Skip to main content
x

የግብፅ የፍርኃት ፖለቲካና ታላቁ የህዳሴ ግድብ

ስቶኮልም ዓለም አቀፍ የውኃ ኢንስቲትዩት በታላቁ የኢትዮጵያ ህዳሴ ግድብ ላይ፣ ለምሥራቅ የዓባይ ወንዝ ተፋሰስ አገሮች ያዘጋጀውን ዓውደ ጥናት እንዲካፈሉ ከተጋበዙ የኢትዮጵያ የሚዲያ ተቋማት መካከል ሪፖርተር አንዱ ነበር፡፡ ለዚህ ዓውደ ጥናት ሰኞ ሚያዝያ 29 ቀን 2010 ዓ.ም. ማለዳ በካይሮ ዓለም አቀፍ አውሮፕላን ማረፊያ የደረሰው ስድስት አባላት ያሉት የኢትዮጵያ የጋዜጠኞች ቡድን፣ ለተወሰኑ ደቂቃዎች ከአውሮፕላን ማረፊያው መውጣት አልቻለም ነበር፡፡

የብረት አምራቾች ማኅበር ለዘርፉ በልዩ ሁኔታ የውጭ ምንዛሪ እንዲቀርብ ጠየቀ

በውጭ ምንዛሪ እጥረትና አመዳደብ ችግር ምክንያት አገር በቀል የብረት ፋብሪካዎች የመዘጋት አደጋ እንደተጋረጠባቸው፣ የኢትዮጵያ መሠረታዊ ብረታ ብረትና ኢንጂነሪንግ ኢንዱስትሪዎች ማኅበር አስታወቀ፡፡ ማኅበሩ ግንቦት 3 ቀን 2010 ዓ.ም. ለኢትዮጵያ ብሔራዊ ባንክ በጻፈው ደብዳቤ፣ ለአገር በቀል ብረት አምራቾች በአጭር ጊዜ ውስጥ በልዩ ሁኔታ የውጭ ምንዛሪ እንዲቀርብ ጠይቋል፡፡

ለኔዘርላንድ ኩባንያ የተሰጠውን የጤፍ የባለቤትነት መብት ለማሰረዝ ጠቅላይ ዓቃቤ ሕግ ክስ እንዲመሠርት ተወሰነ

የኢትዮጵያን የባለቤትነት መብት በመጣስ ለኔዘርላንድ ኩባንያ የተሰጠውን የጤፍ አዘገጃጀት ፓተንት (መብት) ለማሰረዝ ሲደረግ የቆየው ድርድርና ውይይት ባለመሳካቱ፣ ጠቅላይ ዓቃቤ ሕግ መደበኛ ክስ እንዲመሠረት መወሰኑን የሳይንስና ቴክኖሎጂ ሚኒስቴር አስታወቀ፡፡

የዳንጎቴ ሲሚንቶ ሥራ አስኪያጅና ሠራተኞች ገዳዮችን ለመያዝ ከፍተኛ አሰሳ እየተካሄደ ነው

ረቡዕ ግንቦት 8 ቀን 2010 ዓ.ም. ከቀኑ አሥር ሰዓት ላይ በጥይት ተደብድበው የተገደሉት የዳንጎቴ ሲሚንቶ ዋና ሥራ አስኪያጅ፣ ጸሐፊና ሾፌር ገዳዮችን በቁጥጥር ሥር ለማዋል የመከላከያ ሠራዊት፣ የፌዴራል ፖሊስና የኦሮሚያ ፖሊስ አባላት ከፍተኛ አሰሳ በማድረግ ላይ ናቸው፡፡

በሽብር ወንጀል ተጠርጥረው የተከሰሱ በፍርድ ቤት ተቃውሞ አሰሙ

በአርበኞች ግንቦት ሰባትና በኦነግ አባልነት ተጠርጥረው የሽብር ወንጀል ክስ የተመሠረተባቸው ተከሳሾች ከማረሚያ ቤት ወደ ፍርድ ቤት ከመጡ በኋላ፣ በፍርድ ቤቱ ቅጥር ግቢ ውስጥ ሲደርሱ ተቃውሞአቸውን አሰሙ፡፡ በእነ ሚፍታህ ሼክ ሰሩር መዝገብ ክስ የተመሠረተባቸው 49 ተከሳሾችን ጨምሮ በእነ ክንዱ ዱቤ፣ በእነ ጎይቶም ርስቃይና በእነ አስቻለው ደሴ የክስ መዝገቦች ተካተው ክስ የተመሠረተባቸው በርካታ እስረኞች፣ ብሶታቸውን በመፈክር አሰምተዋል፡፡

