Skip to main content
x

የነዳጅ ኩባንያዎች ተስፋ አስቆራጭ ሁኔታ ውስጥ መግባታቸውን አስታወቁ

በነዳጅ ማከፋፈል ሥራ የተሰማሩ ኩባንያዎች ለሚሰጡት አገልግሎት የሚከፈላቸው የትርፍ ህዳግ በጣም አነስተኛ መሆን፣ ለዘርፉ መቀጨጭ ትልቅ አስተዋጽኦ ማድረጉን አስታወቁ፡፡ ቅዳሜ ሚያዝያ 27 ቀን 2010 ዓ.ም. በኢሊሊ ሆቴል የኢትዮጵያ ነዳጅ አቅራቢ ድርጅት የዘጠኝ ወራት ዕቅድ አፈጻጸሙን ከባለድርሻ አካላት ጋር ለመገምገም ባሰናዳው የምክክር መድረክ ላይ፣ የነዳጅ ኩባንያዎች ኃላፊዎች በተለያዩ ጊዜያት መንግሥት ለነዳጅ ኩባንያዎች የፈቀደው የትርፍ ህዳግ በጣም አነስተኛ መሆኑን በመግለጽ እንዲስተካከል በተደጋጋሚ ጥያቄ ቢያቀርቡም፣ ዕርምጃ ባለመወሰዱ ተስፋ አስቆራጭ ሁኔታ ውስጥ መግባታቸውን ገልጸዋል፡፡

በመንግሥትና በነዳጅ አቅራቢዎች መካከል አዲስ አለመግባባት ተፈጠረ

አራቱ ትልልቅ የነዳጅ አቅራቢ ድርጅቶች ኖክ፣ የተባበሩት፣ ቶታልና ኦይል ሊቢያ የኢትዮጵያ የነዳጅ አቅራቢ ድርጅት ያቀረበላቸውን አዲስ ውል አንቀበልም ማለታቸውን ምንጮች ገለጹ፡፡ በመንግሥታዊ ነዳጅ ድርጅትና በግል ነዳጅ አቅራቢዎች መካከል አዲስ አለመግባባት ተፈጥሯል፡፡

ጎመጁ ኦይል የፔትሮናስ ምርቶች ለማከፋፈል ስምምነት ፈረመ

ጎመጁ ኦይል ኢትዮጵያ የተሰኘው አገር በቀል የነዳጅ ኩባንያ ፔትሮናስ የተባለ ታዋቂ ዓለም አቀፍ የነዳጅ ኩባንያ በኢትዮጵያ ብቸኛ ወኪል በመሆን፣ የፔትሮናስ ቅባትና የሞተር ዘይቶችን ለማከፋፈል የሚያስችለውን ስምምነት ተፈራረመ፡፡

አሽከርካሪዎች ሥጋት ስለገባቸው ኮማንድ ፖስቱ ነዳጅ ማመላለሻ ተሽከርካሪዎችን አጀበ

ከማክሰኞ መጋቢት 4 ቀን 2010 ዓ.ም. ጀምሮ የነዳጅ ማመላለሻ ተሽከርካሪዎች ከጉዞአቸው እንዲስተጓጎሉ ጥሪ ተላልፏል ተብሎ በማኅበራዊ ሚዲያ በተናፈሰው ወሬ ጭንቀት የገባቸው አሽከርካሪዎች በመኖራቸው፣ በኮማንድ ፖስት የሚመራው የፀጥታ ኃይል ተሽከርካሪዎችን በማጀብ ወደ አዲስ አበባ ሸኝቷል፡፡

የአሜሪካ ኩባንያዎች የተፈጥሮ ጋዝን ወደ ድፍድፍ ነዳጅ የሚቀይር ፋብሪካ ለማቋቋም ጥያቄ አቀረቡ

ግሪንኮም እና ኢኖቬቲቭ ክሊር ቾይስ ቴክኖሎጂስ (ICCT) የተባሉ ሁለት የአሜሪካ ኩባንያዎች፣ የተፈጥሮ ጋዝን ወደ ሰው ሠራሽ ድፍድፍ ነዳጅ የሚለውጥ ፋብሪካ ኢትዮጵያ ውስጥ ለማቋቋም ጥያቄ አቀረቡ፡፡

