Skip to main content
x

በመስቀል በዓል የዩኔስኮ ምዝገባ የተፈጠረው ‹‹ስህተት›› በጥምቀቱም ላለመድገም

መሰንበቻውን የመገናኛ ብዙኃንን ትኩረት ከሳቡ በዓላት አንዱ ዓመታዊው የጥምቀት በዓል ነው፡፡ በኢትዮጵያ በአደባባይ ከሚከበሩት በአውራነትም ይጠቀሳል፡፡ ሃይማኖት ከባህል ጋር የነበረውና ያለው የሚኖረው ቁርኝት አሳይነቱም ይጎላል፡፡ ድንበርን አልፎ ባሕርን ተሻግሮ ባዕዶችን ጭምር የማረከ መሆኑም ሌላው ገጽታው ነው፡፡

በዓል እና ገፀ በረከት

የሁለተኛ ደረጃ ተማሪ እያለች፣ ጓደኞቿ ለልደት በዓል ስጦታ መለዋወጥ እንደሚፈልጉ ነገሯት፡፡ የጓደኛሞቹ ስም በወረቀት ይጻፍና ተጠቅልሎ ዕጣ ይወጣል፡፡ ከመካከላቸው ማን የማን ስም የተጻፈበት ወረቅት እንደደረሰው ዕጣው በወጣበት ዕለት አይነጋገሩም፡፡ በሚስጥር ይያዛል፡፡ ወ/ሮ ቤተል ዓባይ እንደምትለው፣ የኢየሱስ ክርስቶስ የልደት በዓል አንድ ወይም ሁለት ቀን ሲቀረው ስጦታ ይለዋወጣሉ፡፡

የዋጋ ቅናሽ የሚናፍቀው ሸማች

በዓላት በተቃረቡ ቁጥር ሰውን ሁሉ ራስ ምታት ከሚያሲዙ ጉዳዮች አንዱ የዋጋና የገበያ ጉዳይ ነው፡፡ በኢትዮጵያ ከበዓላት አከባበር ልማድ አኳያ ለበዓሉ የሚያስፈልጉ እንደ በግ፣ ዶሮ፣ ቅቤ፣ እንቁላል ወዘተ. ምርቶች ዋጋቸው ምን ያህል ጨምሮ ይሆን? የሚለው ያሳስባል፡፡ ሁሉም እንደየአቅሙ በዓሉን ለማክበር ተለቅቶና ተበድሮ የቋጠራትን ጥሪት በመያዝ ወደ ገበያ ያቀናል፡፡

የኢሬቻ ውሎ

የኢትዮጵያ 13 ወራት መባቻ መስከረምን ከሚያደምቁ በዓላት አንዱ ኢሬቻ ነው፡፡ በዚህ ወቅት የሚከበሩ ኢሬቻና ሌሎችም በዓላት ጭጋጋማውን ክረምት አልፎ ወደ በጋ መሸጋገርን መነሻ ያደረጉ ናቸው፡፡