዝር አቅርቧል፡፡ ተፈናቃዮች በግጭቱ ወቅት በደረሱባቸው ጉዳትና እንግልት፣ የንብረት ዘረፋና የተለያዩ ጥቃቶች ለጤናና ለሥነ አዕምሮ ቀውስ መዳረጋቸው ተገልጿል፡፡ መንግሥት ግጭቱን ለማስቆም ካለመቻሉም በላይ ችግሩ ከተፈጠረ በኋላ ፈጥኖ ዕርምጃ ባለመወስዱ፣ እንዲሁም የመንግሥት አመራሮች ለግጭቱ መፍትሔ ባለመስጠታቸው ተስፋ መቁረጣቸው ተመልክቷል፡፡

በአገሪቱ የተከሰተውን ቀውስ ለማስቆም የሚቀሩ ሥራዎች እንዳሉ ተጠቆመ

በአገሪቱ ከጊዜ ወደ ጊዜ እየተባባሰና በሰውና በንብረት ላይ ከፍተኛ ጉዳት እያደረሰ ያለውን ቀውስ ለማስቆም፣ በርካታ የሚቀሩ ሥራዎች እንዳሉ ተጠቆመ፡፡ የአገር መከላከያ ሚኒስትርና የብሔራዊ ደኅንነት ምክር ቤት ጸሐፊ አቶ ሲራጅ ፈጌሳ ዓርብ ታኅሳስ 27 ቀን 2010 ዓ.ም. በጠቅላይ ሚኒስትር ጽሕፈት ቤት የመሰብሰቢያ አዳራሽ፣ የፌዴራልና የክልል የፀጥታ ምክር ቤቶች የተካሄደው የጋራ ስብሰባ ከተጠናቀቀ በኋላ በሰጡት መግለጫ ነው ይህንን ያሉት፡፡ ከአንድ ወር በፊት በአገሪቱ ያለውን የፀጥታ ችግር ለመፍታት በፌዴራልና በክልሎች የጋራ ምክር ቤት ዕቅድ ወጥቶና መግባባት ተፈጥሮ ወደ ሥራ በመግባት በርካታ ለውጦች ቢመዘገቡም፣ ሕገወጦችን በቁጥጥር ሥር ከማዋል አኳያ የሚቀሩ ሥራዎች አሉ ብለዋል፡፡