Skip to main content
x

የኢትዮጵያ ብሔራዊ ቡድን በፊፋ የአገሮች ደረጃ በነበረበት ቆሟል

የዓለም አቀፍ እግር ኳስ ማኅበር (ፊፋ) በየወሩ የሚያወጣው የኮካኮላ የአገሮች የእግር ኳስ ደረጃ ይፋ አድርጓል፡፡ የኢትዮጵያ ብሔራዊ ቡድን (ዋሊያዎች) ከነበረበት አንድ ደረጃ ቀንሶ 146ኛ ሆኗል፡፡ የውጤትም ሆነ የአሰልጣኝ ቆሌ የራቀው የኢትዮጵያ ብሔራዊ ቡድን፣ ከመደበኛው አህጉራዊና ዓለም አቀፍ ውድድሮች ብቻ ሳይሆን፣ ነጥብ ሊያስገኝ ከሚችል የወዳጅነት ጨዋታ ከራቀ ወራትን አስቆጥሯል፡፡ ቡድኑ የብሔራዊ ቡድን አሰልጣኝ ከሌላቸው ጥቂት የዓለም አገሮችም አንዱ ሆኗል፡፡

የእግር ኳሱ ጉባዔ ስያሜውን የሚመጥን ውሳኔ እንዲያሳልፍ ተጠየቀ

የኢትዮጵያ እግር ኳስ ፌዴሬሽን ከዓለም አቀፍ እግር ኳስ ፌዴሬሽኖች ማኅበር (ፊፋ) የተላከውን የምርጫ ሕግ ለማፅደቅ ለቅዳሜ ሚያዝያ 27 ቀን 2010 ዓ.ም. በካፒታል ሆቴል ጠቅላላ ጉባዔውን ጠርቷል፡፡ ከዚህ በተጨማሪም ጠቅላላ ጉባዔው ፊፋ ባስተላለፈው ትዕዛዝ መሠረት ቀጣዩን የፌዴሬሽኑን ፕሬዚዳንታዊና የሥራ አስፈጻሚ ኮሚቴ ለመምረጥ የሚያስችለውን አዲስ አስመራጭ ኮሚቴ እንደሚሰየም ይጠበቃል፡፡

የአዲሱ አስመራጭ ኮሚቴ ምርጫና ከጉባዔው የሚጠበቀው

የኢትዮጵያ እግር ኳስ ፌዴሬሽን ቀጣይ አመራርን ለመምረጥ እየተደረገ የነበረው የተንዛዛ አካሄድ ምንም እንኳ የዓለም አቀፍ እግር ኳስ ማኅበር (ፊፋ) መፍትሔ ያለውን የውሳኔ ሐሳብ ቢያሳልፍም፣ አሁንም መቋጫውን አላገኘም፡፡ በተለያዩ ግለሰባዊ ፍላጎቶች ፍትጊያዎችን ያስተናገደው ይህ ምርጫ ከበርካታ ባለሙያዎችና አስተያየት ሰጪዎች የሰላ ትችት ሲያስተናግድ ከርሟል፡፡

ፊፋ የእግር ኳስ ፌዴሬሽን አዲስ አስመራጭ ኮሚቴ እንዲመረጥ አዘዘ

ዓለም አቀፉ የእግር ኳስ አካል ፊፋ ለኢትዮጵያ እግር ኳስ ፌዴሬሽን በጻፈው ደብዳቤ የፕሬዚዳንትና የሥራ አስፈጻሚ አባላት ምርጫን የሚያስፈጽም አዲስ አስመራጭ ኮሚቴ እንደገና እንዲያዋቅር ትዕዛዝ አስተላለፈ፡፡

ፊፋ በፌዴሬሽኑ የፕሬዚዳንትና የሥራ አስፈጻሚ ኮሚቴ አባላት ምርጫ ላይ የነበረውን ውዝግብ ለመፍታት ውሳኔ እንደሚያተላለፍ ከሳምንታት በፊት ማስታወቁ ይታወሳል፡፡

ፊፋ በደብዳቤው አዲሱ የአስመራጭ ኮሚቴ የፕሬዚዳንትና የሥራ አስፈጻሚ ዕጩ ተወዳዳሪዎችን ልየታ እንደገና እንዲሠራና ወደ ምርጫ ሒደት እንዲገባም ትዕዛዝ ሰጥቷል፡፡