ከኃላፊነት የሚነሱ ባለሥልጣናትን በአምባሳደርነት መሾም በፓርላማ ጥያቄ አስነሳ

ከቅርብ ዓመታት ወዲህ የሥልጣን ጊዜያቸውን ጨርሰውም ሆነ ሳይጨርሱ ከኃላፊነት የሚነሱ ሚኒስትሮችና ከፍተኛ ባለሥልጣናት በአምባሳደርነት የሚሾሙበትን አሠራርና የፍትሐዊነት ችግር በተመለከተ፣ በሕዝብ ተወካዮች ምክር ቤት ጥያቄ ተነሳ፡፡ ጥያቄው የተነሳው ሐሙስ ግንቦት 8 ቀን 2010 ዓ.ም. የውጭ ጉዳይ ሚኒስትሩ ወርቅነህ ገበየሁ (ዶ/ር) የመሥሪያ ቤታቸውን የዘጠኝ ወራት ሪፖርት ሲያቀርቡ ነው፡፡

የቀድሞ የጋምቤላ ክልል ፖሊስ ኮሚሽነርን ጨምሮ 29 ተከሳሾች ጥፋተኛ ተባሉ

በጋምቤላ ክልል በማዣንግ ዞን ጎደሬ ወረዳ ሜጢ ከተማ ውስጥ በተፈጠረ ግጭት ለ79 ሰዎች ሞት፣ ለ27 ሰዎች ከፍተኛና ዝቅተኛ የአካል መጉደል፣ ለ273 መኖሪያ ቤቶች መቃጠል፣ ከ13,000 በላይ ነዋሪዎች ከቤት ንብረታቸው እንዲፈናቀሉ አድርገዋል ተብለው ክስ የተመሠረተባቸው፣ የቀድሞ የክልሉ ፖሊስ ኮሚሽነርን ጨምሮ 29 ተከሳሾች ጥፋተኛ ተባሉ፡፡

ጠቅላይ ሚኒስትሩ ሼክ አላሙዲን እንዲፈቱ መስማማታቸውን ገለጹ

ለጉብኝት ሳዑዲ ዓረቢያና የተባበሩት ዓረብ ኤሚሬትስ የነበሩት ጠቅላይ ሚኒስትር ዓብይ አህመድ (ዶ/ር) በሳዑዲ ዓረቢያ በእስር ላይ የሚገኙት ሼክ መሐመድ አሊ አላሙዲን እንዲፈቱ ጠይቀው ስምምነት ላይ እንደደረሱ ተናገሩ፡፡

የዳንጎቴ ሲሚንቶ ማኔጀር ተገደሉ

የዳንጎቴ ሲሚንቶ የኢትዮጵያ ፋብሪካ ዋና ሥራ አስኪያጅ ዲፕ ካማራ ረቡዕ ግንቦት 8 ቀን 2010 ዓ.ም. አሥር ሰዓት ላይ ከጸሐፊያቸውና ከሾፌራቸው ጋር ከአዲስ አበባ በስተምዕራብ 85 ኪሎ ሜትር ርቀት ላይ በምዕራብ ሸዋ ዞን አዳበርጋ ወረዳ፣ ልዩ ስሙ ረጂ በተባለ አካባቢ በሚገኘው የዳንጎቴ ሲሚንቶ ፋብሪካ አካባቢ መገደላቸው ተሰማ፡፡

ከኦሮሞ ዴሞክራሲያዊ ግንባር ጋር የተጀመረው ድርድር አንድምታ

መንግሥት መቀመጫውን በአሜሪካ ካደረገው የኦሮሞ ዴሞክራሲያዊ ግንባር (ኦዴግ) ጋር የፖለቲካ ድርድር መጀመሩ፣ ድርድሩም ኦዴግ አገር ውስጥ ገብቶ እንዲሳተፍ በሚችልበት መርሆዎች ላይ ያተኮረ መሆኑ ተሰምቷል፡፡ ኦዴግ የተጀመረውን ድርድር አስመልክቶ ጋዜጣዊ መግለጫ ካወጣ በኋላ፣ የመንግሥት ኮሙዩኒኬሽን ጉዳዮች ጽሕፈት ቤትም ሰኞ ግንቦት 6 ቀን 2010 ዓ.ም. ድርድሩ መጀመሩን በይፋ አረጋግጧል፡፡