Skip to main content
x

ገቢዎችና ጉምሩክ ባለሥልጣን በኢንሹራንስ ኩባንያዎች ላይ እየወሰደ ያለው ዕርምጃ ቅሬታ አስነሳ

የኢትዮጵያ ገቢዎችና ጉምሩክ ባለሥልጣን ከኢንሹራንስ ኩባንያዎች ጋር ቅድመ ሁኔታ የሌለበት ዋስትና ከመስጠት ጋር ተያይዞ፣ እየወሰደ ያለው ዕርምጃ ቅሬታ አስነሳ፡፡ ባለሥልጣኑ ከአራት ዓመታት በፊት የዋስትና ሰጪ (ኢንሹራንስ) ኩባንያዎች፣ መስጠት ያቆሙትን ቅድመ ሁኔታ የሌለው ዋስትና እንዳይሰጡ መከልከሉ ይታወሳል፡፡

ገቢዎችና ጉምሩክ ባለሥልጣን የ45 ነጋዴዎችን የባንክ ሒሳብ ማገዱ ተቃውሞ አስነሳ

የኢትዮጵያ ገቢዎችና ጉምሩክ ባለሥልጣን በንግድና ኢንቨስትመንት የተሰማሩ 45 ኩባንያዎች በ18 ባንኮች የሚያንቀሳቀሱትን ሒሳብ በሙሉ ማገዱ ተቃውሞ አስነሳ፡፡ ባለሥልጣኑ የባንክ ሒሳባቸውን ያገደው ሕግን ባልተከተለ መንገድ መሆኑን የገለጹ ኩባንያዎች ጉዳዩን ወደ ጠቅላይ ሚኒስትር ዓብይ አህመድ (ዶ/ር) መውሰዳቸውን ተናግረዋል፡፡

እነ አቶ መላኩ ፈንታ በሁለት የክስ መዝገቦች ጥፋተኛና ነፃ ተባሉ

በከባድ የሙስና ወንጀል ተከሰው ከአራት ዓመታት በላይ ሲከራከሩ የከረሙት እነ አቶ መላኩ ፈንታ፣ ዓቃቤ ሕግ ክስ ካቀረበባቸው ሦስት መዝገቦች ውስጥ በሁለቱ መዝገቦች በተወሰኑ ክሶች ጥፋተኛ ሲባሉ በተወሰኑ ክሶች ደግሞ በነፃ ተሰናበቱ፡፡

በይግባኝ ችሎት በነፃ የተሰናበቱት ዶ/ር ፍቅሩ ማሩ ሰበር ሰሚ ችሎት ቅጣታቸውን አፀናው

በሙስና ወንጀል ተከሰው በፌዴራል ከፍተኛ ፍርድ ቤት 15ኛ ወንጀል ችሎት አራት ዓመታት ከስምንት ወራት ፅኑ እስራትና 60,000 ብር የገንዘብ ቅጣት የተወሰነባቸው ዶ/ር ፍቅሩ ማሩ በይግባኝ ሰሚው ችሎት በነፃ የተሰናበቱ ቢሆንም፣ የሰበር ሰሚ ችሎት የይግባኝ ሰሚ ችሎቱን ውሳኔውን ውድቅ በማድረግ የከፍተኛውን ፍርድ ቤት ውሳኔ አፀናው፡፡

በእነ አቶ መላኩ ፈንታ መዝገብ በሙስና የተከሰሱት አቶ ከተማ ከበደ ለፍርድ ተቀጠሩ

በተጠረጠሩበት የሙስና ወንጀል በመዝገብ ቁጥር 131452 ከእነ አቶ መላኩ ፈንታ ጋር በ2006 ዓ.ም. ክስ ተመሥርቶባቸው ሲከራከሩ የከረሙት፣ የኬኬ ኃላፊነቱ የተወሰነ የግል ማኅበር ከፍተኛ ባለድርሻና ዋና ሥራ አስኪያጅ አቶ ከተማ ከበደ ለፍርድ ተቀጠሩ፡፡ ድርጅቱና ሥራ አስኪያጁ ላለፉት አምስት ዓመታት ሲያደርጉት የነበረው ክርክር የተጠናቀቀው፣ ዓርብ ጥር 25 ቀን 2010 ዓ.ም ከሳሽ ዓቃቤ ሕግ ተከሳሾቹ በመከላከያ ምስክርነት ላቀረቧቸው ምስክር መስቀለኛ ጥያቄ አቅርቦ ካጠናቀቀ በኋላ ነው፡፡

