Skip to main content
x

67ኛው የኮሪያ ዘማቾች መታሰቢያ

በኢትዮጵያ ኮሪያ ዘማቾች ማኅበር ፓርክ ከስድስት አሥርተ ዓመታት በፊት በኮሪያ ልሳነ ምድር ለተሰዉ ጀግኖች በቆመው መታሰቢያ ሐውልት ዙሪያ፣ የኢትዮጵያን ጨምሮ የ11 አገሮች ሰንደቅ ዓላማዎች ሲውለበለቡ ነበር ያረፈዱት፡፡ በሐውልቱ ፊት ለፊት በኢትዮጵያ የሚገኙና በኮሪያ ዘመቻ የተሳተፉት የተለያዩ አገሮች አምባሳደሮችና ሚሊታሪ አታሺዎች፣ እንዲሁም የኢትዮጵያ ከፍተኛ የጦር መኮንኖችና የመከላከያ ሚኒስቴር ተወካይ ተገኝተዋል፡፡

‹‹የአስቸኳይ ጊዜ አዋጁን የመቃወምም ሆነ የመደገፍ ጉዳይ የኢትዮጵያዊያን ብቻ ነው››

በመላ አገሪቱ ለስድስት ወራት የተጣለውን የአስቸኳይ ጊዜ አዋጁን የመቃወምም ሆነ የመደገፍ ጉዳይ የኢትዮጵያዊያን እንደሆነ ተገለጸ፡፡ የውጭ ጉዳይ ሚኒስቴር ቃል አቀባይ አቶ መለስ ዓለም ሐሙስ የካቲት 22 ቀን 2010 ዓ.ም. ጋዜጣዊ መግለጫ ሲሰጡ እንደተናገሩት፣ የአስቸኳይ ጊዜ አዋጁን የመደገፍም ሆነ የመቃወም ጉዳይ የኢትዮጵያዊያን ብቻ ነው፡፡

በወልዲያ ከተማ በተቀሰቀሰው ግጭት የሰባት ሰዎች ሕይወት አለፈ

በወልዲያ ከተማ ቅዳሜ ጥር 12 ቀን 2010 ዓ.ም. ታቦት አጅበው ሲሄዱ በነበሩ ወጣቶችና በወቅቱ በሥምሪት ላይ በነበሩ የፀጥታ ኃይሎች መካከል በተቀሰቀሰ ግጭት፣ የሰባት ሰዎች ሕይወት አለፈ፡፡ ተከስቶ በነበረው ግጭት ከሰባት ሰዎች ሕይወት ሕልፈት በተጨማሪ፣ የከተማዋን ከንቲባ መኖሪያ ቤት ጨምሮ የተለያዩ የንግድ ተቋማት በእሳት መውደማቸው ሲረጋገጥ፣ በግጭቱ ምክንያት የአንድ የፀጥታ አባልና የስድስት ግለሰቦች ሕይወት መጥፋቱም ታውቋል፡፡

ቦታውን እያስረከበ የመጣው የኢትዮጵያ ኢኮኖሚ ከባለሁለት አኃዝ ዕድገት ተራርቋል 

ተሰናባቹ የምዕራባውያኑ 2017 በርካታ ክስተቶችን አስተናግዷል፡፡ በኢትዮጵያ ኢኮኖሚ ውስጥ በግዙፉ ከሚጠቀሱ ክስተቶች መካከል መንግሥት የወሰደው የ15 በመቶ የምንዛሪ ለውጥ አንዱ ነው፡፡ አገሪቱ በኢኮኖሚ ረገድ ከምሥራቅ አፍሪካ ግዙፍ በመሆን ኬንያን ስለመብለጧም ይፋ የተደረገው በተካተተው ዓመት ነበር፡፡ የዓለም ኢኮኖሚክ ፎረም ያወጣው ሪፖርትም ኢትዮጵያ ያስመዘገበችው የ8.3 በመቶ ዕድገት በዓለም ትልቁ በመሆኑ ቀዳሚነቱን ይዞ እንደነበር ማስነበቡ ይታወሳል፡፡

አምባሳደር ወይንሸት ታደሰ የሹመት ደብዳቤያቸውን ለአፍሪካ ኅብረት አቀረቡ

በቅርቡ በአፍሪካ ኅብረትና በተባበሩት መንግሥታት የአፍሪካ ኢኮኖሚክ ኮሚሽን (UNECA) ባለሙሉ ሥልጣን አምባሳደር ሆነው የተሾሙት አምባሳደር ወይንሸት ታደሰ፣ የሹመት ደብዳቤያቸውን ለአፍሪካ ኅብረት ኮሚሽን ሊቀመንበር አቀረቡ። በባለብዙ ወገን የዲፕሎማሲ ዘርፍ የረጅም ዓመታት ልምድ ያካበቱት አምባሳደር ወይንሸት የሹመት ደብዳቤያቸውን ለኅብረቱ ኮሚሽን ሙሳ ፋኪ ማሃመት ባለፈው ሳምንት መጨረሻ ላይ ማቅረባቸውን፣ ከውጭ ጉዳይ ሚኒስቴር ቃል አቀባይ ጽሕፈት ቤት የተገኘው መረጃ ያመለክታል።