Skip to main content
x

የእንግሊዝ ኩባንያ ለማዳበሪያና ባዮጋዝ ማምረቻ የሚውሉት የፕላስቲክ ምርቶችን ይፋ አደረገ

ቢዩታል ፕሮዳክስት ግሩፕ የተሰኘው የእንግሊዝ ኩባንያ፣ ከእንስሳትና ከሰው ብሎም ከሚጣሉ ቆሻሻዎች የተፈጥሮ ማዳበሪያና ባዮጋዝ ማምረት የሚያስችል ምርትን ጨምሮ እስከ 1.6 ሚሊዮን ሊትር ውኃ ማጠራቀም የሚችሉ የፕላስቲክ ታንከሮችን ለኢትዮጵያ ገበያ ማቅረብ መጀመሩን አስታውቋል፡፡ እንደ አኳታብስ ያሉትን የውኃ ማጣሪያ ምርቶች በማስመጣት ለአገር ውስጥ የሚያቀርበው ሲትረስ ኢንተርናሽናል ትሬዲንግ ኩባንያ ጋር በመሆን ምርቶቹን ለኢትዮጵያ ገበያ ማቅረብ የጀመረው ቢዩታል ግሩፕ፣ ‹‹ፍሌክሲጄስተር ቪ80›› የሚል መጠሪያ የሰጠውን ምርት በማምረት ለገበያ ማቅረቡን ጥር 16 ቀን 2010 ዓ.ም. በተካሄደ ሥነ ሥርዓት ወቅት ያስታወቁት የኩባንያው የሽያጭ ዳይሬክተር ክሬግ ቦል ናቸው፡፡