Skip to main content
x

በቂሊንጦ ቃጠሎ ተጠርጥረው የተከሰሱ 38 ተጠርጣሪዎች ለብይን ተቀጠሩ

በፌዴራል ማረሚያ ቤቶች አስተዳደር የቂሊንጦ ተከሳሾች ማቆያ ቃጠሎ ጋር በተገናኘ ክስ የተመሠረተባቸው በእነ መቶ አለቃ ማስረሻ ሰጤ መዝገብ፣ ዶ/ር ፍቅሩ ማሩን ጨምሮ 38 ተከሳሾች ለብይን ተቀጠሩ፡፡ ጠቅላይ ዓቃቤ ሕግ የመሠረተውን ክስ ሲመለከት የከረመው የፌዴራል ከፍተኛ ፍርድ ቤት ልደታ ምድብ 19ኛ ወንጀል ችሎት ብይኑን የሰጠው ዓርብ ጥር 18 ቀን 2010 ዓ.ም. ነው፡፡ ፍርድ ቤቱ በዕለቱ መዝገቡን ቀጥሮ የነበረው ቀደም ባለው ቀጠሮ መጥሪያ ደርሷቸው ሳይቀርቡ የቀሩ የዓቃቤ ሕግ ሁለት ምስክሮችን ፖሊስ አስሮ እንዲያቀርብና ያልቀረቡበትን ምክንያት አስረድተው ምስክርነታቸውን እንዲሰጡ ነበር፡፡

እነ አቶ በቀለ ገርባን ማረሚያ ቤት ሳያቀርባቸው በመቅረቱ ፍርድ ሳይሰጥ ቀረ

በመከላከያ ምስክርነት የቆጠሯቸው ምስክሮች እንደማይጠሩ ፍርድ ቤት ብይን ከሰጠ በኋላ፣ ለሐሙስ ጥር 10 ቀን 2010 ዓ.ም. ለፍርድ ተቀጥረው የነበሩት እነ አቶ በቀለ ገርባ (አራት ተከሳሾች)፣ የአዲስ አበባ ማረሚያ ቤት አስተዳደር ሳያቀርባቸው በመቅረቱ ፍርድ ሳይሰጥ ቀረ፡፡

ከቂሊንጦ ቃጠሎ ጋር በተገናኘ የምስክሮች አቀራረብ መዘግየት ተቃውሞ አስነሳ

በአዲስ አበባ ማረሚያ ቤቶች አስተዳደር የቂሊንጦ እስረኞች ማቆያ ቤት ነሐሴ 28 ቀን 2008 ዓ.ም. በመቃጠሉ የ23 እስረኞች ሕይወት ካለፈ በኋላ ድርጊቱን ፈጽመዋል የተባሉ 38 ተጠርጣሪዎች ተከሰው፣ ዓቃቤ ሕግ በተከሳሾቹ ላይ የቆጠራቸውን ምስክሮች እያቀረበ ነው፡፡ በምስክሮቹ አቀራረብ መዘግየት ምክንያት  ተከሳሾቹ ሰኞ ታኅሳስ 23 ቀን 2010 ዓ.ም. ተቃውሟቸውን ለፍርድ ቤት አቅርበዋል፡፡

የማይካስ ጉዳት

መጠነኛ ስፋት ባለው ክፍል ውስጥ ወደ 400 የሚሆኑ የሕግ ታራሚዎች ይኖራሉ፡፡ በክፍሉ ውስጥ የሚገኙት አልጋዎች 100 ሰዎችን ማስተናገድ እንኳ አይችሉም ነበር፡፡