Skip to main content
x

የእግር ኳስ ፌዴሬሽን ምርጫ እንደገና ተራዘመ

ጥር 5 ቀን 2010 ዓ.ም. በአፋር ሰመራ ሊካሄድ ታቅዶ የነበረው የኢትዮጵያ እግር ኳስ ፌዴሬሽን የሥራ አስፈጻሚና የፕሬዚዳንት ምርጫ በድጋሚ ለአንድ ወር ተራዘመ፡፡

ምርጫው የተራዘመው ፊፋ በምርጫው ሒደት ላይ እየተነሱ ያሉ ቅሬታዎች ሳይፈቱና መግባባት ላይ ሳይደረስ ምርጫው እንዳይካሄድ ትዕዛዝ በማስተላለፉ መሆኑ ታውቋል፡፡

ካሁን ቀደም በአውሮፓውያን የገና በዓልና በምርጫው ላይ የሚሳተፉ ዕጩዎች ተሳትፎ ላይ በተነሳ ቅሬታ ምክንያት ምርጫው ስለተራዘመ ሳይካሄድ መቅረቱ ይታወሳል፡፡

ከመርሕ ይልቅ መጯጯህን የመረጠው የፌዴሬሽኑ አስመራጭ ኮሚቴ

የኢትዮጵያ እግር ኳስ ፌዴሬሽን ታኅሣሥ 16 ቀን 2010 ዓ.ም. በአፋር ሰመራ የብሔራዊ ፌዴሬሽኑን የቀጣይ አራት ዓመት አመራር ለመምረጥ በዝግጅት ላይ ይገኛል፡፡ የፌዴሬሽኑን የምርጫ ሒደትና የዕጩ ተወዳዳሪዎችን ግለ ታሪክ መርምሮ እንዲያቀርብ ኃላፊነት የተጣለበት አስመራጭ ኮሚቴው፣ የነቀፌታ አስተያየት ከሚሰነዘርበት አንዱ በመርሕ ከመመራት ይልቅ በቡድንተኝነት ትርምስ ውስጥ መገኘቱ ነው፡፡ ይህም በመሆኑ ምርጫው በተያዘለት ጊዜ ሰሌዳ ለመከናወኑ ጥርጣሬ ማሳደሩ አልቀረም፡፡

የግለሰቦች ፍላጎት የሚያምሰው የኢትዮጵያ እግር ኳስ

ፊፋ (ዓለም አቀፍ የእግር ኳስ ፌዴሬሽኖች ማኅበር) ለኢትዮጵያ እግር ኳስ ፌዴሬሽን ባሳሰበው መሠረት የፌዴሬሽኑ ፕሬዚዳንታዊ ምርጫ ከመከናወኑ አስቀድሞ የአስመራጭ ኮሚቴ ምርጫ ተደርጓል፡፡ ብሔራዊ ፌዴሬሽኑ አስመራጭ ኮሚቴውን ለመምረጥ ሐሙስ ኅዳር 14 ቀን 2010 ዓ.ም. በኢንተርኮንቲኔንታል ሆቴል በጠራው አስቸኳይ ጠቅላላ ጉባዔ የአስመራጭ ኮሚቴውን ማንነትም ይፋ አድርጓል፡፡

የእግር ኳሱ ፖለቲካዊ ጡዘትና ዕጣ ፈንታው

የኢትዮጵያ እግር ኳስ ፌዴሬሽን አሥረኛ መደበኛ ጠቅላላ ጉባዔ ጥቅምት 30 እና ኅዳር 1 ቀን 2010 ዓ.ም. በኢንተርኮንቲኔንታል ሆቴል አከናውኗል፡፡ ከስፖርታዊ ባህሪው ይልቅ ክልላዊ በሚመስል የፖለቲካ ጡዘት ለሁለት ቀን ትርጉም አልባ ውይይት አድርጎ መጠናቀቁ በተነገረለት በዚሁ ጉባዔ፣ ዋነኛ አጀንዳ የነበረው የአስመራጭ ኮሚቴ ሳይሰየም መቅረቱ ሰሞነኛ ጉዳይ ሆኖ ብቅ ብሏል፡፡

‹‹የእግር ኳሱ ሥርዓትና አካሄድ ለብልጣ ብልጦችና ለሕገወጥ ደላሎች መበልፀጊያ የተመቸ ሆኗል››

አቶ አስናቀ ደምሴ፣ የአዲስ አበባ እግር ኳስ አሠልጣኞች ማኅበር የሕግ አገልግሎት ኃላፊ ይህ ወቅት ለኢትዮጵያ እግር ኳስ በብዙ መልኩ ከአዎንታዊ ይልቅ አሉታዊ ጎኑ ጎልቶ የሚነገርበት ነው ቢባል ማጋነን አይሆንም፡፡ ምክንያቱ ደግሞ የዓለም አቀፉ እግር ኳስ ማኅበር (ፊፋ)፣ በወርኃዊ የአገሮች የእግር ኳስ ደረጃ ኢትዮጵያ በከፍተኛ  ደረጃ ውጤቷ ማሽቆልቆሉ ይጠቀሳል፡፡