Skip to main content
x

የአዲስ አበባ ከተማ ልማት ቢሮ መሐንዲስ በሙስና በወንጀል ተጠርጥረው ታሰሩ

የአዲስ አበባ ከተማ አስተዳደር ሥራና ከተማ ልማት ቢሮ መሐንዲስ፣ በሕገወጥ መንገድ መሬት በመውሰድ የሙስና ወንጀል ተጠርጥረው ታሰሩ፡፡ ተጠርጣሪው አቶ እስክንድር ዳሪ በከተማ ልማት ቢሮ መሐንዲስ ሆነው ሲሠሩ፣ የተለያዩ የይዞታ ማረጋገጫ ሰነዶችንና የምስክር ወረቀቶችን በመውሰድ በባለቤታቻው፣ በቤተሰቦቻቸውና በሌሎች ግለሰቦች ስም ሐሰተኛ ሰነዶችን ማዘጋጀታቸውን፣ የፌዴራል ፖሊስ ኮሚሽን ወንጀል ምርመራ ቢሮ ለፌዴራል ከፍተኛ ፍርድ ቤት ልደታ ምድብ አሥረኛ ወንጀል ችሎት አስረድቷል፡፡

የበረራ አስተናጋጇን ገድላለች የተባለችው ተከሳሽ እንድትከላከል ብይን ተሰጠ

በኢትዮጵያ አየር መንገድ የቀድሞ የበረራ አስተናጋጅና ወደ ሌላ ሥራ ተሰማርታ የነበረችውን የስምንት ወር ነፍሰ ጡር በፍልጥ እንጨት ቀጥቅጣ ገድላለች የተባለችው የቤት ሠራተኛ፣ የቀረበባትን ክስ እንድትከላከል ብይን ተሰጠ፡፡

በጠና መታመማቸው ታውቆ የ390 ሚሊዮን ብር ዋስትና የተፈቀደላቸው ተከሳሽ አረፉ

ከታክስና ግብር ጋር በተገናኘ በሙስና ወንጀል ተከሰው ላለፉት አራት ዓመታት በእስር ላይ ሆነው ሲከራከሩ የነበሩት አቶ ታደለ ብርሃኑ፣ የካቲት 11 ለ12 ቀን 2010 ዓ.ም. አጥቢያ ሕይወታቸው ማለፉ ተገለጸ፡፡ የ390 ሚሊዮን ብር ዋስትና የተፈቀደላቸው በጤና መታመማቸው ከታወቀ በኋላ ነው፡፡

የኮሎኔል ደመቀ ዘውዱና የንግሥት ይርጋ ክስ ተቋረጠ

በወልቃይት ምክንያት በተፈጠረ ውዝግብና ግጭት የሽብር ወንጀል ክስ ተመሥርቶባቸው በሒደት ላይ የነበሩት ኮሎኔል ደመቀ ዘውዱና ንግሥት ይርጋ ክሳቸው ተቋረጠ፡፡ ከስምንት ዓመታት በፊት የዕድሜ ልክ እስራት ተፈርዶባቸው በማረሚያ ቤት የሚገኙት ብርጋዴር ጄኔራል ተፈራ ማሞ፣ ብርጋዴር ጄኔራል አሳምነው ጽጌ፣ ኮሎኔል ደምሰው አንተነህና ሌሎች ፍርደኞች በይቅርታ እንዲፈቱ፣ የፌዴራል ይቅርታ ቦርድ ወስኖ ለአገሪቱ ርዕሰ ብሔር ተላለፈ፡፡

የብሔራዊ መረጃና ደኅንነት ሠራተኛ ከግብረ አበሮቹ ጋር በከባድ የማታለል ሙስና ወንጀል ተከሰሰ

የማይገባ ብልፅግና ለማግኘት በማሰብና የብሔራዊ መረጃና ደኅንነት አገልግሎት ሠራተኛነቱን በመቀጠም፣ ከግብረ አበሮቹ ጋር በመሆን ከባድ የማታለል የሙስና ወንጀል ፈጽሟል የተባለው የብሔራዊ መረጃና ደኅንነት አገልግሎት ሠራተኛ ክስ ተመሠረተበት፡፡

አቶ በቀለ ገርባ ለሠላማዊ የሥልጣን ሽግግር እታገላለሁ አሉ

አቶ በቀለ ገርባ በሌሎች አገሮች እንደሚታየው ዓይነት ሠላማዊ የሥልጣን ሽግግርን በኢትዮጵያ ለማምጣት እታገላለሁ አሉ፡፡ የኦሮሞ ፌዴራሊስት ኮንግረስ ምክትል ሊቀመንበር አቶ በቀለ ገርባ ይህንን ያሉት ሪፖርተር ከእስር ከተፈቱ በኋላ ረቡዕ የካቲት 7 ቀን 2010 ዓ.ም. በመኖሪያ ቤታቸው ተገኝቶ ባነጋገራቸው ወቅት ነበር፡፡

የዞን 9 ጦማሪዎች ክስ ተቋርጦ ተሰናበቱ

የፌዴራል ጠቅላይ ዓቃቤ ሕግ የዞን 9 ጦማሪዎች ክስ እንዲቋረጥና እንዲለቀቁ ወሰነ፡፡ ክሳቸው እንዲቋረጥ የተወሰነላቸው ናትናኤል ፈለቀ፣ በፍቃዱ ኃይሉና አጥናፍ ብርሃኔ ሲሆኑ፣ በሽብር ወንጀል ተጠርጥረው ነበር ክስ የተመሠረተባቸው፡፡ ተከሳሾቹ ዛሬ የፍርድ ቤት ቀጠሮ የነበራቸው ሲሆን፣ ፍርድ ቤት ሲደርሱ ክሳቸው እንደተቋረጠ ተነግሯቸው ወደየቤታቸው እንዲሄዱ ተደርጓል፡፡

የአማራ ክልል ፕሬዚዳንትን ጨምሮ የክልሉ ከፍተኛ ባለሥልጣናት በመከላከያ ምስክርነት ተቆጠሩ

በአማራ ክልል በጎንደር ከተማና ሰሜን ጎንደር በተለያዩ ወረዳዎች ከሐምሌ 5 ቀን 2008 ዓ.ም. ጀምሮ ከግንቦት ሰባት አመራሮች ጋር ግንኙነት በመፍጠር፣ አመፅ በማስነሳትና በመምራት በግልና በመንግሥት ንብረት ላይ ጉዳት አድርሰዋል ተብለው ክስ የተመሠረተባቸው እነ ንግሥት ይርጋ፣ የክልሉን ፕሬዚዳንት ጨምሮ በርካታ ባለሥልጣናትን በመከላከያ ምስክርነት ቆጠሩ፡፡