Skip to main content
x

ሆሎካስትን በሰባት አገር ፊልሞች

አዲስ ቪዲዮ አርት ኢትዮጵያን ጨምሮ ከተለያዩ አገሮች የተውጣጡ የቪዲዮ ሥነ ጥበብ ውጤቶች የተካተቱበት ፌስቲቫል ሲሆን፣ በቅርቡ የፌስቲቫሉ ሁለተኛ ዙር ተካሂዷል፡፡ በአየር ንብረት ለውጥ፣ በስደትና በሌሎችም ወቅታዊ ጉዳዮች ዙሪያ የሚያጠነጥኑ የቪዲዮ ሥነ ጥበብ ውጤቶችም ቀርበዋል፡፡ ከነዚህ ሥራዎች መካከል፣ በሁለተኛው የዓለም ጦርነት ወቅት የናዚ ጀርመኑ አዶልፍ ሒትለር ወደ ስድስት ሚሊዮን አይሁዳውያንን ያስጨፈጨፈበትን ሆሎካስት በመባል የሚታወቀውን ወቅት የተመረኮዙ የቪዲዮ ሥራ ጥበቦች ይገኙበታል፡፡

እውንነት አስመሳዩ ጥበብ

በጎተ ኢንስቲትዩት አዳራሽ ውስጥ በተሽከርካሪ ወንበር የተቀመጡ ወጣቶች ይታያሉ፡፡ ሁሉም ጆሯቸው ላይ ሔድፎን፣ ዓይናቸው ላይ የቨርችዋል ሪያሊቲ መነፅር አድርገዋል፡፡ በመነፅሩ የሚመለከቱት ፊልም የፈጠረባቸውን ስሜት ከሰውነታቸው እንቅስቃሴ መረዳት ይቻላል፡፡ በፊልሙ አስጨናቂ ነገር ሲያዩ በእውን የሆነ ያህል ስለሚሰማቸው መነፅሩን ለማውለቅ ይቃጣቸዋል፡፡ በፊልሙ አስገራሚ ትዕይንት ሲመለከቱ፣ የሚያዩትን ለማጣጣም ወንበሩን በተለያየ አቅጣጫ ያሽከረክራሉ፡፡

በታሪክ ነገራ ላይ ያተኮረው የፊልም ፌስቲቫል

የኢትዮጵያ ብሔራዊ ቴአትር 12ኛውን የኢትዮጵያ ኢንተርናሽናል ፊልም ፌስቲቫል (ኢትዮ ፌስት) መክፈቻ ለማስተናገድ መዘጋጀቱን ከሩቅ የሚታዩት ባነሮች ይናገራሉ፡፡ ‹‹ሳንኮፋ፣ የታሪክ አተራረክ ጥበብ›› በሚል የሚከናወነውን ፌስቲቫል የሚያስተዋውቁ ፖስተሮች በብሔራዊ አካባቢ በሚገኙ ምሰሶዎች ላይም ተለጥፈዋል፡፡ ከታኅሣሥ 16 ቀን 2010 ዓ.ም. ጀምሮ ለሰባት ቀናት የሚቆየው ፌስቲቫሉ በብሔራዊ ቴአትር የተከፈተው አመሻሽ ላይ ነበር፡፡