Skip to main content
x

ችላ የተባለው የካፒታል ገበያ

እ.ኤ.አ. ግንቦት 18 ቀን 2012 ላይ በዓለም ትልቁ የኢንፎርሜሽን ቴክኖሎጂ ኩባንያ ፌስቡክ የአክሲዮን ገበያውን ለመጀመርያ ጊዜ መቀላቀሉ ይፋ ተደረገ፡፡ እርግጥ ነው ፌስቡክ ከዚያ በፊት የኩባንያውን አክሲዮን መሸጡ አልቀረም፡፡ የኩባንያው ትልቁ ድርሻ ያለውና የፌስቡክ መሥራች ማርክ ዙከርበርግ እ.ኤ.አ. ከ2012 በፊትም ቢሆን እንደ ጎግል ላሉ ኩባንያዎች የተገደበ የአክሲዮን ሽያጭ ሲያደርግ ቆይቷል፡፡ ነገር ግን 2012 ላይ ፌስቡክ በተወሰኑ ባለአክሲዮኖች ባለቤትነት ሥር መቆየት እንደማይችል፣ ይህም በተገደበ ሁኔታ እየሸጠ የቆየው አክሲዮን ከ500 ባለአክሲዮኖች በላይ ሊያስጨምረው እንደማይችል በመረዳቱ ነበር፡፡ የአሜሪካን ሴኩሪቲስ ኤንድ ኤክስቼንጅ ኤጀንሲ ባወጣው መመርያ መሠረት ፌስቡክ አክሲዮኑን ለሕዝብ ክፍት ማድረግ ያለበት ደረጃ ላይ ደርሶም ነበር፡፡