ከቱርክ ኩባንያ ከ12.8 ሚሊዮን ብር በላይ የሚያወጣ ነዳጅ ለግል ጥቅማቸው አውለዋል የተባሉ ሾፌሮች ተከሰሱ

በባቡር መስመር (ሐዲድ) ግንባታ ታዋቂ የሆነው የቱርኩ ያፒ ማርኬዚ ኢኒሼቲቭ ኩባንያ በኢትዮጵያ ቅርንጫፍ መሥሪያ ቤቱ በሾፌርነት የተቀጠሩ 32 ግለሰቦች፣ ከ12.8 ሚሊዮን ብር በላይ የሚገመት ነዳጅ ለግል ጥቅማቸው አውለዋል ተብለው ክስ ተመሠረተባቸው፡፡

ለነዳጅ ታሪፍ ጭማሪ የዘገየው የመንግሥት ምላሽ አንድምታ

የነዳጅ ትርፍ ህዳግ (ታሪፍ) ለዓመታት ባለመስተካከሉና የዘርፉ ቢሮክራሲ ከመቃናት ይልቅ እየተወሳሰበ በመቀጠሉ፣ በርካታ የነዳጅ ማመላለሻ ትራንስፖርት ባለቤቶች እንዲሁም የነዳጅ ማደያ ባለቤቶች ሥራ ማቆምን አማራጭ አድርገው ማሰብ ጀምረዋል፡፡ ነዳጅ ለኢትዮጵያ ዋነኛው ስትራቴጂክ ሸቀጥ ቢሆንም፣ መንግሥት ለዘርፉ ትኩረት በመንፈጉ የነዳጅ ዘርፍ ነጋዴዎች ለኪሳራ በመዳረጋቸው ኪሳራውን መሸከም የማይችሉበት ደረጃ ላይ መድረሳቸውን አበክረው እያሳወቁ ነው፡፡ በመንግሥት ቸልተኝነት እያዘኑ ከሚገኙ ዋነኛ የነዳጅ ዘርፍ ተዋናዮች መካከል አቶ ፀጋ አሳመረ ይገኙበታል፡፡ የ77 ዓመት ዕድሜ ባለፀጋው አቶ ፀጋ፣ በኢትዮጵያ የነዳጅ ማመላለሻ ትራንስፖርት፣ በነዳጅ ማደያ ዘርፍ እንዲሁም በነዳጅ ማከፋፈል ዘርፍ ውስጥ ለ56 ዓመታት ጉልህ ሥፍራ ይዘው ቆይተዋል፡፡

በአራት ቢሊዮን ዶላር የነዳጅ ማጣሪያ ለመገንባት ታስቧል

ተቀማጭነቱ በአሜሪካ የሆነው የኢንቨስትመንት ኩባንያ ፌርፋክስ አፍሪካ ፈንድ ከተለያዩ የእስያ ኩባንያዎች ጋር በመተባበር፣ ኢትዮጵያ ውስጥ በአራት ቢሊዮን ዶላር ወጪ የነዳጅ ማጣሪያ ለመገንባት በመንቀሳቀስ ላይ እንደሆነ ታወቀ፡፡

በነዳጅ ችርቻሮ ንግድ ላይ ለመሰማራት አራት ኩባንያዎች ፈቃድ ወሰዱ

በአገሪቱ የነዳጅ ችርቻሮ ንግድ ላይ የሚሰማሩ ኩባንያዎችን ቁጥር ወደ 22 የሚያሳድጉ አራት አዳዲስ አገር በቀል የነዳጅ ኩባንያዎች፣ ወደ ገበያ ሊያስገባቸው የሚችል ፈቃድ መውሰዳቸው ተገለጸ፡፡ በተመሳሳይ ሥራ ለመሰማራት የሚፈልጉ ሌሎች ኩባንያዎች ጥያቄ እያቀረቡ ነው፡፡