Skip to main content
x

ኢሕአዴግ ዓብይ አህመድን (ዶ/ር) ሦስተኛው ሊቀመንበር አድርጎ መረጠ

የኢትዮጵያ ሕዝቦች አብዮታዊ ዴሞክራሲያዊ ግንባር (ኢሕአዴግ) ምክር ቤት ከማክሰኞ መጋቢት 11 ቀን 2010 ዓ.ም. ጀምሮ ለአንድ ሳምንት ባደረገው ስብሰባ፣ የኦሮሞ ሕዝብ ዴሞክራሲያዊ ድርጅት (ኦሕዴድ) ሊቀመንበር ዓብይ አህመድን (ዶ/ር) የግንባሩ ሊቀመንበር አድርጎ መረጠ፡፡ ማክሰኞ መጋቢት 18 ቀን 2010 ዓ.ም. ከምሽቱ አምስት ሰዓት ከምክር ቤቱ የወጣው መግለጫ እንደሚያመለክተው፣ ዶ/ር ዓብይ በምክር ቤቱ በተደረገ ምርጫ ተመርጠዋል፡፡

ኢሕአዴግ ዓብይ አህመድን (ዶ/ር) ሦስተኛው ሊቀመንበር አድርጎ መረጠ

የኢትዮጵያ ሕዝቦች አብዮታዊ ዴሞክራሲያዊ ግንባር (ኢሕአዴግ) ምክር ቤት ከማክሰኞ መጋቢት 11 ቀን 2010 ዓ.ም. ጀምሮ ለአንድ ሳምንት ባደረገው ስብሰባ የኦሮሞ ሕዝብ ዴሞክራሲያዊ ድርጅት (ኦሕዴድ) ሊቀመንበር የሆኑትን ዓብይ አህመድን (ዶ/ር) የግንባሩ ሊቀመንበር አድርጎ መረጠ፡፡

ከአስቸኳይ ጊዜ አዋጁ በኋላ

​​​​​​​በመላ አገሪቱ ተግባራዊ የሚሆነውና ለስድስት ወራት የሚቆየው የአስቸኳይ ጊዜ አዋጁ ከታወጀ አንድ ወር ሊሞላው በጣት የሚቆጠሩ ቀናት ብቻ ናቸው የቀሩት፡፡ አዋጁ በሚኒስትሮች ምክር ቤት የካቲት 9 ቀን 2010 ዓ.ም. እንደታወጀና የካቲት 23 ቀን 2010 ዓ.ም. ደግሞ በሕዝብ ተወካዮች ምክር ቤት እንደፀደቀ ይታወሳል፡፡

ተተኪውን ጠቅላይ ሚኒስትር መቀበያ ዋዜማ ላይ

የኢሕአዴግ ብሔራዊ ድርጅቶች አዳዲስ ሊቃ መናብርትን በመምረጥ ስብሰባቸውን አጠናቀዋል፡፡ ሰሞኑን የደኢሕዴን ማዕከላዊ ኮሚቴ በአቶ ኃይለ ማርያም ደሳለኝ ምትክ አቶ ሽፈራው ሽጉጤን በመምረጥ ሊቀመንበር አድርጓል፡፡ የመከላከያ ሚኒስትሩ አቶ ሲራጅ ፈጌሳ ደግሞ ምክትል ሊቀመንበር አድርጎ መርጧል፡፡

ተተኪውን ጠቅላይ ሚኒስትር ፍለጋ

ጠቅላይ ሚኒስትር ኃይለ ማርያም ደሳለኝ ከኢትዮጵያ ሕዝቦች አብዮታዊ ዴሞክራሲ ግንባር (ኢሕአዴግ) ሊቀመንበርነትና ከአገሪቱ ጠቅላይ ሚኒስትርነት  ለመልቀቅ የካቲት 8 ቀን 2010 ዓ.ም. ጥያቄ ማቅረባቸው ይታወሳል፡፡ ይህን ጥያቄያቸውንም የኢሕአዴግና የደቡብ ኢትዮጵያ ሕዝቦች ዴሞክራሲያዊ ንቅናቄ (ደኢሕዴን) ሥራ አስፈጻሚ ኮሚቴዎች እንደተቀበሏቸው መናገራቸው አይዘነጋም፡፡

የኢሕአዴግ ብሔራዊ ድርጅቶች የጠቅላይ ሚኒስትሩን ተተኪ ለመሰየም እየተዘጋጁ ነው

በጠቅላይ ሚኒስትር ኃይለ ማርያም ደሳለኝ ምትክ የኢሕአዴግ ብሔራዊ ድርጅቶች ለግንባሩ ሊቀመንበርነት ለመወዳደር ሊቃነ መናብርትን ለመምረጥ ስብሰባ ተቀምጠው ከርመዋል፡፡ ኦሕዴድ በአስቸኳይ የማዕከላዊ ኮሚቴ ስብሰባ የአመራር ሽግሽግ ሲያደርግ፣ ብአዴን የነበሩትን አስቀጥሏል፡፡ ደኢሕዴን ግን አለየለትም፡፡ ሕወሓት ደግሞ ተተኪ እንደማያቀርብ በስፋት ተነግሯል፡፡ በኢሕአዴግ አሠራር መሠረት የግንባሩ ሊቀመንበር ተተኪ ጠቅላይ ሚኒስትር ይሆናል፡፡