የፊፋ መልዕክተኞችና ትዝብት ውስጥ የገባው የእግር ኳሱ ምርጫ

​​​​​​​ከሰሞኑ የዓለም አቀፍ እግር ኳስ ማኅበር (ፊፋ) ተወካዮች በአዲስ አበባ ቆይታ አድርገው፣ የአገሪቱን የስፖርት አመራሮችና ዕጩ ተወዳዳሪዎችን አነጋግረው ተመልሰዋል፡፡ ተወካዮቹ የብሔራዊ ፌዴሬሽኑን ቀጣይ አመራሮች ለመምረጥ በነበረው ሒደት ሲከናወን የቆየውንና ያለውን ሽኩቻ ተከትሎ ለማጣራት ወደ ኢትዮጵያ እንደሚመጣ ከተነገረ ሰነባብቷል፡፡

126 ሺሕ ኪሎ ሜትር የሚጓዘው የዓለም ዋንጫ የካቲት 17 አዲስ አበባ ይገባል

ብዙዎች የሚመኙት፣ ነገር ግን ጥቂቶች በአራት ዓመት አንድ ጊዜ የሚታደሙበት የዓለም ዋንጫ ዝግጅት በብዙ ውጣ ውረድ የአዘጋጅነቱን ዕድል ባገኘችው ሩሲያ በመጪው ክረምት ይካሄዳል፡፡ በእግር ኳሱ 32 የዓለም ኃያላን የሚፎካከሩበት የዓለም ዋንጫ፣ ከዚያ በፊት ከ50 በላይ አገሮች እንዲጎበኝ በተያዘለት ፕሮግራም መሠረት ቅዳሜ የካቲት 17 ቀን 2010 ዓ.ም. ወደ ኢትዮጵያ ይመጣል፡፡ የዓለም አቀፍ እግር ኳስ ማኅበር (ፊፋ) ከኮካ ኮላ ኩባንያ ጋር በመተባበር ያዘጋጀው የዓለም ዋንጫ ጉብኝት፣ በአፍሪካ ኢትዮጵያን ጨምሮ ለአሥር አገሮች የጉብኝት ፕሮግራም ተይዞለታል፡፡ የአዘጋጇ ሩሲያ 35 ከተሞችን ጨምሮ ከ50 በላይ በተመረጡ የዓለም አገሮች ይንቀሳቀሳል ተብሏል፡፡

ፊፋ የአስመራጭ ኮሚቴውን ክስ ውድቅ አደረገው

የዓለም አቀፍ እግር ኳስ ማኅበር (ፊፋ)፣ የኢትዮጵያ እግር ኳስ ፌዴሬሽን ያላፀደቀው የፊፋ የምርጫ ሕግ ተግባራዊ ሊሆን እንደማይችል በማረጋገጥ፣ የብሔራዊ ፌዴሬሽን አስመራጭ ኮሚቴ ሰብሳቢ ያቀረቡለትን አቤቱታ ውድቅ ማድረጉ ጥር 23 ቀን 2010 ዓ.ም. ለፌዴሬሽኑ በጻፈው ደብዳቤ አሳውቋል፡፡ ምርጫውንም ፌዴሬሽኑ በራሱ ደንብ እንዲያከናውን አሳስቧል፡፡

ፊፋ ለ22 ኢትዮጵያውያን ለኢንተርናሽናል ዳኝነት ዕውቅና ሰጠ

የዓለም አቀፍ እግር ኳስ ማኅበር (ፊፋ) ለ22 ኢትዮጵያውያን የእግር ኳስ ዳኞችና ረዳቶች የኢንተርናሽናል ዳኝነት ዕውቅና ሰጠ፡፡ በሌላ በኩል በመጪው ክረምት በሩሲያ አስተናጋጅነት የሚካሄደውን የ2018 የዓለም ዋንጫ እንዲዳኙ በዕጩነት ከተመረጡ ስድስት አፍሪካውያን አንዱ በመሆን የተመረጠው ባምላክ ተሰማ፣ በውድድር ዓመቱ በምርጥ ብቃታቸው ከታጩ የመጀመርያው በመሆን መመረጡ ታውቋል፡፡

ያልተቋጨው የኢትዮጵያ እግር ኳስ ፌዴሬሽን ጉባዔ

ምርጫው ከ45 ቀን በኋላ በአፋር ይከናወናል የኢትዮጵያ እግር ኳስ ፌዴሬሽን አሥረኛ መደበኛ ጉባዔ ላይ ጥላውን ያጠላው የዓለም አቀፍ እግር ኳስ ማኀበር (ፊፋ) ማስጠንቀቂያ፣ ለወትሮውም ግራ የተጋባውን ጉባዔተኛ ይብሱኑ ሲያዘበራርቀው ታይቷል፡፡ ጉባዔውን ለመታዘብ የመጡት የፊፋው ተወካይ ራሳቸው ግራ ተጋብተው የአስመራጭ ኮሚቴውን ማንነት ለማወቅ ሲጠይቁ ታይተዋል፡፡