Skip to main content
x

መንፈቀ ዓመቱን በ38 ሚሊዮን ዶላር ገቢ ያጠናቀቀው የቁም እንስሳት የወጪ ንግድ ዘርፍ የዕቅዱን 17 በመቶ ፈጽሟል

በሳምንቱ መጀመርያ ሰሞን፣ የሕዝብ ተወካዮች ምክር ቤት ካዳመጣቸው የአፈጻጸም ሪፖርቶች መካከል፣ የእንስሳትና ዓሳ ሀብት ሚኒስቴር ያቀረበው የስድስት ወር ዕቅድ አፈጻጸም ይገኝበታል፡፡ ሚኒስቴሩ ለፓርላማው ባሰማው ሪፖርት በርካታ ዝርዝር ጉዳዮችን ጠቅሷል፡፡ ሚኒስትር ፈቃዱ በየነ (ፕሮፌሰር) ባቀረቡት ሪፖርት ውስጥ ከተጠቀሱት የሚኒስቴሩ ክንውኖች መካከል በስድስት ወራት ውስጥ ከቁም እንስሳት የወጪ ንግድ ይገኛል የተባለው ገቢና በተግባር በተገኘው መካከል የታየው ሰፊ ልዩነት ይጠቀሳል፡፡