የኢሕአዴግ ብሔራዊ ድርጅቶች ስብሰባና የሚጠበቁ ውሳኔዎች

ኢትዮጵያ አንድ መቶ ሚሊዮን ሕዝብ ያላት አገር እንደሆነች መረጃዎች ያመለክታሉ፡፡ በቆዳ ስፋትም ሆነ በሕዝብ ብዛት በግንባር ቀደምትነት ከሚጠሩ የአፍሪካ አገሮች መካከል አንዷ ነች፡፡ የአገሪቱ የሕዝብ ቁጥር ባለፉት 50 ዓመታት በእጥፍ እንዳደገ መረጃዎች ያመለክታሉ፡፡ የአገሪቱ የሕዝብ ቁጥር እያደገ ከመምጣቱ ጋር በተያያዘ የከፍተኛ ትምህርት ተቋማት ሲስፋፉና ሲገነቡ ይታያል፡፡ በዚህም ከቅርብ ጊዜ ወዲህ በዓመት በመቶ ሺሕ የሚቆጠሩ ወጣቶች ከከፍተኛ ትምህርት እንደሚመረቁ ከትምህርት ሚኒስቴር የተገኘ መረጃ ያመለክታል፡፡ መንግሥት በየዓመቱ በመቶ ሺሕ የሚቆጠሩ ዜጎችን እያስመረቀ ቢገኝም፣ ተመርቀው በግላቸውም ሆነ በመንግሥት መሥሪያ ቤቶች ተቀጥረው ወደ ሥራ የሚገቡ ወጣቶች ቁጥር እጅግ አነስተኛ ነው፡፡ አገሪቱም ካላት የሕዝብ ቁጥር ጋር የሚመጣጠን የኢኮኖሚ ዕድገት እያስመዘገበች እንዳልሆነ ይነገራል፡፡

የኦሕዴድ ሥራ አስፈጻሚ ኮሚቴ የዶ/ር ነጋሶን የሕክምና ወጪ ለመሸፈን ወሰነ

የቀድሞው የኢፌዴሪ ፕሬዚዳንት የነበሩት ነጋሶ ጊዳዳ (ዶ/ር)፣ የኦሮሞ ሕዝብ ዴሞክራሲያዊ ድርጅት (ኦሕዴድ) በአገር ውስጥም ሆነ ከአገር ውጭ የሕክምና ወጪያቸውን ሲሸፍንላቸውና መኪና ሊገዛላቸው እንደሆነ ለሪፖርተር ገለጹ፡፡ ‹‹የድርጅቱ ሥራ አስፈጻሚ ኮሚቴ ድጋፍ እንዲሆነኝ የተወሰነ ገንዘብ ሰጥቶኛል፡፡ በተረፈ መኪና ይገዛልሀል ተብዬ እርሱን እየጠበቅኩ ሲሆን፣ የሕክምና ወጪዬን በተመለከተ ደግሞ በምፈልግበት ጊዜ በአገር ውስጥም ሆነ ከአገር ውጭ ወጪው እንደሚሽፈን ተገልጾልኛል፤›› ብለዋል፡፡

በሕወሓት ውስጥ ለተፈጠሩ ችግሮች ሚና የነበራቸው አመራሮች ኃላፊነት እንደሚወስዱ ተገለጸ

ከጥር 3 ቀን 2010 ዓ.ም. ጀምሮ በመቀሌ ከተማ በመካሄድ ላይ በሚገኘው የሕዝባዊ ወያኔ ሓርነት ትግራይ (ሕወሓት) የከፍተኛ አመራሮች ኮንፈረንስ፣ በማዕከላዊ ኮሚቴው ግምገማ ወቅት እንደተደረገው ሁሉ እስከ ታችኛው ድረስ ባሉ የድርጅቱ መዋቅሮች ውስጥ ለተፈጠሩ ችግሮች ሚና የነበራቸው አመራሮች ኃላፊነት እንደሚወስዱ፣ የሕወሓት ሥራ አስፈጻሚ ኮሚቴ አባል አቶ ጌታቸው ረዳ ለሪፖርተር ገለጹ።

የሕወሓት ከፍተኛ አመራሮች ኮንፈረንስ እየተካሄደ ነው

ሰባተኛው የሕዝባዊ ወያኔ ሓርነት ትግራይ (ሕወሓት) ከፍተኛ አመራሮች ድርጅታዊ ኮንፈረንስ በመቐለ ከተማ እየተካሄደ ነው፡፡ በድርጅቱ ማዕከላዊ ኮሚቴ የተወሰኑ ውሳኔዎችን እስከ ታችኛው መዋቅር ድረስ ለማስረፅ የሚረዳ አቅጣጫ የሚቀመጥበት እንደሆነ ተጠቁሟል።