Skip to main content
x

መንግሥት ተደጋጋሚ ጥሪ ያቀረበባቸውን የተከማቹ ኮንቴይነሮች መውረስ ጀመረ

በሞጆ ደረቅ ወደቦች ለረዥም ጊዜ የተከማቹ ኮንቴይነሮችን ባለቤቶቻቸው እንዲያነሱ ተደጋጋሚ ጥሪ አቅርቦባቸው ባለመነሳታቸው መንግሥት መውረስ ጀመረ፡፡ ከውጭ አገሮች ገብተው በሞጆ ደረቅ ወደብ የተከማቹ ከ8,100 በላይ ኮንቴይነሮችን በተመለከተ አስተዳደሩ የሰጠው የአሥር ቀናት ጊዜ ገደብ ረቡዕ ታኅሳስ 4 ቀን 2010 ዓ.ም. ተጠናቋል፡፡ አብዛኞቹ ምላሽ አለመስጠታቸውን የሞጆ ደረቅ ወደብ ዋና ሥራ አስኪያጅ አቶ አዲስ አየለ ዓርብ ታኅሳስ 6 ቀን 2010 ዓ.ም. ለሪፖርተር ገልጸዋል፡፡ በጊዜ ገደቡ ውስጥ አስመጪዎች ያለባቸውን የመንግሥት ዕዳ ከፍለው እንዲያነሱ፣ ያልተነሱትን ደግሞ እንደሚወርስ የመጨረሻ ማስጠንቀቂያ ሰጥቶ ነበር፡፡

የባህር ትራንስፖርትና ሎጂስቲክስ አገልግሎት ድርጅት ኃላፊዎች የተጠረጠሩበት ጉዳት ከግማሽ ቢሊዮን ብር በለጠ

ኢትዮጵያ በባህር ትራንስፖርት ዘርፍ የምታገኘውን ገቢና ወጪ በአግባቡ መጠቀም ሲገባቸው ኃላፊነታቸውን ያላግባብ በመጠቀም፣ በሕዝብና በመንግሥት ላይ ከፍተኛ ጉዳት አድርሰዋል ተብለው ተጠርጥረው በምርመራ ላይ የሚገኙት የባህር ትራንስፖርትና ሎጂስቲክስ አገልግሎት ድርጅት ኃላፊዎች፣ ከግማሽ ቢሊዮን ብር በላይ ጉዳት ማድረሳቸውን የፌዴራል ፖሊስ መርማሪ ቡድን ለፍርድ ቤት አስታወቀ፡፡