የቀረጥ ነፃ መብት የፖሊሲ ማስተካከያ ሊደረግበት ነው

ከውጭ አገሮች ለሚገቡ ዕቃዎች ለባለሀብቶችና ለተቋማት ሲሰጥ የቆየው የቀረጥ ነፃ መብት፣ የፖሊሲና የአፈጻጸም ማስተካከያ ሊደረግበት መሆኑ ተገለጸ፡፡ ማክሰኞ ኅዳር 22 ቀን 2010 ዓ.ም. የኢትዮጵያ ገቢዎችና ጉምሩክ ባለሥልጣን ዋና ዳይሬክተር፣ ለሕዝብ ተወካዮች ምክር ቤት የስድስት ወራት ሪፖርት ባቀረቡበት ወቅት ነበር ይኼ የተገለጸው፡፡ ዋና ዳይሬክተሩ አቶ ሞገስ ባልቻ ለምክር ቤቱ እንደገለጹት፣ መንግሥት ለባለሀብቶችና ለተለያዩ ተቋማት በሰጠው የቀረጥ ነፃ መብት በአብዛኛው የሚገቡ ዕቃዎች ለታለመላቸው ዓላማ ቢውሉም፣ ጥቂት የማይባሉ ባለሀብቶች (ግለሰቦች) መብቱን ያላግባብ እየተጠቀሙ መሆናቸውን በባለሥልጣኑ በተደረገው የኢንተለጀንስ ጥናት መረጋገጡን አስረድተዋል፡፡

እየቀነሰ የመጣው የገቢ ንግድ

በአገሪቱ የወጪና የገቢ ንግድ መካከል ያለው ሰፊ ልዩነት አሁንም እንደቀጠለ ቢሆንም፣ አገሪቱ ለገቢ ንግድ የምታውለው ወጪ ቅናሽ እያሳየ መሆኑ ተመለከተ፡፡ የአገሪቱን የወጪና ገቢ ንግድ ዓመታዊ ተከታታይ መረጃዎች እንደሚያሳዩት፣ በተለይ ባለፉት አሥር ዓመታት የገቢ ንግዱ በአማካይ ከ20 በመቶ እያደገ ቢሆንም፣ ካለፉት ሦስት ዓመታት ወዲህ አገሪቱ ለገቢ ንግድ የምታውለው የውጭ ምንዛሪ በተወሰነ ደረጃ እየቀነሰ ነው፡፡ ሰሞኑን ይፋ የሆነው የኢትዮጵያ ብሔራዊ የ2009 ዓመታዊ ሪፖርት ላይ እንደተጠቀሰውም፣ በ2009 በጀት ዓመት ለወጪ ንግድ የወጣው ወጪ ከቀደመው በ5.5 በመቶ ቀንሷል፡፡ 

ኮንትሮባንዲስቶች እነማን እንደሆኑ ለፓርላማው በግልጽ እንዲናገሩ የገቢዎችና ጉምሩክ ኃላፊዎች ተጠየቁ

የአገሪቱን ኢኮኖሚ ከመጉዳት ባለፈ የፖለቲካ ቀውስ እየፈጠሩ ናቸው የሚባሉ ‹‹ኮንትሮባንዲስቶች›› ማንነት በግልጽ ለፓርላማው እንዲቀርብ፣ የፓርላማው አባላት ከፍተኛ ጥረት ቢያደርጉም ሳይሳካላቸው ቀርቷል፡፡ የፓርላማው አባላት በከፍተኛ የመንግሥት አመራሮች ሳይቀሩ በአገሪቱ ለሚታየው የፖለቲካ ቀውስ ጣታቸውን የሚቀስሩት ‹‹ኮንትሮባንዲስት›› በተባሉ ማንነታቸው በማይታወቅ ኃይሎች ላይ ስለሆነ፣ የእነዚህን ማንነት ፓርላማው በግልጽ የማወቅ ኃላፊነት ያለበት በመሆኑ ማንነታቸው እንዲገለጽላቸው የገቢዎችና ጉምሩክ ባለሥልጣን አመራሮችን ጠይቀዋል፡፡

ውዥንብር የፈጠረው የቀረጥ ነፃ መመርያ

የገንዘብና ኢኮኖሚ ልማት ሚኒስቴር ታኅሳስ 6 ቀን 2010 ዓ.ም. አወጣ የተባለውና ለመንገደኞች የቀረጥ ነፃ መብት የሚሰጠው መመርያ ያልታሰበ ነበር ሊባል የሚችል ነው፡፡ ሹልክ ብሎ ዱብ ያለ የሚመስለው ይህ መመርያ፣ እውነት መሆኑን ለማመን ብዥታ ውስጥ  ገብተው ከነበሩት አንዱ ነኝ፡፡ ግን ትክክል መሆኑን አረጋግጠናል፡፡ መመርያው እንዲተገበር ከተፈለገበት ምክንያቶች አንዱ ‹‹ላልረባ ቀረጥ›› የመንገደኞችን ሻንጣ እየበረበሩ ላለመጉላላት የሚለው ነጥብ ጎልቶ ወጥቷል፡፡ የረባና ያልረባ ቀረጥ ብሎ ነገር ያለ ባይመስለኝም ስለመመርያው መውጣት በተገቢው መንገድ ሳንሰማ ከመመርያው ጋር ተያይዞ ተፈጠረ ስለተባለው ቀውስ ጎልቶ ሰማን፡፡